விடியலின் கீதம்!
- ந. மகாலட்சுமி
கிழக்கு வானில் கதிரவன் மெல்ல எழுந்து வந்து,
பொன்னொளி சிந்த,
புத்தம் புதியதோர் புலரல் பிறக்க,
புவியில் உயிர்கள் புத்துணர்வு பெறுக!
பறவை இனம் தங்கள் பண்ணிசை பாட,
பூக்களும் இதழ் விரித்து புன்னகை பூக்க,
காற்றலை தவழ்ந்து வந்து கன்னம் வருட,
காலை வணக்கம் சொல்வோம், களிப்புடன் வாழ!
மறைந்த இருள் விலகி, மாசற்ற ஒளி பரவ,
மௌனம் கலைந்து, மங்கலம் பெருகிடவே!
பசுமையின் மீது பனித்துளிகள் மின்ன,
பயிர்கள் எல்லாம் நீரருந்தி செழித்து நிற்க;
விவசாயி புன்சிரிப்புடன் களமிறங்கிட,
தொழிலாளர் ஆயத்தமாகி கடமை செய்திட,
மாணவர்கள் ஆர்வமுடன் கல்வி தேட,
அனைவரின் முயற்சியிலும் வெற்றி வந்து சேர!
அன்றாடத் தேவைக்கான அரும்பாடுபட,
உறவுகளின் பாசத்தால் இதயம் மகிழ்ந்திட,
நேற்றைய கவலைகள் யாவும் நீங்கி மறைய,
இன்றையப் பொழுது இனிமையாய் மலர;
நம்பிக்கை எனும் விதையை நெஞ்சுக்குள் ஊன்றி,
புதியதோர் சிந்தனையில் மனதை நிரப்பி,
எதிர்கால லட்சியத்தை எட்டிப் பிடிக்க,
புத்துணர்வோடு பயணத்தைத் தொடர்வோம்!
இந்த இனிய காலைப் பொழுதைப் போல,
உங்கள் வாழ்வும் பிரகாசமாய் ஒளிரட்டும்!
எண்ணியவை ஈடேற, இன்பங்கள் பெருக,
அமைதியும் ஆரோக்கியமும் எப்போதும் நிலைக்கட்டும்,
இனியதோர் நாள் உங்களுக்கு அமையட்டும்
(ந.மகாலட்சுமி, ஆசிரியர், கவிஞர், எழுத்தாளர். இலக்கியத் துறையில் 50க்கும் மேற்பட்ட விருதுகள், பாராட்டுகள், பரிசுகளைப் பெற்றுள்ளார். பணியாற்றுவது, பூவிருந்தவல்லி, திருவள்ளூர் மாவட்டம்)
சமீபத்திய செய்திகள்
நான் என்னுடைய சுய கணக்கெடுப்பை முடித்து விட்டேன்.. வீடியோ வெளியிட்ட முதல்வர் விஜய்
Census: தமிழகத்தில் ஆகஸ்ட் 1 முதல் முதற்கட்ட மக்கள்தொகை கணக்கெடுப்பு.. ஆன்லைனிலும் சமர்ப்பிக்கலாம்!
ரோஹித் சர்மா ஓய்வு பெற நிர்ப்பந்தமா.. உண்மையில் என்னதான் நடக்கிறது?
ஜோர்டானில் இருந்த அமெரிக்க போர் விமானங்களை அழித்ததாக ஈரான் அதிரடி தகவல்
ரயில் டிக்கெட் முன்பதிவை எளிதாக்க ஐஆர்சிடிசி (IRCTC) புதிய பீட்டா பதிப்பு அறிமுகம்
சிந்தனைச் சிதறல்.. தனித்துவமும் தன் மதிப்பும் மிகுந்த தனிமையே உயர்வானது!
ரஷ்ய எண்ணெய் வாங்கும் இந்தியா, சீனா மீது 100% வரி? அமெரிக்க நாடாளுமன்றத்தில் புதிய மசோதா
ஓய்வறியா தமிழ்ச் சூரியன்.. தளராமல் தமிழ் வளர்க்கும் பாரதிச்சுடர் நா.வே.நீலகண்டத் தமிழன்!
மிஸ்..இந்த வாட்டியும் வந்ததா!.. அஞ்சாப்பு அட்டகாசங்கள்
{{comments.comment}}