பொண்ணுங்க ரொமான்ஸ் பண்ணக் கூடாதா என்ன.. ஷபானா ஆஸ்மி போல்ட் கேள்வி!

Aug 05, 2023,01:21 PM IST

டெல்லி: பெண்கள் என்றால் அவர்கள் ரொமான்ஸ் பண்ணக் கூடாதா என்ன என்று கேட்டுள்ளார் நடிகை ஷபானா ஆஸ்மி.

பழம்பெரும் நடிகர் தர்மேந்திராவின் ஹோம் தயாரிப்பில் உருவாகியுள்ள இந்திப் படம்தான் ராக்கி அவுர் ராணி கி பிரேம் கஹானி. இப்படத்தில் ரன்வீர் சிங் ராக்கி வேடத்திலும், ஆலியா பட் ராணி வேடத்திலும் நடித்துள்ளனர். இதில் இன்னொரு முக்கிய ஜோடியாக தர்மேந்திரா - ஷபானா ஆஸ்மி வருகிறார்கள்.

படத்தில் ஒரு சூப்பரான லிப் லாக் காட்சியும் இடம் பெற்றுள்ளது. அதில் "வாயை"க் கொடுத்து கலகலப்பை ஏற்படுத்தியுள்ளது ஒரு ஜோடி.. நீங்க அது ரன்வீர் சிங், ஆலியா பட் ஜோடி என்று நினைத்தால் அதுதான் தவறு.. அந்த லிப்லாக் காட்சியில் முத்தமிட்டுக் கலக்கியுள்ளது ஷபானா ஆஸ்மியும், தர்மேந்திராவும்தான்.

சூப்பரான ஒரு பழைய இந்திப் பாடல் பின்னணியில் ஒலிக்க இருவரும் உதட்டு முத்தம் கொடுத்து அசத்தியுள்ளனர். இதுகுறித்து தர்மேந்திரா கூறுகையில், இந்த முத்தத்தை பலரும் வரவேற்றுள்ளனர். ஆச்சரியம் காட்டியுள்ளனர். இதில் ஒன்றுமே இல்லை. காதலர்கள் சந்திக்கும்போது கூடவே ரொமான்ஸும் இருக்கத்தானே செய்யும். அதைத்தான் நாங்கள் காட்டியுள்ளோம். இந்தக் காட்சியில் நடித்தபோது எனக்கும் சரி, ஷபானா ஆஸ்மிக்கும் சரி, எந்தவிதமான பதட்டமும் தயக்கமும் இல்லை. ரசிகர்கள் இதை விரும்பியது மகிழ்ச்சி தருகிறது என்று கூறியிருந்தார்.

தற்போது ஷபானா ஆஸ்மி தனது கருத்தைக் கூறியுள்ளார். அவர் கூறுகையில், அது ஒரு சாதாரண முத்தக் காட்சிதானே. அதற்கு ஏன் இவ்வளவு பரபரப்பும், பேச்சுக்களும், சலசலப்புகளும் என்று எனக்குத் தெரியவில்லை. ஏன் பெண்கள் ரொமான்ஸ் பண்ணக் கூடாதா.. அதுவும் ஸ்டிராங்கான பெண்கள் பண்ணினால் அதை விவாதப் பொருளாக்குவார்களா.

இருந்தாலும் இந்த முத்தக் காட்சியை ரசிகர்கள், குறிப்பாக இளைஞர்கள் வெகுவாக ரசித்துப் பார்ப்பது எனக்கு மகிழ்ச்சியைத் தருகிறது என்று கூறினார் ஷபானா ஆஸ்மி. அவருக்கு தற்போது 72 வயது ஆகிறது என்பது குறிப்பிடத்தக்கது.

சமீபத்திய செய்திகள்

Singapen Helpline Number: பெண்களே.. 1091 என்ற எண்ணை அழைத்தால்.. சிங்கப்பெண் படை விரைந்து வரும்!

FIFA WorldCup 2026: உலகக் கோப்பை கால்பந்து.. அமெரிக்காவில் அசத்தும் ஈரான்.. டிரம்பை கலாய்த்து மீம்ஸ்

பிரிட்டன் அரசியல்: 10 டவுனிங் ஸ்ட்ரீட்டின் சுழலும் கதவு.. கீர் ஸ்டார்மரும் பதவி விலகல்!

கையடக்கத்தில் பதினெண் கீழ்க்கணக்கு நூல்கள்.. அசத்தலாக சாதிக்கும் நெல்லை ஆசிரியர் பொன் ரேகா!

Chettinadu Recipes: செட்டிநாடு அடுப்படியில் அதிரடி ஸ்வீட்.. மணக்க மணக்க கோதுமை அல்வா!

Monday Motivation: வாழ்வித்த வாழ்த்துகள் (சிறுகதை)

Tamil Short Story: நிறைவேறாத கல்லூரிக்கனவு!

தில்லைக்கூத்தன் கோயில்.. சிதம்பரம் தில்லை நடராஜர் திருக்கோவில் சிறப்புகள்!

இன்னிக்கி ஒரு பிடி.. அஞ்சாப்பு அட்டகாசங்கள்!

பொண்ணுங்க ரொமான்ஸ் பண்ணக் கூடாதா என்ன.. ஷபானா ஆஸ்மி போல்ட் கேள்வி!

Comments

சமீபத்திய செய்திகள்

அதிகம் பார்க்கும் செய்திகள்