ஆறு பெருக்கெடுத்து ஆள வட்டம் போடுதடி!
- கவிஞர் பி.எஸ்.முருகேசன், திண்டுக்கல்
கோடைமழையடிச்சு
கொளம் குட்டை நெரம்புதடி
ஆறு பெருக்கெடுத்து
ஆள வட்டம் போடுதடி
நாடு செழிக்குதடி
நல்ல மழை பெய்யுதடி
காடு களனியெங்கும்
கதிர் விளையுமடி
சோத்துக்கு பஞ்சமில்லை
சொந்தங்களும் தூரமில்லை
பகுத்து உண்பதால்
பாதிப்பு ஒன்னுமில்லை
வள்ளுவன் சொன்னதெல்லாம்
வாழ்க்கையில் உண்மையடி
தெள்ளுதமிழ் பேச்சு
தேனாக இனிக்குமடி
முல்லை மலர் வாசம்
அள்ளி அணைக்குமடி
பிள்ளைகள் பாசம்
பேரின்பம் கொடுக்குமடி
முத்தான பற்களும்
வெத்தலை போட செவக்குமடி
புன்முறுவல் சிரிப்பில்
புது வாசம் அடிக்குமடி
பொம்மை தலையாட்டி
பூரிப்பில் ஆழ்த்துமடி
தென்னை இளம்காற்று
தென்றலாய் வாழ்த்துமடி
பொன் வண்டு
ஓசை நயம்
ரீங்காரம் இசைக்குதடி
மான் ஓடும் வேகத்திலே
மரம் செடிகள் அசையுதடி
தேன் கூடு
கலையுதடி
தேன் மாரி பொழியுதடி
தேவதை நீயிருக்க
தேவைகள் நிறையுமடி
பாவை உன்
கண் பட்டால்
பாலையும் சோலை
ஆகுமடி
பார்த்த கனவும்
பலிக்குமடி
விடியல் சூரியனின்
வெப்பம் குளிருமடி
கோதை உந்தன் கூந்தலோடு
சேர்ந்து சொலிக்குமடி
கோமகன் மாமன் என்னை
கூடி அணைக்குமடி
(கவிஞர் பிஎஸ் முருகேசன், திருநூத்துப்பட்டி, செந்துரை)
சமீபத்திய செய்திகள்
2026ம் ஆண்டின் 11வது மாதம் வந்தாச்சு.. நவம்பர் மாத சிறப்புகள்!
அன்பில் மகேஸுக்கு நவம்பர் 4 வரை போலீஸ் காவல்: சென்னை ஊழல் தடுப்பு சிறப்பு நீதிமன்றம் உத்தரவு!
அந்த பிரியாணி.. இந்த பிரியாணியை விடுங்க.. அவரைக் கொட்டை பிரியாணி சாப்பிட்டிருக்கீங்களா??
லஞ்ச வழக்கு: முன்னாள் அமைச்சர் கே.என்.நேருவின் மனுவை தள்ளுபடி செய்தது உச்சநீதிமன்றம்!
என்னை நான் நேசிக்கக் கற்றுக்கொண்டேன்.. ரம்யாவின் கவிதைத் தோட்டம் (11)
பெண்!
திருமண விருந்து.. ஒரு நிமிடக் கதை (51)
தீபாவளி பலகாரம் கடையில் வாங்கப் போறீங்களா? உணவு பாதுகாப்புத் துறை வெளியிட்ட முக்கிய எச்சரிக்கை
'முரசு' தீவிர புயல் எச்சரிக்கை: சென்னைக்கு கிழக்கே மையம்; மீனவர்களுக்கு தடை & விமானங்கள் ரத்து!
{{comments.comment}}