Bigg Boss Tamil 7: 2 வீடு.. டபுள் கொண்டாட்டம்.. கோலாகலமாக தொடங்கியது பிக் பாஸ் தமிழ் 7!
சென்னை: 2 வீடுகளுடன், கலக்கலாக கோலாகலமாக தொடங்கியுள்ளது பிக் பாஸ் தமிழ் சீசன் 7. கமல்ஹாசன் மீண்டும் தொகுத்து வழங்கும் இந்த சீசனில் விறுவிறுப்புக்குப் பஞ்சம் இருக்காது என்று நம்பலாம்.
விஜய் டிவியின் முத்திரை நிகழ்ச்சிகளில் ஒன்றான பிக் பாஸ் தமிழ் சீசன் 7 இன்று கோலாகலமாக தொடங்கியது. கமல்ஹாசன் மீண்டும் தொகுப்பாளராக களம் காண்கிறார்.
2017ம் ஆண்டு முதல் பிக் பாஸ் ரியாலிட்டி ஷோ, விஜய் டிவியில் வருடா வருடம் நடந்து வருகிறது. முதல் சீசன் 98 நாட்கள் நடைபெற்றது. வெற்றியாளராக ஆரவ் தேர்ந்தெடுக்கப்பட்டார்.
2018ம் ஆண்டு நடந்த 2வது சீசனில் நடிகை ரித்விகா வெற்றி வாகை சூடி, பிக் பாஸ் ரியாலிட்டி ஷோவில் வெற்றி பெற்ற முதல் பெண்ணாக சாதனை படைத்தார். இந்த ஷோவானது 105 நாட்கள் நடைபெற்றது.
2019ம் ஆண்டு நடந்த 3வது சீசனின் வெற்றியாளராக முகென் ராவ் தேர்ந்தெடுக்கப்பட்டார். இதுவும் 105 நாட்களுக்கு நடைபெற்றது.
2020ம் ஆண்டு 4வது சீசன் நடந்தேறியது. இந்த சீசனின் வெற்றியாளராக ஆரி தேர்ந்தெடுக்கப்பட்டார். 2021ம் ஆண்டு நடந்த 5வது சீசனின் வெற்றியாளராக நடிகர் ராஜு மோகன் வெற்றி பெற்றார்.
அதிரடியாக பெரும் பரபரப்புடன் நடந்த சீசன் என்றால் அது பிக் பாஸ் 6தான். குறிப்பாக வெற்றியாளராக தேர்ந்தெடுக்கப்பட்ட அஸீம் கடும் எதிர்ப்புகளையும், வசவுகளையும் சந்தித்தார். அவரது பிஹேவியர் கடும் சலசலப்புகளையும், விமர்சனங்களையும் சந்தித்தது. ஆனாலும் அவர் வெற்றியாளராக தேர்ந்தெடுக்கப்பட்டார். அதேசமயம், மக்களின் மனம் கவர்ந்த விக்ரமன் 2வது இடத்தையே பிடித்தார்.
இந்தப் பின்னணியில் தற்போது பிக் பாஸ் 7 சீசன் தொடங்கியுள்ளது. இந்த முறை பல்வேறு விதி மாற்றங்கள் வந்துள்ளன். வீடுகளும் 2 ஆகியுள்ளது. வித்தியாசமான போட்டியாளர்களுடன் இந்த சீசன் எப்படி இருக்கும் என்பது போகப் போகத் தெரியும்.
சமீபத்திய செய்திகள்
Deepavali Special Buses: தீபாவளி பண்டிகை - தமிழ்நாடு முழுவதும் 15,659 சிறப்பு பேருந்துகள் இயக்கம்
தமிழகத்தில் 5 தொகுதிகளுக்கு இடைத்தேர்தல்: டிசம்பர் 20-க்குள் நடத்த தேர்தல் ஆணையம் திட்டம்!
ரூ.100-க்கு 10 காய்கறிகள்! தீபாவளி பண்டிகையை முன்னிட்டு கூட்டுறவுத்துறை அதிரடி அறிவிப்பு!
எம்.ஜி.ஆருடன் உலகம் சுற்றும் வாலிபன் படத்தில் நடித்து பிரபலமான.. தாய்லாந்து நடிகை மரணம்!
சென்னையில் உச்ச நீதிமன்ற கிளை அமைக்க வேண்டும்: பிரதமர் மோடிக்கு முதல்வர் விஜய் கடிதம்!
2027 உத்திரப் பிரதேச சட்டசபை தேர்தலில் போட்டியிட மாட்டேன்: அகிலேஷ் யாதவ் அதிரடி அறிவிப்பு!
அதிரடியாக உயர்ந்த தங்கம் விலை: சவரன் ரூ.1,04,800-ஐ தொட்டது! அதிர்ச்சியில் மக்கள்
டாஸ்மாக் கடைகளில் காலி பாட்டில்களை ஒப்படைத்தால் வங்கிக் கணக்கில் ரூ.10 வரவு
அமெரிக்க நாடாளுமன்றத்தின் செனட் மற்றும் பிரதிநிதிகள் சபையை கைப்பற்றியது ஜனநாயக கட்சி!
{{comments.comment}}