சிந்தனைச் சிதறல்.. ஒருவருக்குத் தவறெனத் தோன்றுவது மற்றவருக்குச் சரியெனத் தோன்றுகிறது!

Apr 02, 2026,05:54 PM IST

- அ.தாமஸ்

இந்த உலகில் 'தவறு' என்று எந்த ஒன்றும் தனியாக இல்லை. ஒருவருக்குத் தவறெனத் தோன்றுவது மற்றவருக்குச் சரியெனத் தோன்றுகிறது. சில நேரங்களில் நமக்கே, நாம் சரி என்று நினைத்தது தவறாகத் தெரிகிறது; தவறு என்று செய்தது சரியாகத் தெரிகிறது. எனவே, செய்த தவறுகளை உணர்வோம், இனியாவது தவறுகள் செய்யாமல் இருப்போம்.

எந்த ஒன்று பிறரை உடல் அளவிலோ மனதளவிலோ காயப்படுத்துகிறதோ, அதுவே தவறு. எனவே, தவறுவதில் தவறில்லை; ஒரு விஷயத்தைத் தவறு என்று தெரிந்தும் அதை மீண்டும் செய்வதுதான் தவறு. அதே நேரத்தில், செய்த தவறை உணர்ந்து வருந்தும்போது, அந்தத் தவறு தன் தன்மையை இழந்துவிடுகிறது. எனவே, தவறியதை நினைத்துத் தளர வேண்டாம்.

மறப்பது மனித குணம். மறதிதான் இறைவன் மனிதனுக்குக் கொடுத்த மிகச்சிறந்த வரம். எனவே, நல்லவற்றை நினைப்போம்; அல்லவற்றை முழுமையாய் மறப்போம்; மறந்ததை மீண்டும் நினைக்காமல் இருப்போம்; நாள்தோறும் மகிழ்வினில் திளைப்போம்.

தவறுகளை வெறுப்போம், தவறியவர்களை அல்ல! ஒருவர் செய்த தவறுக்காகத் தவறியவரை வெறுக்க ஆரம்பித்தால், இவ்வுலகில் உண்மையாய் நேசிக்க ஒரு உறவுகூட மிச்சமிருக்காது. ஆம், தவறு செய்யாத மனிதர் இல்லை; தவறே செய்யவில்லை எனில் அவர் மனிதரே இல்லை. எனவே, தவறுகளை மட்டுமே வெறுப்போம்; தவறியவர்களை முற்றாய் நேசிப்போம்—அவர்கள் மீண்டும் தவறாமல் இருப்பதற்கு நம் நேசமே துணையிருக்கும்.

(அ.தாமஸ் MSc, Bed, MPhil, MSc(psycho), Fscp(psycho), ஆசிரியர், வாணி கிராமம், சிவகங்கை மாவட்டம்)

செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்

சமீபத்திய செய்திகள்

உண்மையான துரோகிகள் இபிஎஸ் உடன் தான் இருக்கிறார்கள்: செங்கோட்டையன் கடும் தாக்கு

தவெக-வில் இணைந்த அதிமுக முன்னாள் அமைச்சர்கள் சி.விஜயபாஸ்கர், எம்.ஆர்.விஜயபாஸ்கர்

DMK: "கொல்லைப்புறமாக ஆட்சிக்கு வரமாட்டோம்" – திமுக முன்னாள் அமைச்சர் ரகுபதி உறுதி!

"திமுகவால் ஆட்சியில் இல்லாமல் இருக்க முடியவில்லை!" – மார்க்சிஸ்ட் கம்யூனிஸ்ட் கடும் கண்டனம்!

ஜூலை 12ல் 'We The Leaders' அமைப்பின் முதல் மாநாடு : அண்ணாமலை அறிவிப்பு

வாட்ஸ்அப்பில் யூசர்நேம் வசதி: மெட்டா நிறுவனத்திற்கு மத்திய அரசு நோட்டீஸ்!

இந்திரா காந்தி, ராஜீவ் காந்தி, எஸ்பிபி, பாரதிராஜா, பாக்யராஜ்.. மனதை கசக்கிய மரணங்கள்!

Tamil Short Story: நிம்மதி

Short Story: கண்ணாளனே

சிந்தனைச் சிதறல்.. ஒருவருக்குத் தவறெனத் தோன்றுவது மற்றவருக்குச் சரியெனத் தோன்றுகிறது!

Comments

சமீபத்திய செய்திகள்

அதிகம் பார்க்கும் செய்திகள்