60 வயதில் 2வது திருமணம் செய்த ஆசிஷ் வித்யார்த்தி.. குவியும் வாழ்த்துகள்

May 26, 2023,11:27 AM IST

சென்னை : பிரபல நடிகரான ஆசிஷ் வித்யார்த்தி தனது 60 வது வயதில் 2வது திருமணம் செய்து கொண்டுள்ளார். இவரது திருமண போட்டோக்கள் வைரலான நிலையில், வாழ்த்துக்கள் குவிந்து வருகின்றன.

தில், பாபா, பகவதி படங்களில் வில்லனாகவும், கில்லி படத்தில் விஜய்க்கு அப்பாவாகவும் நடித்து பிரபலமானவர் நடிகர் ஆசிஷ் வித்யார்த்தி. தமிழ், தெலுங்கு, கன்னடம் என பல மொழிப் படங்களில் நடித்துள்ள ஆசிஷ் வித்யார்த்தி, மகாராஷ்டிராவைச் சேர்ந்தவர்.

60 வயதாகும் இவர் தற்போது அதிக அளவிலான படங்களில் நடிக்கவில்லை. இந்த நிலையில், அசாமை சேர்ந்த பெண் ஒருவரை 2வது திருமணம் செய்து கொண்டுள்ளார். இவருக்கு சினிமா வட்டாரத்தை சேர்ந்த பலரும், நெட்டிசன்களும் வாழ்த்து தெரிவித்து வருகின்றனர்.

ஆரம்பத்தில் இந்தி படங்களில் குணசித்திர நடிகராக நடித்து வந்த ஆசிஷ் வித்யார்த்தி, விக்ரம் நடித்த தில் படத்தின் மூலம் தமிழ் சினிமாவிற்கு வில்லனாக அறிமுகமானார். இதைத் தொடர்ந்து பாபா, ஏழுமலை, பகவதி, தமிழன் உள்ளிட்ட பல படங்களில் வில்லனாக நடித்த இவர், கில்லி படத்தில் விஜய்க்கு அப்பாவாக குணசித்திர வேடத்தில் நடித்திருந்தார்.

சமீப காலமாக தமிழ் சினிமாக்களில் தலை காட்டாமல் இருக்கும் ஆசிஷ் வித்யார்த்தி, தெலுங்கு, இந்தி, மலையாளம் மற்றும் பெங்காலி ஆகிய மொழிகளில் பிசியாக நடித்து வருகிறார். இவர் ஏற்கனவே ராஜோஷி என்பவரை திருமணம் செய்து கொண்டுள்ளார். இவர்களுக்கு ஒரு மகள் உள்ளார். முதல் மனைவியுடன் ஏற்பட்ட கருத்து வேறுபாடு காரணமாக அவரை பிரிந்து வாழ்ந்து வந்த ஆசிஷ் வித்யார்த்திக்கு தற்போது 60 வயதாகிறது.

இந்நிலையில் இப்போது ரூபாலி பருவா என்கிற அசாமை சேர்ந்த பெண்ணை 2வதாக திருமணம் செய்துள்ளார். சோஷியல் மீடியாவில் படு ஆக்டிவாக இருக்கும் ஆசிஷ் வித்யார்த்தி, மணக்கோலத்தில் இருக்கும் தனது போட்டோக்களை அதில் பகிர்ந்துள்ளார். இந்த போட்டோக்கள் செம வைரலாகி வருகின்றன. இவர்களுக்கு வாழ்த்துக்களும் குவிந்து வருகிறது.

ஆசிஷ் வித்யார்த்தியின் 2வது திருமணம் மே 25 ம் தேதியன்று கொல்கத்தாவில் நடந்துள்ளது. இந்த திருமணத்தில் நெருங்கிய உறவினர்கள், நண்பர்கள் மட்டுமே கலந்து கொண்டனர். ஆசிஷ் வித்யார்த்தி திருமணம் செய்து கொண்டுள்ள பெண் கவுகாத்தியில் பேஷன் ஸ்டோர் ஒன்றை நடத்தி வருவதாக சொல்லப்படுகிறது.

சமீபத்திய செய்திகள்

கோவை பெரியார் அறிவுலகத்தில் ஊழல்? எழுத்தாளர் பெருமாள் முருகன் குற்றச்சாட்டிற்கு அமைச்சர் விளக்கம்

அதிமுக பிரமுகர் மன்னன் கைது: தவெக எம்எல்ஏ-விடம் ரூ.30 கோடி பேரம் பேசிய விவகாரத்தில் நடவடிக்கை!

தீபாவளி பண்டிகை 2026 : தமிழகம் முழுவதும் இன்று ரேஷன் கடைகள் இயங்கும் - அரசு அறிவிப்பு!

Deepavali Special Buses: தீபாவளி பண்டிகை - தமிழ்நாடு முழுவதும் 15,659 சிறப்பு பேருந்துகள் இயக்கம்

தமிழகத்தில் 5 தொகுதிகளுக்கு இடைத்தேர்தல்: டிசம்பர் 20-க்குள் நடத்த தேர்தல் ஆணையம் திட்டம்!

ரூ.100-க்கு 10 காய்கறிகள்! தீபாவளி பண்டிகையை முன்னிட்டு கூட்டுறவுத்துறை அதிரடி அறிவிப்பு!

எம்.ஜி.ஆருடன் உலகம் சுற்றும் வாலிபன் படத்தில் நடித்து பிரபலமான.. தாய்லாந்து நடிகை மரணம்!

சென்னையில் உச்ச நீதிமன்ற கிளை அமைக்க வேண்டும்: பிரதமர் மோடிக்கு முதல்வர் விஜய் கடிதம்!

2027 உத்திரப் பிரதேச சட்டசபை தேர்தலில் போட்டியிட மாட்டேன்: அகிலேஷ் யாதவ் அதிரடி அறிவிப்பு!

60 வயதில் 2வது திருமணம் செய்த ஆசிஷ் வித்யார்த்தி.. குவியும் வாழ்த்துகள்

Comments

சமீபத்திய செய்திகள்

அதிகம் பார்க்கும் செய்திகள்