- க. யாஸ்மின் சிராஜூதீன்
விண்ணுக்கும் மண்ணுக்கும்
ஒப்பந்தமே....
பண்டமாற்றம் செய்திடுமே...!!!
மண்ணின் நீர்நிலைகளும்
பங்கு கொண்டிடுமே....
கதிரவனும் அங்கே ஒளி பாய்ச்சிடுமே...!!
வெப்பத்தால் நீரும்
ஆவியாகிடுமே ......
காற்றில் மிதந்தே விண்ணைச் சேர்ந்திடுமே....!!!!

வெப்பம் குறைந்து நீர்மத்துளிகள்
ஆகிடுமே...
தொங்கல் நிலை மேகங்கள்
உருவாகிடுமே...!!!
கார்முகில் மேகங்கள்
கூடி பேசிடுமே...
குளிர்ந்த காற்றும் சென்று
நட்பு பாராட்டிடுமே....!!!
மழைமேகங்கள் விண்ணமுதை
பூக்களாய் தூவிடுமே..
விண்ணமுதம் மண்ணைவந்து
அணைத்திடுமே....!!!
பயிர்கள் எல்லாம் செழித்திடுமே
விளைச்சல் தந்திடுமே...
விண்ணமுதம் உயிர்களுக்கு அமுதம்
நல்கிடுமே...!!!
உண்பார்க்கு நல்ல உணவினை
விளைவித்து தந்திடுமே...
இருந்திடுமே...!!!
விண்ணும் மண்ணும் மகிழ்ந்திடுமே ...
உயிர்களின் செழிப்பை கண்டு
இன்பங்கள் கோடி அடைந்திடுமே ..!!
விண்ணமுதம் நம்மை வாழவைக்கும்
உயிரமுதமே....
வீணாக்காமல் அதனை மாசாக்காமல்
முறையாக காத்திடுவோமே...!!!
என்றும் இயற்கையை போற்றி வணங்கிடுவோமே....
இன்பங்கள் நிலைத்து
செழிப்புடன் வாழ்ந்திடுவோமே....!!!
விண்ணுக்கும் மண்ணுக்கும் ஒப்பந்தமே....
விண்ணமுதம் பூமிக்கு வந்தடைந்திடுமே..!!!
நீராவியாகி விண்ணுக்கு
சென்றிடுமே ....!!!!
உலகம் உள்ளவரை நீர்சுழற்சி
நடந்திடுமே..!!!
உயிர்களின் வாழ்க்கை சுழற்சிக்கு
காரணமாகிடுமே..!!!
(கவிஞர் க.யாஸ்மின் சிராஜூதீன் இடைநிலை ஆசிரியர். ஊராட்சி ஒன்றிய நடுநிலைப்பள்ளி கரடிக்குப்பம். மேல்மலையனூர் ஒன்றியம் விழுப்புரம் மாவட்டத்தைச் சேர்ந்தவர். 26.09.2014 முதல் இடைநிலை ஆசிரியராக 11 ஆண்டுகளாக பணியாற்றி வருகிறார். 2 ஆண்டுகளாக கவிதை, சிந்தனை துளிகள், சிறுகதை, வகுப்பறைக்கு பாடங்கள் தொடர்பான பாடல்கள் எழுதி வருகிறார். பிரதிலிபி தளத்தில் கவிதைகளைப் பதிவிட்டு வருகிறார். தொடுவானம் கவிதை குழுமம் நடத்தும் whatsApp வழியாக கவிதை எழுதும் போட்டியில் தொடர்ந்து கவிதை எழுதி வருகிறார்)
தூய்மைப் பணியாளர்களைத் தொடர்ந்து இழிவுபடுத்தும் திமுக அரசு: நயினார் நாகேந்திரன் குற்றச்சாட்டு
வயலா எலுமிச்சை.. எங்கள் ஊரின் பசுமை பொக்கிஷம்!
'ஜனநாயகன்' படத்திற்கு அடுத்தடுத்த சிக்கல்: உச்ச நீதிமன்றத்தில் தணிக்கை வாரியம் புதிய மனு
தேசத் தந்தை தேசத்தின் விந்தை .. நற்குணம்விற்ற நாட்டுச் சந்தை.. அகிம்சை தலைவன்!
சக்தி வாய்ந்த அகிம்சை போராளி.....!
கனிமொழி சொன்ன புதிய கட்சிகள்...யார் அவர்கள்? பரபரக்கும் அரசியல் களம்
விண்ணமுதம்!
தீயில் எரிந்தது விவசாயி மட்டும் அல்ல..சட்டம், ஒழுங்கு, பாதுகாப்பு அனைத்தும் தான்:எடப்பாடி பழனிச்சாமி
என்ன சொல்ல...!
{{comments.comment}}