"முகம்மது.. மரியா.. நுஷி.. ஜோஸ்.. அகமது"... இதெல்லாம் என்ன தெரியுமா?

Jun 26, 2023,04:05 PM IST

சென்னை: உலகிலேயே அதிக அளவு பயன்படுத்தப்பட்ட பெயர் என்ன தெரியுமா.. இப்படி ஒரு சுவராஸ்யமான புள்ளிவிவரத் தகவலை World of Statistics என்ற அமைப்பு வெளியிட்டுள்ளது.

கஜகஸ்தானைத் தலைமையிடமாகக் கொண்டு செயல்பட்டு வருகிறது இந்த World of Statistics

. இந்த அமைப்பு அவ்வப்போது பல்வேறு சுவாரஸ்யமான புள்ளிவிவரத் தகவல்களை வெளியிடுவது வழக்கம். இதில் பல சர்ச்சைக்கிடமானது என்றாலும் கூட சில சுவாரஸ்யமானவையாகும்.

அந்த வகையில் இந்த புள்ளிவிவரத் தகவலை பார்க்கலாம். உலகிலேயே அதிக அளவில் பயன்படுத்தப்பட்ட பெயர்கள் என்று ஒரு பட்டியலை இந்த World of Statistics அமைப்பு வெளியிட்டுள்ளது. அதில் முகம்மது என்ற பெயர்தான் டாப்பில் உள்ளது. மொத்தம் 13,33,49,300 தடவை இந்தப் பெயர் பயன்படுத்தப்பட்டுள்ளதாம்.

அடுத்த இடத்தில் மரியா என்ற பெயர் வருகிறது. கிறிஸ்தவர்கள்தான் இந்தப் பெயரை பெரும்பாலும் பயன்படுத்துவார்கள். இந்தப் பெயர் 6,11,34,526 முறை பயன்படுத்தப்பட்டுள்ளதாம்.

இதேபோல அதிக முறை பயன்படுத்தப்பட்ட பிற பெயர்கள் விவரம்:

நுஷி - 5,58,98,624

ஜோஸ் - 2,99,46,427

வெய் (Wei) -1,71,45,807

அகமது - 1,49,16,476

யான் - 1,47,93,356

அலி - 1,47,63,733

ஜான் - 1,43,23,797

டேவிட் - 1,34,29,576

லி - 1,31,66,162

அப்துல் - 1,21,63,978

அனா - 1,20,91,132

யிங் - 1,20,47,080

மைக்கேல் - 1,14,71,765

ஜூவான் - 1,13,72,603

அன்னா - 1,13,50,336

மேரி - 1,13,33,767

ஜீன் - 1,10,24,162

ராபர்ட் - 1,01,70,794

டேணியல் - 1,00,26,181

ஜோசப் - 86,30,833

இந்தப் பட்டியலில் இந்தியாவைச் சேர்ந்த 2 பெயர்களும் உள்ளன. அது என்ன தெரியுமா..ஸ்ரீ மற்றும் ராம் என்பதாகும். ஸ்ரீ என்ற துணைப் பெயர் 64,73,133 முறை பயன்படுத்தப்பட்டுள்ளதாம். அதேபோல ராம் என்ற துணைப் பெயர் 57,43,068 முறை பயன்படுத்தப்பட்டுள்ளதாம்.

அப்படிப் பார்த்தால் குமார் என்ற பெயரையும் பல லட்சம் பேர் இந்தியாவில் பயன்படுத்திக்கொண்டுதான் வருகின்றனர். இன்னும் கொஞ்சம் தோண்டி எடுத்தால் நம்ம ஊர் பெயர்களும் பெரிய லிஸ்ட்டாக தேறும் என்பது குறிப்பிடத்தக்கது.