ஒரு வருட சிறைத் தண்டனை முடிகிறது.. விடுதலையாகிறார் நவ்ஜோத் சிங் சித்து!

Mar 31, 2023,01:58 PM IST

டெல்லி: கொலை வழக்கில் ஒரு வருட கால கடுங்காவல் தண்டனை அனுபவித்து வந்த முன்னாள் கிரிக்கெட் வீரரும், முன்னாள் காங்கிரஸ் தலைவருமான நவ்ஜோத் சிங் சித்து நாளை விடுதலையாகிறார்.

1988ம் ஆண்டு டிசம்பர் 27ம் தேதி பாட்டியாலாவில் ஒரு கார் பார்க்கிங்கில் நடந்த மோதலின்போது 65 வயதான குர்னாம் சிங் என்பவரை தலையில் அடித்து விட்டார் சித்து. இதில் அந்த நபர் பரிதாபமாக உயிரிழந்தார். இந்த வழக்கில் சித்து, அவரது நண்பர் ருபிந்தர் சிங் சந்து ஆகியோர் மீது வழக்கு தொடரப்பட்டது.

இந்த வழக்கில் சித்துவுக்கு ஒரு வருட கடுங்காவல் தண்டனயை உறுதி செய்து கடந்த ஆண்டு உச்சநீதிமன்றம் உத்தரவிட்டது. இதையடுத்து சித்து கடந்த மே மாதம் கைது செய்யப்பட்டார். பாட்டியாலா சிறையில் அடைக்கப்பட்டார். சிறையில் அவரது நடத்தை சரியாக இருந்ததால் அவர் தற்போது விடுதலை செய்யப்படவுள்ளார். நாளை அவர் விடுதலையாகவுள்ளதாக தகவல்கள் கூறுகின்றன.

இதுகுறித்து சித்துவின் டிவிட்டர் கணக்கிலிருந்து ஒரு டிவீட் வெளியாகியுள்ளது. அவரது வக்கீல் எச்பிஎஸ் வர்மாவும் இதை உறுதி செய்துள்ளார்.

சிறைக்குப் போவதற்கு முன்பு பஞ்சாப் மாநில காங்கிரஸ் தலைவராக இருந்தார் சித்து. தேர்தல் தோல்விக்குப் பின்னர் அவர் தனது பதவியை ராஜினாமா செய்து விட்டார் என்பது நினைவிருக்கலாம். சமீபத்தில் சித்துவின் மனைவி நவ்ஜோத் கெளர் தனக்கு புற்றுநோய் பாதிப்பு இருப்பதாக டிவீட் போட்டிருந்தார். அதுகுறித்து தனது கணவருக்கும் உருக்கமாக செய்தி அனுப்பியிருந்தார் என்பது குறிப்பிடத்தக்கது.

சமீபத்திய செய்திகள்

ரயில்களில் இரவு 11 மணிக்கு மேல் சார்ஜ் போடக் கூடாது : ரயில்வே நிர்வாகம் அதிரடி

சிறையில் இருந்து கைதிகள் தப்பிக்க முயன்றால் துப்பாக்கிச்சூடு? - சிறைத்துறை அதிரடி உத்தரவு

கே.என்.நேரு மனு தள்ளுபடி: வழக்குப்பதிவு செய்யத் தடை இல்லை - சென்னை உயர்நீதிமன்றம் உத்தரவு!

Kodaikanal Rains: கொடைக்கானலில் கொட்டித்தீர்க்கும் கனமழை- பழனி வழிப்போக்குவரத்து முடக்கம்!

வங்கக்கடலில் உருவானது 'அர்னாப்' புயல்: தீவிர புயலாக வலுவடைய வாய்ப்பு

தென்தமிழ் தலையங்கம்: மக்கள் பணத்தில் விளைந்த திட்டங்கள் - கட்சிகள் உரிமை கொண்டாடுவது நியாயமா?

அகரத்தில் தொடங்கும் உலகம் - திருக்குறள் சொல்லும் வாழ்க்கை (பகுதி 1)

147C - தூக்கத்தை விரட்டியடிக்கும் குபீர் சிரிப்பு நகைச்சுவைக் கதை!

கொங்கு நாட்டு கச்சாயம்: செஞ்சு சாப்பிட்டுப் பாருங் - ஜம்முன்னு ருசிக்குமுங்க!

ஒரு வருட சிறைத் தண்டனை முடிகிறது.. விடுதலையாகிறார் நவ்ஜோத் சிங் சித்து!

Comments

சமீபத்திய செய்திகள்

அதிகம் பார்க்கும் செய்திகள்