சென்னை டிராபிக் ஜாமை தீர்க்க.. கோடம்பாக்கம், தண்டையார்பேட்டை, திரு.வி.க.நகரில் பாலங்கள்

Mar 09, 2023,10:26 AM IST

சென்னை: பெரும் போக்குவரத்து நெரிசலில் சிக்கித் தவிக்கும் தலைநகர் சென்னையின் போக்குவரத்து சிக்கலை சற்று தளர்த்தும் வகையில் 3 புதிய பாலங்கள் கட்டப்படவுள்ளன. இதற்கான அடிக்கல் நாட்டு விழா நேற்று நடைபெற்றது.

இளைஞர் நலத்துறை அமைச்சர் உதயநிதி ஸ்டாலின் அடிக்கல் நாட்டினார். விழாவில் அமைச்சர்கள் கே. என். நேரு, பி.கே.சேகர்பாபு, மேயர் பிரியா ராஜன் உள்ளிட்டோர் விழாவில் கலந்து கொண்டனர்.

தண்டையார்பேட்டை, கோடம்பாக்கம் மற்றும் திரு.வி.க.நகர் ஆகிய பகுதிகளில் இந்த பாலங்கள் கட்டப்படவுள்ளன. மொத்தம் ரூ. 369 கோடி மதிப்பில் பாலங்கள் கட்டப்படும். இன்னும் 2 ஆண்டுகளில் பணிகள் முடியும் என்று எதிர்பார்க்கப்படுகிறது.

தண்டையார்பேட்டை, திரு.வி.க. நகர் மண்டலங்களுக்கு உட்பட்ட வார்டு எண் 45 மற்றும் 70ல் வரும் கணேசபுரம் சப்வே மீது ஒரு பாலம் கட்டப்படவுள்ளது. இந்தப் பாலமானது ரூ. 142 கோடி மதிப்பீட்டில் கட்டப்படும். இந்த பாலம் வந்தால் 2 லட்சம் பேருக்கு பலன் கிடைக்கும். இப்பகுதியில் தினசரி 40,000 வாகனங்கள் சென்று வருகின்றன என்பது குறிப்பிடத்தக்கது.

இப்பகுதியில் பாலம் தேவை என்று பெரம்பூர், ஆர்.கே.நகர் பகுதி மக்கள் நீண்ட காலமாக கோரிக்கை விடுத்து வந்தனர். அதை ஏற்று இந்தப் பாலம் கட்டப்படவுள்ளது.

அதேபோல தண்டையார்பேட்டை மண்டலத்துக்குட்பட்ட மணலி சாலை ரயில்வே சந்திப்��ில் ஒரு பாலம் வருகிறது. இதை 2 வருடங்களில் கட்டி முடிக்க திட்டமிடப்பட்டுள்ளது. இந்தப் பாலம் வந்தால் கிட்டத்தட்ட 1.5 லட்சம் பேருக்கு பலன் கிடைக்கும்.

அதேபோல உஸ்மான் சாலை -சிஐடி நகர் மெயின் ரோடு பகுதியை இணைக்க புதிய பாலம் கட்டப்படவுள்ளது. ரூ. 131 கோடியில் இது கட்டப்படும். இந்தப் பாலம் வந்தால் தி.நகர் பகுதியில் போக்குவரத்து நெரிசல் வெகுவாக குறையும்.

சமீபத்திய செய்திகள்

JCD Prabhakar: சபாநாயகர் பதவிக்குப் போட்டியிடுகிறார் ஜேசிடி பிரபாகர்.. எம்.ஜி.ஆர். காலத்து தலைவர்!

கணினி அறிவியல் பாடத்திற்காக வந்த நிதியில் மோசடி.. பட்டதாரி ஆசிரியர்கள் பரபரப்புப் புகார்!

தமிழ்நாட்டின் 17-ஆவது சட்டசபை கூடியது.. உளமார உறுதிமொழி எடுத்த முதல்வர் விஜய்

N Anand: புஸ்ஸி ஆனந்த்.. இதுவரை வென்றது 2 முறை.. இரண்டு முறையும் வென்றது யாரைத் தெரியுமா?

Joseph Vijay Vs Udayanidhi Stalin: சட்டசபை திமுக தலைவராக உதயநிதி ஸ்டாலின் தேர்வு!

Vijay Record: 828 நாட்களில்.. இதுவே முதல் முறை...தமிழக அரசியல் வரலாற்றை மாற்றி எழுதிய விஜய்!

CM Vijay: எல்லாமே 10.. விஜய்யின் பதவியேற்பு விழா சென்டிமென்ட்டை கவனிச்சீங்களா?

கறுப்பு நிற கோட்டில்.. வித்தியாசமான கெட்டப்பில் பதவியேற்பு விழாவில் விஜய்!

CM Joseph Vijay: "C ஜோசப் விஜய் எனும் நான்"... தமிழக முதல்வராக பதவியேற்றார் விஜய்!

சென்னை டிராபிக் ஜாமை தீர்க்க.. கோடம்பாக்கம், தண்டையார்பேட்டை, திரு.வி.க.நகரில் பாலங்கள்

Comments

சமீபத்திய செய்திகள்

அதிகம் பார்க்கும் செய்திகள்