தங்கம் வென்ற ரோஸி மீனாவிற்கு.. அரசு வேலை வழங்கி முதல்வர் ஸ்டாலின் கௌரவம்!

Nov 04, 2023,04:48 PM IST

சென்னை: தேசிய விளையாட்டுப் போட்டிகளில் மகளிருக்கான கோலுன்றி தாண்டுதல் போட்டியில் தங்கம் வென்ற தமிழகத்தை சேர்ந்த ரோஸி மீனாவிற்கு தமிழக முதல்வர் ஸ்டாலின் இளநிலை அலுவலர் பதவி வழங்கி கௌரவித்துள்ளார்.

1997 ஆம் ஆண்டு தஞ்சை மாவட்டத்தில் மிக எளிமையான குடும்பத்தில் பிறந்தவர் ரோஸி மீனா. இவர் தேசிய விளையாட்டுப் போட்டிகளில், மகளிருக்கான கோலுன்றி தாண்டுதல் போட்டியில் 4. 21 மீட்டர் தூரம் தாண்டி தேசிய அளவில் சாதனை படைத்தார். சர்வதேச உள்ளரங்கு விளையாட்டுப் போட்டியிலும் இந்தியா சார்பில் கலந்து கொண்டு வெண்கல பரிசு பெற்றவர்.

தற்போது இவரது திறமையை அறிந்த விளையாட்டு துறை அமைச்சர் உதயநிதி ஸ்டாலின் பரிந்துரையில் முதல்வர் மு. க ஸ்டாலின் , தமிழ்நாடு செய்தித்தாள் மற்றும் காகித நிறுவனத்தில் இளநிலை உதவியாளர் பணியை வழங்கியுள்ளார்.