ஒரு சிறிய நிலநடுக்கம்
- ப.வினு
நாம் வாழும் இந்தக் காலத்தில்
எல்லாமே அளக்கப்பட்டுவிட்டன.
மருத்துவமனைச் சீட்டுகளில்
நமது இரத்த அழுத்தம் இருக்கிறது,
வங்கியின் எண்களில்
நமது மதிப்பு இருக்கிறது,
வீட்டின் சுவர்களில்
நமது எல்லைகள் குறிக்கப்பட்டிருக்கின்றன.
ஆனால்,
நமது உடல்களின் வறட்சியை
எந்த அளவுகோலால் அளப்பது?
ஒரு முத்தம் என்பது
உடல்களின் எல்லைகளை
அழித்துப்போடும்
மிகச் சிறிய நிலநடுக்கம்.
அதில் கட்டிடங்கள் எதுவும் இடிந்துவிடுவதில்லை.
மாறாக,
நம்மைச் சுற்றி நாம் எழுப்பிய
அகந்தையின் சுவர்கள் மட்டுமே
தரைமட்டமாகின்றன.
சில இரவுகளில்
ஒரு முத்தம் என்பது
கொடுக்கப்படுவதே இல்லை;
அது பறிமுதல் செய்யப்படுகிறது.
வேறு சில இரவுகளில்
அது ஒரு பிச்சையைப் போல
கேட்டு வாங்கப்படுகிறது.
ஆனால்,
இருவரும் ஒரே கணத்தில்
தங்கள் தனிமையை இழக்கத் தயாராகும் போது நிகழும்
அந்த ஒரு முத்தம் இருக்கிறதே...
அது,
கடலின் ஆழத்தில்
யாரும் அறியாமல்
மலரும் ஒரு பூவைப் போன்றது.
அதன் பிறகும்
உலகம் அப்படியேதான் இருக்கும்.
அதே தேநீர்,
அதே மனிதர்கள்,
அதே சத்தங்கள்.
ஆனால்,
முத்தத்திற்குப் பிறகு
நீ மூச்சுவிடும் விதம்
மாறிப்போயிருக்கும்.
உனக்குள் உறைந்திருந்த ஏதோ ஒன்று
உருகி வழியத் தொடங்கியிருக்கும்.
நாம் இன்னும் எவ்வளவு காலம் தான்
முத்தங்களைத் தள்ளிப்போட்டு
பாதுகாப்பாக வாழப்போகிறோம்?
(கொடைக்கானலைச் சேர்ந்த ப. வினு 3ம் வகுப்பு வரை படித்திருக்கிறார். கொடைக்கானலில் கார் ஓட்டுநராக வேலை செய்கிறார். தமிழ் மொழி மீதான அளவற்ற காதலால், எழுத ஆரம்பித்து இன்று படைப்பாளியாக மிளிர்கிறார்)
சமீபத்திய செய்திகள்
போராளிகளின் வரலாற்றை சற்றுப் படியுங்கள் தம்பி.. முதல்வர் விஜய்க்கு மு.க.ஸ்டாலின் வேண்டுகோள்
அத்தனை நீளமாகப் பேசியும் detention copy பற்றி மூச்சுவிடவில்லையே.. ஸ்டாலினுக்கு தவெக கேள்வி
தாராபுரம்: அமராவதி ஆற்றின் கரையில்… மாறிக்கொண்டே இருக்கும் அரசியல் களம்!
மதுராந்தகம்.. ஏரிகாத்த ராமர் முதல் தேர்தல் களம் வரை… தனித்துவம் கொண்ட தொகுதி!
தமிழகத்தில் 17 மாவட்டங்களில் இன்று மிதமான மழைக்கு வாய்ப்பு: வானிலை மையம் எச்சரிக்கை
இளையராஜாவுக்கு டெல்லி உயர் நீதிமன்றம் நோட்டீஸ்: நீதிமன்ற அவமதிப்பு வழக்கின் பின்னணி!
தாய்மாமன் தங்க மோதிர திட்ட டெண்டரை எதிர்த்த வழக்கு தள்ளுபடி
மடப்புரம் அஜித்குமார் வழக்கு: 4 போலீசார் மீது கொலை வழக்கு பதிவு செய்ய நீதிமன்றம் உத்தரவு!
தவெக.,விற்கு மாநிலக் கட்சி அங்கீகாரம்: 'விசில்' சின்னத்தை உறுதி செய்தது தேர்தல் ஆணையம்!
{{comments.comment}}