மீண்டும் மன்மதன்.. சிம்புவின் பிறந்த நாளையொட்டி ரீ ரிலீஸ்

Jan 22, 2025,03:42 PM IST

சிம்பு நடிப்பில் வெளியாகி பட்டையைக் கிளப்பிய மன்மதன் படம் அவரது பிறந்த நாளையொட்டி ரீ ரிலீஸாகவுள்ளது. சிம்புவின் கெரியரில் மன்மதன் படத்துக்கும் முக்கிய இடம் உண்டு. அப்படிப்பட்ட மன்மதன் படம் மீண்டும் திரைக்கு வருவதால் அவரது ரசிகர்கள் செம குஷியாகியுள்ளனர்.

1 / 6
Share

Image Courtesy: IMDB

இயக்குநர் டி.ராஜேந்தரின் மகனான சிம்பு, தனது தந்தை போலவே பல்வேறு திறமைகளுடன் திரையுலகில் கலக்கி வருகிறார். பாடகராக, இசையமைப்பாளராக, இயக்குநராக, நடிகராக பல்வேறு அவதாரங்களுடன் சிம்பு அசத்திக் கொண்டிருக்கிறார். அவருக்கென்று தனி ரசிகர் கூட்டமே உண்டு.

2 / 6
Share

Image Courtesy: IMDB

சிறுவனாக நடிக்க ஆரம்பித்து இன்று கமல்ஹாசனுடன் தக் லைப் வரை அவரது திரைப்பயணம் முன்னேறி வந்துள்ளது. சிம்புவின் வாழ்க்கையில் எல்லாமே படு வேகமாக வந்தவைதான். காதலாகட்டும், நடிப்பாகட்டும், இயக்கமாகட்டும் எல்லாமே விறுவிறுவென நடந்தவைதான்.

3 / 6
Share

Image Courtesy: IMDB

சிம்புவின் பிறந்த நாள் பிப்ரவரி 3ம் தேதி வருகிறது. இதையடுத்து அவரது நடிப்பில் வெளியாகி பெரும் வெற்றியைப் பெற்ற மன்மதன் படத்தை ரீ ரிலீஸ் செய்யத் திட்டமிட்டுள்ளனர். தமிழ்நாடு முழுவதும் மன்மதன் படம் ரீ ரிலீஸாகவுள்ளதால் சிம்புவின் ரசிகர்கள் தியேட்டர்களை தடபுடலாக்க தயாராகி வருகின்றனர்.

4 / 6
Share

Image Courtesy: IMDB

மன்மதன் படத்தை இயக்கியவர் முருகன். இப்படத்தில் சிம்பு, ஜோதிகா, சிந்து துலானி, கவுண்டமணி, சந்தானம், மந்திரா பேடி என பலரும் நடித்திருந்தனர். கிட்டத்தட்ட கமல்ஹாசனின் சிவப்பு ரோஜாக்கள் படம் போலத்தான் இதுவும் இருக்கும். ஆனால் இதில் திரைக்கதையை வித்தியாசமாக டிரீட் செய்திருந்தனர்.

5 / 6
Share

Image Courtesy: IMDB

யுவன் ஷங்கர் ராஜாவின் இசையில் இப்படத்தின் பாடல்கள் அனைத்தும் சூப்பர் டூப்பர் ஹிட்டாகியிருந்தன. காதல் வளர்த்தேன், மன்மதனே நீ, என் ஆசை மைதிலியே என சூப்பர் ஹிட்டான பாடல்கள் இன்று வரை ரசிகர்களால் விரும்பி ரசிக்கப்படும் பாடல்கள் பட்டியலில் முக்கிய இடத்தில் உள்ளவை.

6 / 6
Share

Image Courtesy: IMDB

2005ம் ஆண்டு தீபாவளிக்குத் திரைக்கு வந்த இந்தப் படத்துடன் அஜீத்தின் அட்டகாசம், சரத்குமாரின் சத்ரபதி, விஜயகாந்த்தின் நெறஞ்ச மனசு ஆகியவையும் வெளியாகியிருந்தன. ஆனாலும் மன்மதன் சூப்பர் ஹிட் படமானது, 100 நாட்கள் ஓடி வசூலையும் அள்ளிய படமாக அமைந்தது.

செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்