ரஜினிகாந்த்தை இயக்கிய மனோபாலா.. விஜய் வரை விடாமல் நடித்தவர்..!

May 03, 2023,10:14 PM IST

சென்னை: சூப்பர் ஸ்டார் ரஜினிகாந்த்தை வைத்து ஒரு படம் இயக்கிய மனோபாலா, திரையுலகினர் அத்தனை பேருக்கும் பிடித்தவராக திகழ்ந்த பெருமைக்குரியவர். ஒரு ஆல்ரவுண்டராக சினிமாவில் பெரிய ரவுண்டு வந்தவரும் கூட.

கெச்சலான உடம்பு, பேசினாலே காமெடி கொப்பளிக்கும்.. வலிக்காத வார்த்தைகள்.. படு ஜாலியான பேர்வழி.. இதுதான் மனோபாலாவின் அடையாளம். ஒரு சினிமாக்காரனுக்கு இருக்க வேண்டிய அத்தனை அறிவும், தெளிவும், ஞானமும் மனோபாலாவுக்கு உண்டு.

பாரதிராஜாவின் பட்டறையிலிருந்து வந்தவர் மனோபாலா. புதியவார்ப்புகள்தான் இவரது முதல் படம். அங்கு ஆரம்பித்த இவரது பயணம் தொய்வே இல்லாமல் இன்று வரை தொடர்ந்தது மிகப் பெரிய விஷயம்.

உதவி இயக்குநராக, பின்னர் இயக்குநராக ஆரம்பித்த இவரது பயணம் பின்னர் தயாரிப்பாளராக, நடிகராக, யூடியூபராக என பல பரிமாணங்களை எடுத்தது மனோபாலாவின் சிறப்பம்சம் ஆகும். பெரிய பெரிய நடிகர்களுடன் நடித்துள்ள மனோபாலா, சூப்பர் ஸ்டார் ரஜினிகாந்த்தை வைத்து ஊர்க்காவலன் படத்தை இயக்கினார்.

சரியாக 20 படங்களை இயக்கியுள்ளார் மனோபாலா. இதில் பிள்ளை நிலா, ஊர்க்காவலன், சிறைப்பறவை, என் புருஷன்தான் எனக்கு மட்டும்தான் ஆகியவை பேசப்பட்ட படங்களாகும்.

தமிழ் சினிமாவின் மிகப் பெரிய இயக்குநராக வர முடியாவிட்டாலும் கூட மிகச் சிறந்த காமெடியனாக வலம் வந்தவர் மனோபாலா. கவுண்டமணி, வடிவேலு, விவேக் என தமிழ் சினிமா கண்ட மிகப் பெரிய காமெடியன்களுடன் இணைந்தும், தனித்தும் பல படங்கள் கொடுத்துள்ளார் மனோபாலா. இவர் இல்லாத தமிழ்ப் படங்களே இல்லை என்று கூறும் அளவுக்கு அத்தனை படங்களிலும் நடித்துள்ளார். மூத்தநடிகர்கள் தொடங்கி.. இளையவர்கள் வரை யாரையும் இவர் விடவில்லை.

வடிவேலு, விவேக்குடன் இவர் கொடுத்த படங்கள் இன்று வரை விலா நோக சிரிக்க வைப்பவை. சந்திரமுகியில் இவர் செய்த காமெடி வடிவேலுக்கு சமமாக பேசப்பட்டது. மாப்பிள்ளை படத்தில் இவரும் விவேக்கும் இணைந்து செய்த ரகளையை யாராலும் மறக்க முடியாது. சொல்லிக் கொண்டே போகலாம் இந்த மும்மூர்த்திகளின் கூட்டணியை

வேஸ்ட்பேப்பர் என்ற யூடியூப் சானலையும் சில ஆண்டுகளாக நடத்தி வந்தார் மனோபாலா. அதன் மூலம் திரைத்துற��ினரின் பல்வேறு பேட்டிகளையும் ரசிகர்களுக்குக் கொடுத்து வந்தார். ஒரு பக்கா ஆல்ரவுண்டர் என்று சொல்லக் கூடிய அளவுக்கு தமிழ்த் திரையுலகம் தனி முத்திரை பதித்தவர் மனோபாலா.. நிச்சயம் அவரது மரணம், சினிமாவுக்கு இழப்புதான்.

மனோபாலா திடீர் மரணம்.. திரையுலகினர் அதிர்ச்சி.. கல்லீரல் பிரச்சினை காரணமா?

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

எந்த ஷா வந்தாலென்ன?.. தமிழ்நாடு என்றைக்குமே டெல்லிக்கு Out of Control தான்: முதல்வர் மு.க.ஸ்டாலின்!

கூட்டணி குறித்த முடிவுக்கு இபிஎஸ்சுக்கே அதிகாரம்..அதிமுக பொதுக்குழுவில் 16 தீர்மானங்கள் நிறைவேற்றம்

2026 சட்டசபைத் தேர்தலுக்கு முன் கூட்டணி விரிவாக்கம்.. ராஜ்யசபா தேர்தலை உற்று நோக்கும் தி.மு.க

விஜய்யின் பேச்சு அரசியல் முதிர்ச்சியின்மையை காட்டுகிறது:புதுச்சேரி உள்துறை அமைச்சர் நமச்சிவாயம்

தமிழகத்தில் இன்று முதல் அடுத்த 7 நாட்கள் ஓரிரு இடங்களில் மிதமான மழைக்கு வாய்ப்பு: வானிலை ஆய்வு மையம்

அனைத்து ரேஷன் அட்டை தாரர்களுக்கும் பொங்கல் பரிசு: புதுச்சேரி முதல்வர் ரங்கசாமி அறிவிப்பு

ஆஸ்திரேலியாவில்.. 16 வயதுக்குட்பட்ட குழந்தைகளுக்கு சமூக ஊடகத் தடை.. எந்தெந்த செயலிகளுக்கு ஆப்பு?

தவெகவுடன் கூட்டணி வருமா?.. பதிலளிக்காமல் தவிர்த்த புதுச்சேரி முதல்வர் ரங்கசாமி

12 ஆண்டுகளுக்குப் பிறகு மீண்டும் நடிக்க வரும் அப்பாஸ்.. படம் பேரு என்ன தெரியுமா?