"ரோடாய்யா இது".. அட நம்புங்க.. இந்த எம்எல்ஏ இந்தியாவில் தான் இருக்கிறார்!

Apr 01, 2023,02:46 PM IST

லக்னோ : தனது தொகுதியில் தரமான ரோடு போட்டுத்தராத கான்ட்ராக்டரை, எம்எல்ஏ. ஒருவர், கேள்விகளால் துளைத்து எடுக்கும் வீடியோ ஒன்று சோஷியல் மீடியாவில் அதிகம் பகிரப்பட்டு வருகிறது.

உத்திர பிரதேசத்தின் காசிப்பூர் தொகுதியின் எம்எல்ஏ.,வாக இருப்பவர் பேடிராம். இவர் சுகல்தேவ் பாரதி சமாஜ் என்ற கட்சியை சேர்ந்தவர். இந்த தொகுதியில் சமீபத்தில் புதிதாக தார் சாலை அமைக்கப்பட்டுள்ளது. ஆனால் இந்த சாலை தரமானதாக அமைக்கப்படவில்லை என இப்பகுதி மக்கள் எம்எல்ஏ.,விற்கு பல நாட்களாக புகார் தெரிவித்து வந்துள்ளனர். இதனால் சாலையின் தரம் குறித்து நேரில் கண்டறிய, தொகுதிக்கு நேரில் சென்றார் பேடிராம்.

அங்கு தனது ஷூ காலால் சாலையை தேய்த்தும் சாலை பெயர்த்துக் கொண்டு வந்துள்ளது. இதை பார்த்து கடுப்பான எம்எல்ஏ, அங்கு இருந்த ரோடு கான்ட்ராக்டரை திட்டி தீர்த்து விட்டார். "இதற்கு பெயர் ரோடா? இதில் எப்படி கார் போக முடியும்?" என கேள்விகளை துளைத்து எடுத்து விட்டார். எம்எல்ஏ ஆய்விற்கு வந்த சமயத்தில் அதிகாரிகள் யாரும் உடன் இருக்கவில்லை. ஆனால் கான்ட்ராக்டரை எம்எல்ஏ லெஃப்ட் அன்ட் ரைட் வாங்கி வீடியோ சோஷியல் மீடியாவில் அதிகம் பகிரப்பட்டு வருகிறது.

இந்த பகுதியில் சாலைகள் தரம் இல்லாமல் இருப்பது பற்றிய வீடியோ வெளி வருவது இது ஒன்று முதல் முறையல்ல. இதற்கு முன்பும் ஒருவர் பொதுப்பணித் துறையில் நடக்கும் ஊழல்களை அம்பலப்படுத்துவதற்காக, அப்போது புதிதாக போடப்பட்டிருந்த சாலையை வெறும் கையால் அசாட்டாக பிடுங்கி எடுத்த வீடியோவை பகிர்ந்து இருந்தார். கிட்டத்தட்ட 4.5 கி.மீ., தூரத்திற்கு அமைக்கப்பட்டுள்ள இந்த சாலை ரூ.3.8 கோடி செலவில் அமைக்கப்பட்டுள்ளதாக சொல்லப்படுகிறது.

ரோடு கான்ட்ராக்டர் ஒருவரை எம்எல்ஏ ஒருவர் விட்டு விளாசும் இந்த வீடியோவை பார்த்த நெட்டிசன்கள் பலர், உத்திர பிரதேசத்தில் தேர்தல் ஏதாவது வரப் போகிறதா? ஓட்டு வாங்குவதற்காக நடத்தப்படும் நாடகமா இது? என கேட்டுள்ளனர். இன்னும் சிலர், நிஜமாகவே இப்படி ஒரு எம்எல்ஏ இந்தியாவில் இருக்கிறாரா? நம்ம ஊரு எம்எல்ஏ.,க்கு முதலில் இந்த வீடியோவை அனுப்பி வைக்கனும். நம்ம ஊர்ல ஒரு எம்எல்ஏ., கூட இதுவரை இப்படி பார்க்கவில்லையே என ஆதங்கப்பட்டுக் கொண்டிருக்கிறார்கள்.

சமீபத்திய செய்திகள்

பஹல்காம் ரத்தம் இன்னும் காயவில்லை.. அதற்குள் பாகிஸ்தானுடன் விளையாட்டா?.. பிசிசிஐக்கு எதிர்ப்பு!

முதல்வரின் கோரிக்கை மனு... தமிழ்நாடு வரும் பிரதமர் மோடியிடம் வழங்கப் போவது யார் தெரியுமா?

தமிழ்நாட்டுக்கு வரும் பிரதமர் நரேந்திர மோடியைச் சந்திக்க எடப்பாடி பழனிச்சாமி திட்டம்!

நான் வெற்றி பெற்றவன்.. இமயம் தொட்டு விட்டவன்.. பகையை முட்டி விட்டவன்.. கமலுக்கு வைரமுத்து வாழ்த்து!

திமுக ஆட்சியின் போலீசுக்கே பாதுகாப்பு இல்லை... சட்டம் ஒழுங்கு சீர்கெட்டுள்ளது: எடப்பாடி பழனிச்சாமி

கோவை, நீலகிரிக்கு இன்று ஆரஞ்ச் அலர்ட் - வானிலை ஆய்வு மையம் தகவல்!

வைகோவால் மனஉளைச்சல்.. ஆகஸ்ட் 2ம் தேதி உண்ணாவிரதம்.. அறிவித்தார் மல்லை சத்யா

கார்கில் வெற்றி தினம்.. தியாகிகளின் நினைவிடத்தில் குடும்பத்தினர், பொதுமக்கள் வீர அஞ்சலி

தாய்லாந்து-கம்போடியா எல்லை மோதல்.. கவனமாக இருக்குமாறு இந்தியர்களுக்கு அறிவுரை

"ரோடாய்யா இது".. அட நம்புங்க.. இந்த எம்எல்ஏ இந்தியாவில் தான் இருக்கிறார்!

Comments

சமீபத்திய செய்திகள்

அதிகம் பார்க்கும் செய்திகள்