சிக்கிம்.. எதிர்க்கட்சிக்கு ஒன்னே ஒன்னு.. மிச்ச 31 இடங்களையும் வெல்லும் ஆளும் எஸ்கேஎம்!
கேங்டாக்: சிக்கிம் மாநிலத்தில் நடைபெற்ற சட்டசபை தேர்தல் 2024 ல் ஆளும் எஸ்கேஎம் எனப்படும் சிக்கிம் கிரந்திகாரி மோட்சா கட்சி அதிக இடங்களில் வெற்றி பெற்று மீண்டும் ஆட்சியை பிடித்துள்ளது.
சிக்கிம் மாநிலத்தில் லோக்சபா தேர்தலுடன் சேர்த்து சட்டசபை தேர்தலும் நடத்தப்பட்டது. இம்மாநிலத்தில் மொத்தமுள்ள 32 தொகுதிகளுக்கு நடத்தப்பட்ட தேர்தலில் ஆளும் சிக்கிம் கிரந்திகாரி மோட்சா கட்சிக்கும், சிக்கிம் ஜனநாயக கூட்டணிக்கும் இடையே கடும் போட்டி நிலவியது. பாஜக, காங்கிரஸ் கட்சிகளும் இதில் தங்களின் சார்பில் வேட்பாளர்களை நிறுத்தி இருந்தன.
ஏப்ரல் 19ம் தேதி ஒரே கட்டமாக நடத்தப்பட்ட சிக்கிம் சட்டசபை தேர்தலில் மொத்தம் 79.88 சதவீதம் ஓட்டுக்கள் பதிவாகி இருந்தன. பலத்த பாதுகாப்புகளுடன் காலை 6 மணி துவங்கி ஓட்டுக்கள் எண்ணப்பட்டு வந்தன.
இந்த தேர்தலில் பதிவான ஓட்டுக்கள் ஜூன் 02ம் தேதியான இன்று எண்ணப்பட்டு, முடிவுகள் அறிவிக்கப்பட்டுள்ளது. இதில் ஆளும் சிக்கிம் கிரந்திகாரி மோட்சா கட்சி 16 இடங்களில் வென்றது, 15 இடங்களில் முன்னிலையில் உள்ளது. மீதமுள்ள ஒரு இடத்தில் மட்டுமே எதிர்க்கட்சியான எஸ்டிஎஃப் கட்சி வெல்கிறது. சிக்கிமில் ஆட்சி அமைக்க குறைந்தபட்சம் 17 இடங்களில் வெற்றி பெற்றிருக்க வேண்டும் என்பது குறிப்பிடத்தக்கது. ஆனால் 31 இடங்களை அள்ளுகிறது எஸ்கேஎம் கட்சி. எதிர்க்கட்சி வரிசையில் ஒரே ஒரு உறுப்பினர் மட்டுமே சட்டசபையில் நுழையவுள்ளார்.
அருணாச்சல் பிரதேசத்தில்.. அபார வெற்றி.. மீண்டும் ஆட்சியை பிடித்தது பாஜக!
சிக்கிம் முதல்வரும், சிக்கிம் கிரந்திகாரி மோட்சா கட்சியின் நிறுவன தலைவருமான பிரேம் சிங் தமாங் அதிக ஓட்டுக்கள் வித்தியாசத்தில் வெற்றி பெற்றுள்ளார். 56 வயதாகும் பிரேம் சிங், இரண்டாவது முறையாக மீண்டும் முதல்வராக பதவியேற்க உள்ளார். இவர் இதற்கு முன் 5 முறை சிக்கிம் முதல்வராக இருந்துள்ளார் என்பது குறிப்பிடத்தக்கது.
சமீபத்திய செய்திகள்
தீபாவளி பண்டிகை 2026 : தமிழகம் முழுவதும் இன்று ரேஷன் கடைகள் இயங்கும் - அரசு அறிவிப்பு!
Deepavali Special Buses: தீபாவளி பண்டிகை - தமிழ்நாடு முழுவதும் 15,659 சிறப்பு பேருந்துகள் இயக்கம்
தமிழகத்தில் 5 தொகுதிகளுக்கு இடைத்தேர்தல்: டிசம்பர் 20-க்குள் நடத்த தேர்தல் ஆணையம் திட்டம்!
ரூ.100-க்கு 10 காய்கறிகள்! தீபாவளி பண்டிகையை முன்னிட்டு கூட்டுறவுத்துறை அதிரடி அறிவிப்பு!
எம்.ஜி.ஆருடன் உலகம் சுற்றும் வாலிபன் படத்தில் நடித்து பிரபலமான.. தாய்லாந்து நடிகை மரணம்!
சென்னையில் உச்ச நீதிமன்ற கிளை அமைக்க வேண்டும்: பிரதமர் மோடிக்கு முதல்வர் விஜய் கடிதம்!
2027 உத்திரப் பிரதேச சட்டசபை தேர்தலில் போட்டியிட மாட்டேன்: அகிலேஷ் யாதவ் அதிரடி அறிவிப்பு!
அதிரடியாக உயர்ந்த தங்கம் விலை: சவரன் ரூ.1,04,800-ஐ தொட்டது! அதிர்ச்சியில் மக்கள்
டாஸ்மாக் கடைகளில் காலி பாட்டில்களை ஒப்படைத்தால் வங்கிக் கணக்கில் ரூ.10 வரவு
{{comments.comment}}