சமைக்க நேரம் இல்லையா? ஈஸியான ஒன்பாட் ரெசிபீஸ் இதோ...!

Jan 03, 2025,02:58 PM IST

காலையில் லேட்டாகி விட்டது, சமைக்க நேரமில்லை, வார விடுமுறை நாட்களில் சமையல் செய்ய கஷ்டமாக இருக்கிறது என கவலைப்படுபவரா நீங்கள்? இந்த ஒன்பாட் ரெசிபிக்களை டிரை பண்ணி பாருங்கள். சட்டுன்னு வேலையும் முடிஞ்சுடும், ருசியும் அள்ளும்.

1 / 6
Share

Image Courtesy: Freepik

1. சிக்கன் ரைஸ் : சிக்கன் வாங்கும் போது மசாலாக்களை கலந்து, ஃபிரிட்ஜில் வைத்து விடுங்கள். அவசரமாக செய்ய வேண்டி இருக்கும் சமயத்தில் தேவையான அளவு அரிசியுடன், மசாலா கலந்த சிக்கனை சேர்த்து குக்கரில் விசில் விட்டு இறக்கினால் சிக்கன் ரைஸ் ரெடி.

2 / 6
Share

Image Courtesy: Freepik

2. மசாலா வெஜிடபிள் கிச்சடி : இது மிகவும் சத்தான, சுவையான உணவும் கூட. அரிசி, தேவையான அளவு காலி பிளவர், காரட், பட்டாணி ஆகியவற்றுடன் மசாலா பொடி, உப்பு சேர்த்து, தேவையான அளவு தண்ணீர் சேர்த்து குக்கரில் வைத்து இறக்கினால் போதும்.

3 / 6
Share

Image Courtesy: Freepik

3. சன்னா ரைஸ் : நேரம் கிடைக்கும் போது சுண்டலை ஊற வைத்து, தண்ணீரை முழுவதுமாக வடித்து விட்டு ஒரு டப்பாவில் போட்டு ஃபிரிஃஜ்னில் வைத்துக் கொண்டால். தேவைப்படும் போது சுண்டலுடன் அரிசி, உப்பு, சீரகம், சிறிதளவு மிளகாய் தூள், சிறிதளவு மஞ்சள் தூள் சேர்த்து வேக வைத்து இறக்கினால் சன்னா ரைஸ் ரெடி.

4 / 6
Share

Image Courtesy: Freepik

4. ரசம் சாதம் : தென்னிந்தியாவின் மிக பாரம்பரிய பிரபலமான உணவு இது. தேவையான அளவு அரிசியுடன் தக்காளி, பச்சை மிளகாய் நறுக்கி போட்டு, மிளகுத்தூள், சீரகத் தூள் ஒரு ஸ்பூன், 3 பல் பூண்டு, மஞ்சள் தூள், ஒரு ஸ்பூன் துவரம் பருப்பு, உப்பு தேவையான அளவு சேர்த்து குக்கரில் வைத்து இறக்கினால் குளிர்காலத்திற்கு ஏற்ற ரசம் சாதம் ரெடி.

5 / 6
Share

Image Courtesy: blendofspicesbysara

5. வத்தக் குழம்பு ரைஸ்: சிறிய நெல்லிக்காய் அளவு புளியை சூடான தண்ணீரில் சிறிது நேரம் ஊறவைத்து, 4 கப் தண்ணீர் சேர்த்து கரைத்துக் கொள்ளவும். குக்கரை அடுப்பில் வைத்து சிறிதளவு நல்லெண்ணெய் ஊற்றி, எண்ணெய் காய்ந்ததும் சீரகம், வெந்தயம் பொரிய விட்டு, கறிவேப்பிலை போட்டு தாளித்து, தேவைப்பட்டால் வெங்காயம், பூண்டு, சுண்டைக்காய் வற்றல் ஆகியவற்றை சேர்த்து, அவை பொரிந்ததும், கரைத்து வைத்துள்ள 4 கப் புளி கரைச்சல் தண்ணீர் சேர்த்து, மிளகாய் தூள், மஞ்சள் தூள், உப்பு சேர்த்து ,லேசாக கொதி வந்ததும், அரிசியை சேர்த்து, 3 விசில் விட்டு இறக்கினால் நாவில் எச்சில் ஊறும் வத்தக்குழம்பு சாதம் ரெடி.

6 / 6
Share

Image Courtesy: sharmispassions

6. பருப்பு சாதம்: குக்கரில் எண்ணெய் விட்டு, கடுகு, சீரகம், கறிவேப்பிலை, வர மிளகாய் போட்டு தாளித்து, அதோடு 3/4 கப் அரிசிக்கு 1/4 கப் துவரம் பருப்பு சேர்த்து, தேவையான அளவு தண்ணீர் உப்பு சேர்த்து, விசில் வைத்து இறக்கினால் ஈஸியான பருப்பு சாதம் ரெடி.

செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்