பாலிவுட் நாயகி கங்கனா ரணாவத்.. ஹாலிவுட்டில் அறிமுகமாகிறார்.. முக்கிய கதாபாத்திரத்தில்!
மும்பை: பிரபல நடிகை கங்கனா ரனாவத் ஹாலிவுட்டில் அறிமுகமாகிறார். "Blessed Be The Evil" என்ற திகில் படத்தில் அவர் நடிக்கிறார்.
Lions Movies நிறுவனம் இந்த படத்தை தயாரிக்கிறது. கங்கனா ரனாவத்துடன், டைலர் போஸி மற்றும் ஸ்கார்லெட் ரோஸ் ஸ்டலோன் ஆகியோரும் நடிக்கின்றனர். இந்த படத்தின் படப்பிடிப்பு இந்த கோடையில் நியூயார்க்கில் தொடங்க உள்ளது. அதிபர் டொனால்ட் டிரம்ப் போட்ட அதிரடி வரிவிதிப்பு காரணமாக அமெரிக்காவிலேயே படப்பிடிப்பை நடத்த திட்டமிட்டுள்ளனர். அனுராக் ருத்ரா இந்த படத்தை இயக்குகிறார். அவரும் கத்தா திவாரியும் இணைந்து திரைக்கதை எழுதியுள்ளனர். வேட் முல்லர் ஒளிப்பதிவு செய்கிறார்.
பாஜகவைச் சேர்ந்த கங்கனா ரனாவத் தற்போது லோக்சபா எம்பியாக வலம் வருகிறார் என்பது நினைவிருக்கலாம்.
இந்த படத்தின் கதை ஒரு கிறிஸ்தவ தம்பதியைப் பற்றியது. அவர்கள் குழந்தை இழந்த பிறகு ஒரு பண்ணை வீட்டிற்கு செல்கிறார்கள். அங்கு ஒரு தீய சக்தி அவர்களை தொந்தரவு செய்கிறது. அதன் பிறகு நடப்பது குறித்துதான் படத்தின் கதை வடிவமைக்கப்பட்டுள்ளதாம்.
இயக்குனர் ருத்ரா கூறுகையில், நான் கிராமத்தில் வளர்ந்தபோது கேட்ட கதைகள் தான் இந்த படத்திற்கு காரணம். நான் இந்தியாவில் கிராமத்தில் பிறந்து வளர்ந்தேன். அப்போது நிறைய கதைகள் கேட்டேன். அந்த கதைகள் என் மனதில் பதிந்துவிட்டன. அந்த கதைகளை உலகிற்கு சொல்ல விரும்புகிறேன். இந்த படம் நிறைய சஸ்பென்ஸ்களைக் கொண்டுள்ளது. படத்திற்கு நிறைய வரவேற்பு கிடைக்கும் என்று நம்புகிறேன் என்றார் அவர்.
தேசிய விருது பெற்றவரான கங்கனா ரனாவத் கடைசியாக "Emergency" என்ற படத்தில் நடித்திருந்தார். அந்த படத்தில் மறைந்த பிரதமர் இந்திரா காந்தியாக நடித்ததற்காக அவருக்கு பாராட்டு கிடைத்தது. பாலிவுட்டில் நிறைய படங்களில் நடித்துள்ளார். இப்போது அவர் ஹாலிவுட்டில் அறிமுகமாகிறார்.
சமீபத்திய செய்திகள்
ராணுவத்துக்கு ஆதரவு தெரிவித்து.. சென்னையில் நாளை பேரணி.. முதல்வர் மு.க.ஸ்டாலின் அறிவிப்பு
இந்தியா - பாகிஸ்தான் போர்ச் சூழல் எதிரொலி.. ஐபிஎல் போட்டிகள் ஒரு வாரத்துக்கு நிறுத்தம் - பிசிசிஐ
திருச்சிக்கான புதிய பேருந்து நிலையம்.. பஞ்சப்பூரில் பிரம்மாண்டம்.. தொடங்கி வைத்த முதல்வர் ஸ்டாலின்!
No Live coverage: மீடியாக்களே உணர்ச்சிவசப்படாதீங்க.. அடக்கி வாசிங்க.. மத்திய அரசு கோரிக்கை
பாகிஸ்தான் ஏவிய 50 டிரோன்களை தடுத்து அழித்த இந்தியா... வியாழக்கிழமை இரவு நடந்தது என்ன?
அதிரடித் தாக்குதலில் குதித்த இந்தியா.. பதட்டத்தில் பாகிஸ்தான்.. PSL 2025.. யூஏஇக்கு மாற்றம்!
மக்களே வீடுகளை விட்டு வெளியே வர வேண்டாம்.. சண்டிகரில் எச்சரிக்கை சைரன்!
மதுரையில் கம்பீரமாக வலம் வந்த மீனாட்சி சுந்தரேஸ்வரர் திருத்தேரோட்டம்..உணர்ச்சி வெள்ளத்தில் பக்தர்கள்
கத்தோலிக்க திருச்சபையின் புதிய போப் ஆக தேர்வு செய்யப்பட்டார்.. ராபர்ட் பிரான்சிஸ் பிரீவோஸ்ட்!
{{comments.comment}}