பிப்ரவரி 14.. காதலர் தினத்தன்று.. கண்களுக்கும், மனசுக்கும் விருந்து படைக்க வரும் படங்கள்

Feb 11, 2025,10:50 AM IST

காதலர் தினத்தை கொண்டாடுவதற்கு உலகம் முழுவதும் உள்ள காதலர்கள் எதிர்பார்த்து காத்திருக்கின்றனர். காதலர் தினம் பிப்ரவரி 14-ஆம் தேதி உலகம் உள்ள காதலர்களால் சிறப்பாக கொண்டாடப்பட உள்ளது. இந்த காதலர் தின கொண்டாட்டத்திற்கு இன்னும் ஒரு சில நாட்களே உள்ளன. மறுபக்கம் காதலர் தின கொண்டாட்டத்தை முன்னிட்டு என்னென்ன படங்கள் திரைக்கு வர இருக்கிறது என ரசிகர்கள் ஆவலோடு காத்திருக்கின்றனர். அந்த வரிசையில் காதலர் தினத்தை முன்னிட்டு எட்டு படங்கள் திரைக்கு வர உள்ளன.

1 / 8
Share

Image Courtesy: X

ஒத்த ஓட்டு முத்தையா:

தமிழ் சினிமாவில் நடிகர் கவுண்டமணிக்கு என்று தனி அந்தஸ்து உண்டு. அவருக்கென்று படம் பார்க்கும் ரசிகர்கள் கூட்டமும் அதிகம். அந்த வகையில் நகைச்சுவை நடிகர் கவுண்டமணியின் நீண்ட இடைவெளிக்கு நாயகனாக கம்பேக் கொடுத்துள்ளார். நடிகர் கவுண்டமணி ஒத்த ஓட்டு முத்தையா என்ற திரைப்படத்தில் நடித்து முடித்துள்ளார். இவருக்கு ஜோடியாக ராஜேஸ்வரி நடித்துள்ளார். இவருடன் இணைந்து யோகி பாபு, மொட்டை ராஜேந்திரன், வையாபுரி, ரவி மரியா, சிங்கமுத்து என சக காமெடி நடிகர்கள் நடித்துள்ளனர். அரசியல் மற்றும் நகைச்சுவை கலந்து உருவாகியுள்ள இப் படத்திற்கு ரசிகர்களின் எதிர்பார்ப்பு வலுத்துள்ளது.

2 / 8
Share

Image Courtesy: X

2கே கிட்ஸ் லவ் ஸ்டோரி:

சுசீந்திரன் இயக்ககத்தில் இமான் இசையில் உருவாகிள்ள டூ கே லவ் ஸ்டோரி திரைப்படத்தில் புதுமுக நடிகர்கள் நடித்துள்ளனர். இப்படத்தை சிட்டி லைட்ஸ் பிக்சர் நிறுவனம் சார்பில் விக்னேஷ் சுப்பிரமணியன் தயாரிக்கிறார். இன்றைய 2கே தலைமுறையின் கதையை சொல்லக்கூடிய வகையில் உருவாகியுள்ள டூ கே கிட்ஸ் லவ் ஸ்டோரி திரைப்படம் காதலர் தினத்தை முன்னிட்டு பிப்ரவரி 14ஆம் தேதி வெளியாக உள்ளது.

3 / 8
Share

Image Courtesy: X

படவா:

நடிகர் விமல் மற்றும் சூரி கூட்டணியில் உருவாகியுள்ள திரைப்படம் தான் படவா. இப்படத்தில் நாயகியாக ஸ்ரீதா மற்றும் வில்லன் கதாபாத்திரத்தில் கே ஜி எஃப் ராம் நடித்துள்ளனர். இவர்களுடன் தேவதர்ஷினி, நமோ நாராயணன், வினோதினி, டி எஸ் ஆர் சரவண சக்தி, சாம் உட்பட பலர் நடித்துள்ள இப்படத்தை கே.வி நந்தா இயக்கி உள்ளார்.

4 / 8
Share

Image Courtesy: X

தினசரி:

இயக்குனர் ஜி சங்கர் இயக்கத்தில் உருவாகியுள்ள தினசரி திரைப்படத்தில் நடிகர் ஸ்ரீகாந்த் நடித்துள்ளார். இவருடன் இப்படத்தின் தயாரிப்பாளரான சில்வியா நாயகியாகவும் நடித்துள்ளார். இவர்களுடன் பிரேம்ஜி, எம் எஸ் பாஸ்கர், ராதா ரவி,உள்ளிட்ட பல நடிகர்கள் நடித்துள்ளனர். இப்படத்திற்கு இசைஞானி இளையராஜா இசையமைத்துள்ளார்.

5 / 8
Share

Image Courtesy: X

காதல் என்பது பொதுவுடமை:

இயக்குனர் ஜெயப்பிரகாஷ் ராதாகிருஷ்ணன் இயக்கத்தில் உருவாகியுள்ள திரைப்படம் தான் காதல் என்பது பொதுவுடமை. இப்படத்தில் லிஜோமோல் ஜோஸ், வினித், ரோகிணி, அனிஷா, உள்ளிட்ட பலர் முன்னணி கதாபாத்திரத்தில் நடித்துள்ளனர். தன்பால் ஈர்ப்பார்களின் உணர்வுகளையும் அவர்கள் மூலம் வெளிப்படும் காதலையும் இன்றைய சமூகம் எப்படி கையாளுகிறது என்பதை மையமாகக் கொண்டு உருவாகியுள்ள இப்படத்தின் கதைக்களம் அனைத்து ரசிகர்களின் கவனத்தை ஈர்த்து வருகிறது. இப்படம் குறித்த பாசிட்டிவான கருத்துக்களையே ரசிகர்கள் தெரிவித்து வருகின்றனர்.இதனால் இப்படத்தில் வெளியீட்டிற்கு எதிர்பார்ப்பு அதிகரித்துள்ளது.

6 / 8
Share

Image Courtesy: X

பேபி அண்ட் பேபி:

வளர்ந்து வரும் நடிகர்களில் ஒருவரான நடிகர் ஜெய் தற்போது பேபி அண்ட் பேபி என்ற படத்தில் நடித்துள்ளார். இவருக்கு ஜோடியாக பிரக்யா நாகரா நடித்துள்ளார். இவருடன் நடிகர் சத்யராஜ், நடிகை கீர்த்தனா,யோகி பாபு மற்றும் பலர் நடித்துள்ளனர். குடும்பப் உறவுகளின் பின்னணியில் உருவாகியுள்ள இப்படத்தை அறிமுகம் இயக்குனர் பிரதாப் இயக்கி உள்ளார். குடும்ப எண்டர்டைனராக வெளியாக உள்ள இப்படத்திற்கு ரசிகர்கள் மத்தியில் பெரும் எதிர்பார்ப்பு நிலவி வருகிறது.

7 / 8
Share

Image Courtesy: X

பயர்:

தயாரிப்பாளரும் நடிகருமான கேஎஸ்கே இயக்கியுள்ள திரைப்படம் தான் ஃபயர். இதில் ரக்ஷிதா மகாலட்சுமி, சாக்ஷி அகர்வால், காயத்ரி ஷான், பாலாஜி முருகதாஸ், சாந்தினி தமிழரசன், சிங்கம்புலி, சுரேஷ் சக்கரவர்த்தி, உள்ளிட்ட மிகப்பெரிய நட்சத்திர பட்டாளமே நடித்துள்ளனர். இப்படம் உண்மை சம்பவத்தை மையமாகக் கொண்டு படமாக்கப்பட்டுள்ளதாம்.

8 / 8
Share

Image Courtesy: X

வெட்டு:

அம்மா பாசத்தை மையமாக வைத்து எடுக்கப்பட்ட படம்தான் வெட்டு. அம்மா ராஜசேகர் இப்படத்தை இயக்கியுள்ளார். அம்மா ராகின் ராஜ், அங்கிதா நாஸ்கர், ரோஹித், எஸ்தர் நொரோன்ஹோ உள்ளிட்டோர் இதில் நடித்துள்ளனர். தெலுங்கு மற்றும் தமிழில் இப்படம் உருவாக்கப்பட்டு பிப்ரவரி 14ம் தேதி ரிலீஸாகிறது.

செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்

சமீபத்திய செய்திகள்

எம்எல்ஏ.க்களுக்கு கார்.. விவாதத்தில் சிக்கிய ஆபர்.. முதல்வர் விஜய்யின் அறிவிப்பு சரியா?

விஜய்யிடம் சீட் கேட்ட அந்த பிரபல டைரக்டர் இவரா? ஹாட் டாக்கான புஸ்ஸி ஆனந்த் பேச்சு

நிறைவேற்ற வேண்டிய திட்டங்கள் எவ்வளவோ இருக்க.. எம்எல்ஏக்களுக்கு கார் எதுக்கு?.. சீமான்

உத்தரப் பிரதேச நீதிபதியிடமிருந்து 100 கொலை வழக்குகள் அதிரடி மாற்றம்.. அதிர வைக்கும் காரணம்!

செட்டிநாட்டு கிச்சன்.. இன்றைய ருசியான ரெசிபி.. அசத்தலான மட்டன் கிரேவி!

பாத்து பாத்து ஆசை அள்ள பரவசத்தில் மீசை துள்ள!

Varalakshmi Nonbu: வரலட்சுமி நோன்பு.. ஆகஸ்ட் 21ம் தேதியா இல்லை 28ஆ?

பாம்பன் சுவாமிகளே பக்தியின் பெருங்கடலே!

சரியான முடிவு

பிப்ரவரி 14.. காதலர் தினத்தன்று.. கண்களுக்கும், மனசுக்கும் விருந்து படைக்க வரும் படங்கள்

சமீபத்திய செய்திகள்

அதிகம் பார்க்கும் செய்திகள்