- ஈரோடு மாலதி

தீபாவளி பண்டிகை என்றாலே ஈரோடு மாவட்டத்தில் ஊரே கோலாகலமாக மாறும். அதிகாலை நீராடி, புத்தாடை அணிந்து, பட்டாசு வெடித்துக் கொண்டாடிய பின், வீடுகளில் ‘தீபாவளி கறிச்சோறு’ விருந்து மிக விமரிசையாகத் தொடங்கும்.

காலையில்,சுடச்சுட ஆவியில் வெந்த பஞ்சு போன்ற இட்லியுடன், வீடே மணக்கும் காரசாரமான ஈரோடு ஸ்டைல் நாட்டுக்கோழி குழம்பு அல்லது செட்டிநாடு/கொங்கு பாணி ஆட்டிறைச்சி குழம்பு ஊற்றிச் சாப்பிடுவது ஈரோட்டின் முதன்மைப் பாரம்பரியம்.

மதிய உணவுக்கு, சின்ன வெங்காயம், சீரகச் சம்பா அரிசி மற்றும் கையால் அரைத்த மசாலாகள் சேர்த்துச் செய்யப்படும் ஈரோடு பள்ளிப்பாளையம் கோழி வறுவல், கொங்கு பாணி மட்டன் சுக்கா, இரத்தப் பொரியல், குடல் கறி மற்றும் சுடச்சுட சாதத்துடன் ஆட்டிறைச்சி எலும்புக்குழம்பு, இரசம் ஆகியவை பரிமாறப்பட்டு விருந்து களைகட்டும்!

ஈரோட்டில் தீபாவளிப் பண்டிகை என்றாலே ஜவுளிக் கொள்முதல் தான் மிக முக்கியமானது. ஈரோடு ஈஸ்வரன் கோவில் வீதி, கனி மார்க்கெட் (M.G.R. சென்ட்ரல் மார்க்கெட்) மற்றும் பிரதான ஜவுளி அங்காடிகளில் புத்தாடை வாங்கும் படலம் மிகத் தீவிரமாக நடைபெறும். சுற்றியுள்ள மாவட்டங்களிலிருந்தும், பிற மாநிலங்களிலிருந்தும் ஆயிரக்கணக்கான மக்கள் இங்கு வந்து மொத்தமாகவும் சில்லறையாகவும் துணிகளை வாங்கிச் செல்வது வழக்கம்.

பண்டிகை நெருங்கும் நாட்களில் ஈரோடு நகரின் முக்கிய வீதிகளான ஈஸ்வரன் கோவில் வீதி, மேட்டூர் சாலை, ஆர்.கே.வி ரோடு மற்றும் பெருந்துறை சாலை போன்ற பகுதிகளில் மக்கள் கூட்டம் அலைமோதுவதால், நகரம் முழுவதுமே விழாக் கோலம் பூண்டு கடுமையான போக்குவரத்து நெரிசல் ஏற்படும்.

சிவகாசியில் இருந்து நேரடியாகக் கொண்டுவரப்படும் தரமான பட்டாசுகள், ஈரோட்டின் வ.உ.சி பூங்கா மைதானம் மற்றும் பல முக்கிய பகுதிகளில் சிறப்புத் தற்காலிக அங்காடிகள் அமைக்கப்பட்டு விற்கப்படும்.

மாலை வேளையில் நண்பர்கள் மற்றும் உறவினர்களின் வீடுகளுக்குச் சென்று, தீபாவளி இனிப்புகள் மற்றும் பலகாரங்களைப் பகிர்ந்து மகிழ்வார்கள். மேலும், புகழ்பெற்ற ஈரோடு பவானி சங்கமேஸ்வரர் கோவில் (முக்கூடல் சங்கமம்) அல்லது ஈரோடு கோட்டை ஈஸ்வரன் கோவிலுக்குச் சென்று குடும்பத்துடன் சாமி தரிசனம் செய்து வழிவடுவது ஈரோடு மக்களின் தலைமுறை தலைமுறையான வழக்கமாகும்.

(கட்டுரையாளர் மாலதி, நசியனூர், நெசவாளர் காலனி, சிந்தன்கோட்டை, எம்ஜிஆர் ரோடு, ஈரோடு)