புயலைக் கிளப்பிய "சன்னி லியோன்".. யார் பார்த்த வேலை இது.. டென்ஷனில் உத்தரப் பிரதேச போலீஸ்!
லக்னோ: உத்தரப் பிரதேச காவல்துறை ஆளெடுப்பு தேர்வுக்கான, நுழைவுச் சீட்டில் (ஹால் டிக்கெட்) கவர்ச்சி நடிகை சன்னி லியோன் படம் இடம் பெற்றது அந்த மாநிலத்தில் பெரும் சலசலப்பை ஏற்படுத்தியுள்ளது.
அட்மிட் கார்டில் சன்னி லியோன் படம் இடம் பெற்றது தொடர்பாக விரிவான விசாரணைக்கு யோகி ஆதித்யநாத் அரசு உத்தரவிட்டுள்ளது.
உத்தரப் பிரதேச காவல்துறையில், காவலர் பணிக்கான ஆளெடுப்புத் தேர்வு நடைபெற்றது. இதற்கான ஹால் டிக்கெட் ஒன்றுதான் பரபரப்பை ஏற்படுத்தியுள்ளது. நடிகை சன்னி லியோன் புகைப்படத்துடன் அந்த ஹால் டிக்கெட் உள்ளது.
சன்னி லியோன் என்ற பெயரிலேயே அந்த ஹால்டிக்கெட் உள்ளது. சமூக வலைதங்களில் இது பெரும் பரபரப்பையும், விவாதத்தையும் ஏற்படுத்தியுள்ளது.
உத்தரப் பிரதேச காவல் ஆளெடுப்பு மற்றும் பதவி உயர்வு வாரியத்தின் இணையதளம் மூலம் இந்த ஹால் டிக்கெட் பெறப்பட்டுள்ளது. நேற்று இந்த வாரியத்தின் சார்பில் 75 மாவட்டங்களில் 2385 மையங்களில் காவலர் ஆளெடுப்புத் தேர்வு நடைபெற்றது குறிப்பிடத்தக்கது.
கன்னாஜ் மாவட்டத்தின் தீர்வா தாலுகாவில் உள்ள திருமதி சோனிஸ்ரீ நினைவு மகளிர் கல்லூரியில் தேர்வு எழுதுவதற்கான ஹால் டிக்கெட்தான் சன்னி லியோன் பெயரில் இருந்தது. கன்னாஜ் சைபர் கிரைம் போலீஸார் தற்போது இதுகுறித்து விசாரணை நடத்தி வருகின்றனர். அரசு இணையதளத்திலிருந்து இப்படி ஒரு குழப்பம் நடந்திருப்பது உ.பி. அரசுக்கு தர்மசங்கடத்தை ஏற்படுத்தியுள்ளது. இதுகுறித்து விரிவான விசாரணைக்கும் உத்தரவிடப்பட்டுள்ளது.
சமீபத்திய செய்திகள்
தமிழ்நாடு சட்டசபைக்கு ஏப்ரல் 23, புதுச்சேரிக்கு ஏப்ரல் 9ம் தேதி தேர்தல்.. மே 4ல் வாக்கு எண்ணிக்கை
TN Assembly Elections: தமிழ்நாட்டில் 75,032 வாக்குச் சாவடிகள் அமைக்கப்படவுள்ளன.. தேர்தல் ஆணையம்
தமிழ்நாட்டில் அமலுக்கு வந்தது தேர்தல் நடத்தை விதிமுறைகள்.. இதையெல்லாம் பின்பற்றணும்!
விஜய் பையில் கத்திரிக்கோல்.. ஆதவ் அர்ஜூனாவிடம் மது பாட்டில்.. பரபரத்த சென்னை ஏர்போர்ட்!
எந்த நேரத்திலும் தேர்தல் தேதி அறிவிப்பு...தமிழகத்தில் வேகமெடுக்கும் அரசு பணிகள்
Iran-Israel War: மேற்கு ஆசியப் போர் எதிரொலி - சமையல் எண்ணெய் விலை அதிரடி உயர்வு
10 ஏவுகணைகளை ஏவி அதிரடி காட்டிய கிம்மின் வடகொரியா.. கிலியில் அண்டை நாடுகள்!
வணிக பயன்பாட்டு சிலிண்டர் தட்டுப்பாடு: உணவகங்களுக்கு மின்சார மானியம் அறிவிப்பு
மதுரை விமான நிலையம்.. திருத்தம்.. மதுரை சர்வதேச விமான நிலையம்.. மத்திய அரசு ஆணை!
{{comments.comment}}