யார் யாரோ.. புதுசு புதுசா கட்சி தொடங்குபவன்லாம்.. டைமை வீணடிக்க விரும்பலை.. முதல்வர் மு.க.ஸ்டாலின்

Nov 04, 2024,06:10 PM IST

சென்னை: திமுக வளர்வது அவர்களுக்குப் பிடிக்கவில்லை. இன்றைக்கு யார் யாரோ வர்றவன்லாம், புதுசு புதுசா கட்சி தொடங்கிறவன்லாம் திமுக அழியனும்னு நினைக்கிறாங்க.. அவங்களுக்கெல்லாம் பதில் சொல்ல விரும்பல்லை, அவசியமும் இல்லை. டைமை வீணடிக்க விரும்பலை என்று முதல்வர் மு.க.ஸ்டாலின் அதிரடியாக பேசியுள்ளார்.

நடிகர் விஜய் தமிழக வெற்றிக் கழகம் கட்சியைத் தொடங்கியுள்ளார். விக்கிரவாண்டியில் அவர் நடத்திய முதல் மாநில மாநாடு இன்று வரை டாக் ஆப் தி ஸ்டேட்டாக உள்ளது. தொடர்ந்து அதை வைத்து விவாதங்கள் தொடர்கின்றன.

விஜய் கட்சி தொடர்பாகவும், மாநில மாநாட்டில் திமுகவை தனது கொள்கை எதிரி என்று அக்கட்சி அறிவித்தது தொடர்பாகவும் முதல்வர் மு.க.ஸ்டாலினோ துணை முதல்வர் உதயநிதி ஸ்டாலினோ இதுவரை கருத்து தெரிவிக்கவில்லை. இந்த நிலையில் தனது தொகுதியான சென்னை கொளத்தூரில் முதல்வர் இன்று முதல்வர் படைப்பகத்தைத் தொடங்கி வைத்தார். ரூ. 2.85 கோடி மதிப்பீட்டில் கட்டப்பட்ட படைப்பகமானது, படிப்பு தளம், பணியாற்றும் தளம் மற்றும் உணவுத்தளம் உள்ளிட்ட உட்கட்டமைப்பு வசதிகளை உள்ளடக்கியதாக அமைக்கப்பட்டுள்ளது.

இந்த நிகழ்ச்சியில் முதல்வர் மு.க.ஸ்டாலின் கலந்து கொண்டு பேசும்போது விஜய்யை மறைமுகமாக விமர்சித்துப் பதிலளித்தார்.

முதல்வர் மு.க.ஸ்டாலின் பேசும்போது, இன்றைக்கு திமுக வளர்வது அவர்களுக்குப் பிடிக்கவில்லை. அதனால்தான் யார் யாரோ வர்றவன்லாம், புதுசு புதுசா கட்சி தொடங்குறவன்லாம் திமுக அழியனும்னு நினைக்கிறாங்க. நான் அவர்களை பணிவண்போடு கேட்டுக் கொள்கிறேன்.. இன்றைக்கு நான்காவது ஆண்டைத் தொடக் கூடிய நிலையில் இந்த ஆட்சி உள்ள நிலையில், இந்த ஆட்சி செய்துள்ள சாதனைகளை நினைத்துப் பாருங்கள்.

பேரறிஞர் அண்ணா சொல்வார், வாழ்க வசவாளர்கள். அதைத்தான் நான் சொல்ல முடியும். நாங்க இதைப் பற்றியெல்லாம் கவலையே படலை. எங்களது போக்கு மக்களுக்கு நல்லது செய்யக் கூடிய போக்கு. தேவையில்லாமல் பதில் சொல்ல வேண்டிய அவசியம் இல்லை.. தேவையும் இல்லை. நேரத்தை வீணடிக்க விரும்பலை. மக்களுக்கு பணியாற்றவே எங்களுக்கு நேரம் போதவில்லை என்றார் முதல்வர்.

தவெக குறித்து முதல் முறையாக மறைமுகமாக முதல்வர் மு.க.ஸ்டாலின் கூறியுள்ள கருத்தை திமுகவினர் சமூக வலைதளங்களில் தீவிரமாக பரப்பி வருகின்றனர்.

செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்

சமீபத்திய செய்திகள்

கடல் கன்னி

தீபாவளி பண்டிகையை முன்னிட்டு வீடு சுத்தம் செய்ய ... சூப்பரான 15 டிப்ஸ்!

விடிந்தும் விடைபெற மனமில்லா மதி!

பிரியாணி கொடுத்தால் வேணாம்னா சொல்லுவேன்? பொது வேட்பாளர் கேள்விக்கு சீமான் கொடுத்த பதில்

தீபாவளி அலப்பறைகள்.. 2கே கிட்ஸ் உங்களுக்கெல்லாம் இது கனவுதாம்லே!

மூத்த நடிகை வத்சலா ராஜகோபால் காலமானார்: திரையுலகினர் இரங்கல்!

"சிறையில் என்னால் சாப்பிடக் கூட முடியவில்லை" - நீதிமன்றத்தில் அன்பில் மகேஷ் பரபரப்பு வாதம்!

ஓமனில் 'தமிழ்நாடு நாள் விழா - 2026' கோலாகலம்.. கலைப் போட்டிகள் மற்றும் சிறப்பு நிகழ்வுகளுடன்!

உள்ளக்கதவு.. ஒரு நிமிடக் கதை (48)

யார் யாரோ.. புதுசு புதுசா கட்சி தொடங்குபவன்லாம்.. டைமை வீணடிக்க விரும்பலை.. முதல்வர் மு.க.ஸ்டாலின்

Comments

சமீபத்திய செய்திகள்

அதிகம் பார்க்கும் செய்திகள்