வேட்டையன் பராக்.. தீபாவளிக்கு திரைகளைக் கிழிக்க வரும் சூப்பர் ஸ்டார்.. போட்றா வெடியை!
சென்னை: சூப்பர் ஸ்டார் ரஜினிகாந்த் நடிப்பில் உருவாகியுள்ள வேட்டையன் படம் அக்டோபர் மாதம் தீபாவளிக்குத் திரைக்கு வருவதாக அறிவிக்கப்பட்டுள்ளது.
லைக்கா நிறுவனத்திற்கு இந்த வருடம் 2 தீபாவளி வருகிறது.. முதல் தீபாவளியை ஜூன் மாதம் கொண்டாடுகிறது. கமல்ஹாசன் நடிக்க, ஷங்கர் இயக்கத்தில் உருவாகியுள்ள பிரமாண்டப் படம் இந்தியன் 2. இப்படம் ஜூன் மாதம் திரைக்கு வருவதாக நேற்றுதான் அறிவித்தது லைக்கா நிறுவனம்.
இந்த நிலையில் இன்று அடுத்த தீபாவளிக்கான அறிவிப்பை வெளியிட்டுள்ளது லைக்கா நிறுவனம். அக்டோபர் மாதம் தீபாவளிப் பண்டிகையன்று சூப்பர் ஸ்டார் ரஜினிகாந்த் நடித்துள்ள வேட்டையன் படத்தை திரைக்குக் கொண்டு வருகிறது லைக்கா. ஜெய்பீம் படத்தை இயக்கி த.செ. ஞானவேல் இயக்கியுள்ள படம்தான் வேட்டையன். இப்படத்தை தீபாவளியன்று திரையிடவுள்ளதாக லைக்கா தெரிவித்துள்ளது.
இதனால் ரஜினிகாந்த் ரசிகர்கள் உற்சாகமடைந்துள்ளனர். படு வேகமாக வே்ட்டையன் படப்பிடிப்பு நடந்து வந்தது. இப்படத்தின் கதை பெரும் எதிர்பார்ப்புகளை ஏற்படுத்தியுள்ளது. இந்த நிலையில் தற்போது படப்பிடிப்பு கிட்டத்தட்ட முடிவுக்கு வந்துள்ள நிலையில் ரிலீஸ் தேதியை அறிவித்துள்ளது லைக்கா.
வேட்டையன் படத்தில் ராணா, பஹத் பாசில், அமிதாப் பச்சன், மஞ்சு வாரியர், ரித்திகா சிங், துஷாரா விஜயன், கதிர் உள்ளிட்டோர் நடித்துள்ளார். அனிருத் இசையமைத்துள்ளார்.
வேட்டையன் படப்பிடிப்பின்போது கமல்ஹாசனும், ரஜினிகாந்த்தும் சந்தித்துப் பேசிக் கொண்டது நினைவிருக்கலாம். இந்த நிலையில் இந்த வருடம் கமல் மற்றும் ரஜினியின் சூப்பர் ஹிட் எதிர்பார்ப்புப் படங்கள் அடுத்தடுத்து திரைக்கு வரவுள்ளது. அதுவும் ஒரே நிறுவனத்தின் தயாரிப்புகளில் இரு சூப்பர் நடிகர்களும் நடித்து அது வெளியாவது இரு தரப்பு ரசிகர்களையும் மகிழ்ச்சிக் கடலில் மூழ்கடித்துள்ளது.
சமீபத்திய செய்திகள்
T20 World Cup: ஈடன் கார்டனை அதிர விட்ட சேட்டன் சஞ்சு.. செம ஆட்டம்.. செமி பைனலில் இந்தியா!
Iran Flashback: அயதுல்லா கொமேனி யார் தெரியுமா?.. ஈரானுக்கும் இந்தியாவுக்கும் இடையே உள்ள லிங்க்!
25 சீட் கொடுக்க முன்வந்தது திமுக.. அதில் எங்களுக்கு உடன்பாடு இல்லை.. கிரிஷ் சோடங்கர்
Iran Vs Israel : ஒரு காலத்தில் ஈரான் - அமெரிக்கா - இஸ்ரேல் நல்ல தோஸ்த் தெரியுமா?
Khamenei Assasination: விரைவில் வரலாறு காணாத கொடூரத் தாக்குதல்.. ஈரான் எச்சரிக்கை
முதல்வர் மு.க.ஸ்டாலின் பிறந்தநாள்: வாழ்த்துவதில் முந்திய பிரதமர் மோடி.. லேட்டாக வந்த ராகுல் காந்தி!
Poem: அதிகாரத்தின் குழந்தை.. ஆனாலும் எளிமையின் அடையாளம்.. முதல்வர் மு.க.ஸ்டாலின்!
திமுக-காங்கிரஸ் தொகுதிப் பங்கீடு: எங்களுக்குள் எந்தப் பிரச்சனையும் இல்லை - செல்வப்பெருந்தகை உறுதி!
களை கட்டும் மதுரை.. நாளை வருகிறார் பிரதமர் நரேந்திர மோடி.. பரபரக்கும் பாஜக பிரச்சாரம்
{{comments.comment}}