ஓபிசி, தலித், சிறுபான்மையினர் இணைந்தால்.. பாஜகவை வீழ்த்தலாம்.. அகிலேஷ் யாதவ்

Jun 17, 2023,03:55 PM IST

லக்னோ: பிற்படுத்தப்பட்டோர், தலித்துகள் மற்றும் சிறுபான்மையினர் இணைந்து கை கோர்த்து, அனைத்து எதிர்க்கட்சிகளும் ஒருங்கிணைந்து பிரமாண்ட கூட்டணி அமைத்து போட்டியிட்டால் பாஜகவை உறுதியாக வீழ்த்த முடியும் என்று சமாஜ்வாடி தலைவர் அகிலேஷ் யாதவ் கூறியுள்ளார்.

2024 லோக்சபா தேர்தலில் பாஜகவை எப்படி வீழ்த்துவது என்றுதான் நாட்டில் உள்ள அத்தனை எதிர்க்கட்சிகளும் பெருத்த யோசனையில் உள்ளன. ஆனால் பிரமாண்டக் கூட்டணி உருவாவது என்பது இதுவரை கானல் நீராகவே உள்ளது. அனைத்து முக்கிய கட்சிகளையும் ஓரணியில் இணைக்க பல்வேறு தரப்பிலும் தீவிர முயற்சிகள் நடந்து கொண்டேதான் உள்ளன.

இந்த நிலையில் சமாஜ்வாடி கட்சித் தலைவர் அகிலேஷ் யாதவ், என்டிடிவி மாநாட்டில் கலந்து கொண்டு பேசினார். அப்போது பாஜகவை வீழ்த்த அவர் ஒரு பார்முலாவை பரிந்துரைத்தார். அவர் கூறுகையில், பாஜகவை வீழ்த்த பிற்படுத்தப்பட்டோர், தலித்துகள் மற்றும் சிறுபான்மையினர் ஒன்றிணைய வேண்டும்.

உத்தரப் பிரதேசத்தில் உள்ள 80 தொகுதிகளிலும் பாஜக வீழ்த்தவேண்டும். நாட்டை விட்டு அக்கட்சியை அப்புறப்படுத்த வேண்டும். அனைத்து தேசிய கட்சிகளும் எங்களுக்குத் துணை நின்றால் இது சாத்தியம். எந்த மாநிலத்தில் எந்தக் கட்சி வலுவானதோ அந்தக் கட்சிக்கு அதிக இடங்களைத் தர வேண்டும். அதுதான் வெற்றி தேடித் தர உதவும்.

நாங்கள் எப்போதுமே நியாயமான, நேர்மையான கூட்டணிப் பங்காளியாக இருந்திருக்கிறோம். பகுஜன் சமாஜ் கட்சியுடன் கூட்டணி வைத்துள்ளோம். காங்கிரஸுடன் இணைந்துள்ளோம். அப்போதெல்லாம் இடப் பங்கீடு தொடர்பாக எங்களால் பிரச்சினை வந்ததில்லை என்பதை அனைவரும் அறிவர் என்றார் அகிலேஷ் யாதவ்.

சமீபத்திய செய்திகள்

எந்த ஷா வந்தாலென்ன?.. தமிழ்நாடு என்றைக்குமே டெல்லிக்கு Out of Control தான்: முதல்வர் மு.க.ஸ்டாலின்!

கூட்டணி குறித்த முடிவுக்கு இபிஎஸ்சுக்கே அதிகாரம்..அதிமுக பொதுக்குழுவில் 16 தீர்மானங்கள் நிறைவேற்றம்

2026 சட்டசபைத் தேர்தலுக்கு முன் கூட்டணி விரிவாக்கம்.. ராஜ்யசபா தேர்தலை உற்று நோக்கும் தி.மு.க

விஜய்யின் பேச்சு அரசியல் முதிர்ச்சியின்மையை காட்டுகிறது:புதுச்சேரி உள்துறை அமைச்சர் நமச்சிவாயம்

தமிழகத்தில் இன்று முதல் அடுத்த 7 நாட்கள் ஓரிரு இடங்களில் மிதமான மழைக்கு வாய்ப்பு: வானிலை ஆய்வு மையம்

அனைத்து ரேஷன் அட்டை தாரர்களுக்கும் பொங்கல் பரிசு: புதுச்சேரி முதல்வர் ரங்கசாமி அறிவிப்பு

ஆஸ்திரேலியாவில்.. 16 வயதுக்குட்பட்ட குழந்தைகளுக்கு சமூக ஊடகத் தடை.. எந்தெந்த செயலிகளுக்கு ஆப்பு?

தவெகவுடன் கூட்டணி வருமா?.. பதிலளிக்காமல் தவிர்த்த புதுச்சேரி முதல்வர் ரங்கசாமி

12 ஆண்டுகளுக்குப் பிறகு மீண்டும் நடிக்க வரும் அப்பாஸ்.. படம் பேரு என்ன தெரியுமா?

ஓபிசி, தலித், சிறுபான்மையினர் இணைந்தால்.. பாஜகவை வீழ்த்தலாம்.. அகிலேஷ் யாதவ்

Comments

சமீபத்திய செய்திகள்

அதிகம் பார்க்கும் செய்திகள்