முகம்து சிராஜுக்கு அடித்த லக்கி பிரைஸ்.. ராணா வெளியேறினார்.. சிராஜுக்கு வாய்ப்பு!
டெல்லி: ஹர்ஷித் ராணா காயம் காரணமாக விளையாட முடியாத நிலை ஏற்பட்டிருப்பதால் இந்தியாவின் டி20 உலகக் கோப்பை அணியில் மூத்த பந்து வீச்சாளர் முகம்மது சிராஜ் சேர்க்கப்பட்டுள்ளார்.
இந்தியா - இலங்கை இணைந்து நடத்தும் டி20 உலகக் கோப்பைப் போட்டித் தொடர் இன்று இலங்கையில் தொடங்குகிறது. 20 நாடுகளின் அணிகள் இதில் பங்கேற்கவுள்ளன. இந்த நிலையில் இந்திய அணியில் ஒரு மாற்றம் நடந்துள்ளது.
தென்னாப்பிரிக்கா அணிக்கு எதிரான பயிற்சி ஆட்டத்தின் போது ஏற்பட்ட முழங்கால் காயம் காரணமாக வேகப்பந்து வீச்சாளர் ஹர்ஷித் ரானா தொடரிலிருந்து விலகியுள்ளார். அவருக்குப் பதிலாக அனுபவம் வாய்ந்த வேகப்பந்து வீச்சாளர் முகமது சிராஜ் அணியில் சேர்க்கப்பட்டுள்ளார்.
நவி மும்பையில் நடைபெற்ற தென்னாப்பிரிக்காவுக்கு எதிரான பயிற்சிப் போட்டியில் பந்து வீசும்போது ஹர்ஷித் ரானா காயமடைந்தார். பிசிசிஐ மருத்துவக் குழுவின் பரிசோதனைக்குப் பிறகு, அவர் உலகக்கோப்பை தொடரில் விளையாட முடியாது என அதிகாரப்பூர்வமாக அறிவிக்கப்பட்டது.
சர்வதேச கிரிக்கெட் கவுன்சிலின் தொழில்நுட்பக் குழுவின் ஒப்புதலுடன், முகமது சிராஜ் இந்திய அணியில் மாற்று வீரராக இணைந்துள்ளார். 111-க்கும் மேற்பட்ட சர்வதேசப் போட்டிகளில் விளையாடிய அனுபவம் கொண்ட சிராஜ், இந்திய அணியின் வேகப்பந்து வீச்சை மேலும் வலுப்படுத்துவார் என எதிர்பார்க்கப்படுகிறது.
முன்னதாக செய்தியாளர் சந்திப்பில் பேசிய இந்திய கேப்டன் சூர்யகுமார் யாதவ், ஹர்ஷித் ரானாவின் காயம் கவலையளிப்பதாகத் தெரிவித்தார். அணியின் சமநிலைக்கு ரானா அவசியமானவர் என்றாலும், போதிய மாற்று வீரர்கள் அணியில் இருப்பதாக அவர் நம்பிக்கை தெரிவித்திருந்தார்.
நடப்பு உலக சாம்பியனான இந்திய அணி, பிப்ரவரி 7-ஆம் தேதி மும்பை வான்கடே மைதானத்தில் அமெரிக்காவிற்கு எதிராக தனது முதல் போட்டியில் விளையாடவுள்ளது குறிப்பிடத்தக்கது.
சமீபத்திய செய்திகள்
தமிழ்த்தாய் வாழ்த்து முதலில் பாடப்படுவது கட்டாயம்.. சட்டசபையில் தீர்மானம் நிறைவேற்றம்
சட்டசபையில் கலகல.. முதல்வர் விஜய்யை குலுங்கிக் குலுங்கி சிரிக்க வைத்த எம்.ஆர்.கே. பன்னீர்செல்வம்!
தமிழ்த்தாய் வாழ்த்தை கடைசியில் பாட வற்புறுத்தவில்லை - கோர்ட்டில் மத்திய அரசு விளக்கம்
தமிழக அரசின் மாநிலக் குழுவில் அர்ச்சனா கல்பாத்தி, பாடகர் வேல்முருகன் பெயர்கள்
மாணவர்களுக்கு குடற்புழு நீக்க மாத்திரைகள்.. கை, கால்களை சுத்தமாக கழுவ செவிலியர்கள் அறிவுரை!
சென்னையில் வெளுத்து வாங்கும் கனமழை...வெப்பம் தணிந்ததால் மக்கள் மகிழ்ச்சி
சூப்பர் ஆண்டி.. பொறணி பேசியே 2 வீடு வாங்கி செட்டிலான கொலம்பியா மிரியம்!
நோட்டிஃபிகேஷன் மனிதர்கள் – போன் வைப்ரேட் ஆனா மட்டும் போதாது மச்சா!
மூன்றாவதாக தமிழ்த்தாய் வாழ்த்து என்று மத்திய அரசு சொல்லவே இல்லை.. டாக்டர் தமிழிசை செளந்தரராஜன்
{{comments.comment}}