புயலால் பெரும் பாதிப்பு.. மத்திய அரசிடம் ரூ. 5000 கோடி உதவி கேட்கப்படும்: முதல்வர் ஸ்டாலின்

Dec 05, 2023,04:49 PM IST

சென்னை: மிச்சாங் புயலால் ஏற்பட்ட மழை நிவாரண பணிகளுக்காக மத்திய அரசிடம் இருந்து ரூ. 5 ஆயிரம் கோடி கேட்க உள்ளதாக முதல்வர் மு.க.ஸ்டாலின் தெரிவித்துள்ளார்.

மிச்சாங் புயல் நிவாரணப் பணிகளில் தமிழக அரசு தீவிரமாக இறங்கியுள்ளது. நிவாரணப் பணிகளை முதல்வர் மு.க.ஸ்டாலின் நேரடியாக சென்று ஆய்வு செய்தார். பின்னர் செய்தியாளர்களிடம் முதல்வர் மு.க.ஸ்டாலின் கூறுகையில், மத்திய அரசு தரும் நிதியை பொறுத்து தமிழக அரசு நிவாரணத் தொகை வழங்க முடிவு செய்துள்ளது. நான்கு நாட்களில் முழு நிவாரணம் கிடைக்க அரசு நடவடிக்கை மேற்கொள்ளும். ஏற்கனவே பெய்த மழையின் அடிப்படையில் பணிகளை திட்டமிட்டோம். ஆனால், இது வரலாறு காணாத வகையில் மழை பதிவாகியுள்ளது.

தற்போது பெய்த மழை கடந்த காலத்தை விட அதிகமாக உள்ளது. அரசின் நடவடிக்கையால் பாதிப்பு சற்று குறைந்துள்ளது. 9 மாவட்டங்களில் ஆயிரக்கணக்கான பேர் நிவார முகாம்களின் தங்க வைக்கப்பட்டுள்ளனர். அலையின் சீற்றம் அதிகமாக இருந்ததால் தண்ணீர் வெளியேற தாமதம் ஆனது.

மழை பாதிப்பை அரசியல் ஆக்க நான் விரும்பவில்லை. மழை பாதிப்பு குறித்து எதிர்க்கட்சித் தலைவர் பழனிச்சாமி பொய்யான தகவல்களை கூறுகிறார். 75 சதவீத இடங்களில் பணிகள் சீரானது. மீதமுள்ள 25 சதவீதம் பணிகள் நாளைக்குள் சரிசெய்யப்படும். மழை நிவாரண பணிகளுக்காக மத்திய அரசிடம் 5000 கோடி கேட்க உள்ளோம். அதன்படி பாதிக்கப்பட்ட மக்களுக்கு நிவாரணம் வழங்குவது குறித்து முடிவு எடுக்கப்படும்.

சென்னையில் இயல்பு நிலைமை வெகு விரைவில் கொண்டு வர நடவடிக்கை எடுக்கப்பட்டு வருகிறது. இயற்கை சீற்றங்களால் மக்கள் இன்னல்களுக்கு ஆளானாலும் அவர்களை அதிலிருந்து மீட்டு நடவடிக்கையில் அரசு தீவிர கவனம் செலுத்தி வருகிறது என்றார் அவர்.

சமீபத்திய செய்திகள்

11 மாவட்டங்களில் நாளை கனமழை பெய்ய வாய்ப்பு: சென்னை வானிலை மையம் அறிவிப்பு!

கன்னியாகுமரி கண்ணாடி பாலத்தில் விரிசலா.. மாவட்ட கலெக்டர் அழகு மீனாவின் விளக்கம் இதுதான்!

இலங்கை தமிழ் அகதிகளுக்கு நீண்டகால விசாவும், குடியுரிமையும் வழங்கும் சட்ட திருத்தமும் தேவை: அன்புமணி

மதுரை விமான நிலையத்திற்கு முத்துராமலிங்கத் தேவர் பெயர்.. 2 தலித் கட்சிகள் எதிர்ப்பு

முதல்வர் மு.க.ஸ்டாலின் தலைமையில் நாளை திமுக மாவட்டச் செயலாளர்கள் கூட்டம்

தலைமை சொல்வதை கேட்பதே எனது பொறுப்பு: தமிழக பாஜக தலைவர் நயினார் நாகேந்திரன்!

ரஷ்யா மீது 2வது கட்ட பொருளாதார தடை விதிக்கப் போறேன்.. டொனால்ட் டிரம்ப் அறிவிப்பு

கண்மணியே உன் கா(த)ல் தடம் தேடி..1 (கவிதைத் தொடர்)

ஆசிய கோப்பை ஹாக்கி 2025.. 8 வருடங்களுக்குப் பிறகு கோப்பையை வென்று இந்தியா அசத்தல்

புயலால் பெரும் பாதிப்பு.. மத்திய அரசிடம் ரூ. 5000 கோடி உதவி கேட்கப்படும்: முதல்வர் ஸ்டாலின்

Comments

சமீபத்திய செய்திகள்

அதிகம் பார்க்கும் செய்திகள்