ஈரோடு இடைத்தேர்தல் இறுதிக்கட்ட பிரச்சாரம்...முதல்வர் மு.க.ஸ்டாலின் பிளான் இதுதான்

Feb 25, 2023,09:40 AM IST

ஈரோடு : ஈரோடு கிழக்கு தொகுதி இடைத்தேர்தல் இறுதிக்கட்ட பிரச்சாரத்திற்காக தமிழக முதல்வரும், திமுக தலைவருமான மு.க.ஸ்டாலின் இன்று (பிப்ரவரி 25) ஈரோடு வருகிறார். அவர் இன்று பிரச்சாரம் செய்யும் இடங்கள் மற்றும் நேரம் ஆகியவற்றின் விபரம் வெளியிடப்பட்டுள்ளது.

ஈரோடு கிழக்கு தொகுதிக்கான இடைத்தேர்தல் பிப்ரவரி 27 ம் தேதி நடக்கிறது. இதற்கான பிரச்சாரம் இன்று மாலை 5 மணியுடன் ஓய்கிறது. இதனால் இறுதிக்கட்ட பிரச்சாரம் உச்சகட்டத்தை எட்டி உள்ளது. மாலை 5 மணிக்கு மேல் வெளி மாவட்ட நபர்கள் யாரும் ஈரோடு கிழக்கு தொகுதிக்குள் இருக்கக் கூடாது என தேர்தல் கமிஷன் உத்தரவிட்டுள்ளதால் பரபரப்பாக இறுதிக்கட்ட பிரச்சாரங்கள் காலையிலேயே துவங்கி நடந்து வருகிறது.

இதில் திமுக கூட்டணி சார்பில் போட்டியிடும் காங்கிரஸ் கட்சியின் வேட்பாளர் ஈ.வி.கே.எஸ்.இளங்கோவனை ஆதரித்து தமிழக முதல்வரும், திமுக தலைவருமான மு.க.ஸ்டாலின் இறுதிக்கட்ட பிரச்சாரம் செய்ய வருகிறார்.

அரசியலிலிருந்து எதியூரப்பா ஓய்வு.. இறுதிவரை பாஜகவுக்காக பாடுபடுவேன் என உறுதி!

முதல்வரின் பிரச்சார விபரம் :

காலை 9 மணி - சம்பத் நகர்

காலை 10 மணி - காந்தி சிலை

காலை 11 மணி - அக்ரஹாரம்

பகல் 3 மணி - முனிசிபல் காலனி (கருணாநிதி சிலை)

மாலை 3.45 மணி - பெரியார் நகர்

பெரிய வலசு பகுதியில் பிரச்சாரத்தை துவங்கும் முதல்வர் பாரதி தியேட்டர், சக்தி ரோடு, பஸ் ஸ்டான்ட், மெட்ராஸ் ஹோட்டல், மஜீத் வீதி, கேஎன்கே ரோடு, மூலபட்டறை, பவானி ரோடு. பூம்புகார் நகர், காந்தி நகர், வில்லரசம்பட்டி, சம்பத் நகர், இடையங்காட்டு வலசு, சின்ன முத்து வீதி, மேட்டூர் ரோடு, பன்னீர்செல்வம் பூங்கா ஆகிய பகுதிகள் வழியாக சென்று பிரச்சாரம் செய்ய உள்ளார்.

ஈரோடு கிழக்கு தொகுதியில் ஈவிகேஎஸ் இளங்கோவனை ஆதரித்து ஏற்கனவே திமுக அமைச்சர் உதயநிதி ஸ்டாலின் இரண்டு முறை பிரச்சாரம் செய்தார். திமுக அமைச்சர்கள், கட்சி நிர்வாகிகளும் பிரச்சாரத்தில் ஈடுபட்டுள்ளனர். இந்நிலையில் இறுதி கட்ட பிரச்சாரத்தில் முதல்வரும் கலந்து கொள்ம உள்ளார்.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

கதை அல்ல நிஜம்.. "ரோஷினியின் டைரி" .. அவள் எழுதிய வரிகள் நிஜமானது!

Sunday Special: சுவையான மக்ரூனி பிரியாணி.. சாப்ட்டுப் பாருங்க.. கிறங்கிப் போய்ருவீங்க!

கதை கேளு... கதை கேளு!

Malliga Selvaraj: அன்னை மடி!

தென்தமிழ் தலையங்கம்: திரைக்கலைத் தாத்தா சிங்கீதம் சீனிவாச ராவ்!

Asiad 2026 Cricket: தங்க மகளிரைப் பின்பற்றி.. பாகிஸ்தானை வீழ்த்தி தங்கம் வென்ற இந்திய ஆடவர்!

தவெக வேட்பாளர் குறித்து உருவக் கேலி: திமுக தலைவர் மு.க.ஸ்டாலினுக்கு முதல்வர் விஜய் கண்டனம்!

தாராபுரம் தவெக வேட்பாளரை உருவகேலி செய்த விவகாரம் : மு.க.ஸ்டாலின் மீது புகார்

மதுராந்தகம் இடைத்தேர்தல்: செங்கல்பட்டு மாவட்டம் முழுவதும் 4 நாட்கள் டாஸ்மாக் கடைகள் மூடல்