எதிர் நீச்சல்!
- சிவ.ஆ. மலர்விழி ராஜா
நம்பிக்கை நடை பயில
முடியாது என்ற சொல்லை மூச்சடக்கி முயற்ச்சித்து
முன்னேறும் நிலை அதுவே எதிர் நீச்சல்......!
தோல்விகள் தொடர்ந்து வர துயில்கின்ற நிலையிலுமே
துரத்துகின்ற கனவுகளை துயில் எழுந்து துரத்துவதும்
எதிர்நீச்சல்.....!
நம்பிக்கை வேரூன்றி
மண்ணை முட்டி வெளிவந்து
விருட்சமென வளர்வதுவும் சிறு விதையின்
எதிர் நீச்சல்......!
துடுப்புகள் இல்லா படகை போல் தடம் மாறி
சென்றாலும் இலக்கை
வெல்லும் நுண்ணறிவே
எதிர் நீச்சல்......!
தளராத மனம் கொண்டு
தடைகளை எதிர்த்து போராடி தளிர் நடை போடுவதும்
எதிர் நீச்சல்......!
கண்ணீரே பலமென்று
காயங்கள் துணையாக்கி தோல்வி
தரும் பரிசுகளை துரும்பாக்கி வெல்வதுவே
எதிர்நீச்சல்.....!
துன்பம் தரும் வாழ்வை கண்டு துடி துடித்து போகாமல்
கரை தொடும் அலைபோல
மீண்டும் மீண்டும்
தொடர்வதுவே
எதிர் நீச்சல்.....!
தண்ணீரில் நீந்துவதல்ல எதிர் நீச்சல்
தள்ளாடும் வயதினிலும் தளராத மனம் கொண்டு
தனிமையை திறமையால் வெல்வதுவே
அழகான எதிர் நீச்சல்.....!
சமீபத்திய செய்திகள்
அரசுத் தேர்வும் நானும்!
ஆண்மையின் தீரனே!
Big problems dont need more force
Tick...Tick... Tick.
If you quit, you lose what you deserve
கைரேகை!
Short Story: பட்டணத்து மருமகள்!
ஓட்டுநர்.. ஒரு நிமிடக் கதை (56)
நீடிக்கும் சர்ச்சைகள்- சிக்கும் எம்எல்ஏக்கள் - முதல்வர் விஜய் என்ன செய்ய வேண்டும்?
{{comments.comment}}