சானியா மிர்ஸா சாதனையை முறியடித்த கர்மான் தண்டி.. !

Jul 24, 2023,12:17 PM IST

டெல்லி: ஐடிஎப் டபிள்யூ 60 டென்னிஸ் தொடரில் பட்டம் வென்று புதிய சாதனை படைத்துள்ளார் இந்தியாவின் கர்மான் தண்டி.

இதுவரை சானியா மிர்ஸா மட்டும்தான் அமெரிக்காவில் நடைபெறும் தொழில்முறைப் போட்டி ஒன்றில் பட்டம் வென்று சாதனை படைத்த ஒரே வீராங்கனையாக இருந்து வந்தார். தற்போது அந்த இடத்தை கர்மான் பிடித்து புதிய பெருமையைத் தேடிக் கொண்டுள்ளார்.

அமெரிக்காவில் நடைபெறும் தொழில்முறை டென்னிஸ் தொடர்தான் இந்த ஐடிஎப் டபிள்யூ 60 போட்டியாகும். இதன் இறுதிப் போட்டிக்கு முன்னேறி கர்மான் ஏற்கனவே சாதனை படைத்திருந்தார். தற்போது இறுதிப் போட்டியில் அவர் உலகின் 294வது வீராங்கனை யூலியா ஸ்டரோஸ்டப்ட்ஸ்வாவை 7-5, 4-6, 6-1 என்ற செட் கணக்கில் வீழ்த்தி பட்டம் வென்று அதிர வைத்தார்.

இந்த வெற்றியின் மூலமாக அவர் தற்போது உலக மகளிர் டென்னிஸ் தர வரிசையில் 210வது இடத்திற்கு முன்னேறியுள்ளார். மேலும் அமெரிக்க ஓபன் போட்டிக்கான தகுதிச் சுற்றுக்கும் அவர் தகுதி பெற்றுள்ளார்.