டெல்லி முதல்வராக மீண்டும் ஒரு பெண்.. பாஜகவின் திட்டம் இதுதான்.. பதவியேற்பு விழா எப்போது?
டெல்லி: டெல்லி மாநில முதல்வராக ஒரு பெண் பதவியேற்பார் என்று செய்திகள் பரவி வருகின்றன. பாஜக எம்எல்ஏக்கள் கூடி விரைவில் முதல்வரைத் தேர்ந்தெடுப்பார்கள் என்றும், பிரதமர் நரேந்திர மோடி அமெரிக்காவுக்குப் போய் விட்டுத் திரும்பியதும் பதவியேற்பு விழா நடைபெற வாய்ப்புள்ளதாகவும் கூறப்படுகிறது.
டெல்லி சட்டசபைக்கு நடந்த தேர்தலில் பாஜக அபார வெற்றியைப் பெற்றது. மொத்தம் உள்ள 70 தொகுதிகளில் 48ல் பாஜக வெற்றி பெற்றது. மீதம் உள்ள 22 தொகுதிகளில் ஆம் ஆத்மி கட்சி வென்றது. காங்கிரஸ் ஒரு தொகுதியிலும் வெல்ல முடியவில்லை.
இந்த நிலையில் டெல்லியின் அடுத்த முதல்வர் யார் என்ற எதிர்பார்ப்பு நிலவி வருகிறது. இதுவரை முதல்வர் யார் என்று தெரியவில்லை. பர்வேஷ் வர்மா, பன்சூரி சுவராஜ் உள்ளிட்ட சிலரின் பெயர்கள் அடிபட்டு வருகின்றன. இருப்பினும் ஒரு பெண் முதல்வருக்கு வாய்ப்பிருப்பதாக தற்போது பலமான பேச்சு அடிபடுகிறது. யார் அந்த பெண் என்பது மட்டுமே சஸ்பென்ஸாக உள்ளது.
அதேபோல பிற்படுத்தப்பட்ட வகுப்பைச் சேர்ந்த ஒருவருக்கு துணை முதல்வர் பதவி தரப்படலாம் என்ற எதிர்பார்ப்பும் உள்ளது. பெண்கள் மற்றும் தலித் சமுதாயத்தினருக்கு அமைச்சரவையில் முக்கியத்துவம் தரப்படும் என்ற பேச்சும் அடிபடுகிறது.
தற்போது வெற்றி பெற்றுள்ள 48 பாஜக எம்எல்ஏக்களில் நான்கு பேர் மட்டுமே பெண்கள் ஆவர். ரேகா குப்தா (ஷாலிமார் பாக் தொகுதி), ஷிகா ராய் (கிரேட்டர் கைலாஷ்), பூனம் சர்மா (வாசிர்பூர்) , நீலம் பஹல்வான் (நஜப்கர்) இவர்களில் ஒருவருக்கு முதல்வர் பதவி கிடைக்கலாம் என்று கூறப்படுகிறது. அப்படி இல்லாவிட்டால் தேர்தலில் போட்டியிடாத யாரேனும் முதல்வராகப் போகிறார்களா என்ற எதிர்பார்ப்பும் உள்ளது.
செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்
சமீபத்திய செய்திகள்
வயசுக்கு முக்கியம் தரணும்.. இளம் நடிகையுடன் ரொமான்ஸ் காட்சிகளில் நடிக்க மறுத்த மாதவன்!
சூப்பர் ஸ்டார் ரஜினிகாந்த்தின் கூலி படத்தின் முதல் வார வசூல் இவ்வளவா.. அதிர வைக்கும் டேட்டா!
கூலி நடிப்புக்குக் கிடைக்கும் அப்ளாஸ்.. ஸ்ருதி ஹாசன் செம ஹேப்பியாம் !
புலி வேட்டையாடும்போது அணில்கள் குறுக்கமறுக்க ஓடுது... விஜய்யை கடுமையாக விமர்சித்த சீமான்!
வலுப்பெறும் காற்றழுத்த தாழ்வு பகுதி... நீலகிரி, கோவை மலைப்பகுதிகளுக்கு கனமழை... வானிலை மையம்
சி.பி.ராதாகிருஷ்ணனுக்கு கட்சி பேதம் இன்றி அனைத்து எம்.பிக்களும் ஆதரிக்க வேண்டும்:எடப்பாடி பழனிச்சாமி
உணர்வு ததும்பும் மதுரை மண்ணில்... இதயம் திறந்து... இரண்டு கைகளை விரித்துக் காத்திருப்பேன்: விஜய்!
ஆடி போயிருச்சு ஆவணி வந்தாச்சு.. டாப்புக்கு வந்துருவோம் மக்களே.. நம்பிக்கையோடு செயல்படுங்க!
தூய்மைப் பணியாளர்களை அரசு ஊழியராக்குங்கள் - பாமக தலைவர் டாக்டர் அன்புமணி ராமதாஸ்
{{comments.comment}}