23வது கிராண்ட் ஸ்லாம் பட்டம்... மீண்டும் மீண்டும் வரலாறு படைக்கும் ஜோகோவிக்!

Jun 12, 2023,11:33 AM IST

பாரீஸ்: பிரெஞ் ஓபன் ஆடவர் ஒற்றையர் பட்டத்தை வென்று புதிய வரலாறு படைத்துள்ளார் செர்பியாவைச் சேர்ந்த நோவாக் ஜோகோவிக். இது அவர் வெல்லும் 23வது கிராண்ட் ஸ்லாம் பட்டமாகும்.

இதன் மூலம் நடால் படைத்திருந்த 22 கிராண்ட்ஸ்லாம் சாதனையை அவர் முறியடித்து முதலிடத்தைப் பிடித்துள்ளார்.

டென்னிஸ் ஓபன் எரா காலத்தில் 23 கிராண்ட்ஸ்லாம் ஒற்றையர் பட்டங்களை வென்ற முதல் வீரர் என்ற சாதனையைப் படைத்துள்ளார் ஜோகோவிக். ஞாயிற்றுக்கிழமை நடந்த பிரெஞ்ச் ஓபன் ஒற்றையர் இறுதிப் போட்டியில் நார்வே வீரர் காஸ்பர் ரூட், ஜோகோவிக் மோதினர். இப்போட்டியில், 7-6 (7-1), 6-3, 7-5 என்ற செட் கணக்கில் ஜோகோவிக் வெற்றி பெற்றார்.

ஒட்டுமொத்த டென்னிஸ் உலகில் தற்போது அதிக அளவிலான சிங்கிள்ஸ் கிராண்ட்ஸ்லாம் பட்டத்தை வென்றவர்கள் இருவர்தான். அது செரீனா வில்லியம்ஸ் மற்றும் ஜோகோவிக். இருவரும் தலா 23 பட்டங்களை வென்று சம நிலையில் உள்ளனர்.

ஜோகோவிக்குக்கு இது 34வது கிராண்ட்ஸ்லாம் இறுதிப் போட்டி என்பதும் முக்கியமானது. இந்த வெற்றியின் மூலம் அவர் தரவரிசையிலும் முதலிடத்தைப் பிடிக்கவுள்ளார். இதுதவிர இன்னொரு பெருமையும் ஜோகோவிக்குக்குக் கிடைத்துள்ளது. அது ஒவ்வொரு கிராண்ட்ஸ்லாம் (மொத்தம் 4 கிராண்ட்ஸ்லாம் - அமெரிக்கன் ஓபன், விம்பிள்டன், ஆஸ்திரேலிய ஓபன் மற்றும் பிரெஞ்ச் ஓபன் - போட்டிகள் உள்ளன) பட்டத்தையும் தலா 3 முறை அவர் வென்று அசத்தியுள்ளார்.

இன்னொரு விசேஷம் என்னவென்றால் அவரது 10 கிராண்ட்ஸ்லாம் பட்டங்கள், 30 வயதைத் தாண்டிய பிறகு அவருக்குக் கிடைத்தவை என்பதுதான். இதன் மூலம் வயதையும் அவர் முறியடித்துள்ளார். தற்போது ஜோகோவிக்குக்கு 36 வயதாகிறது. பிரெஞ்ச் ஓபன் பட்டத்தை அதிக வயதில் வென்ற வீரரும் இவர்தான். இதிலும் அவர் நடாலை வீழ்த்தியுள்ளார்.

சமீபத்திய செய்திகள்

ஆளுநர் ஆர். என். ரவி.. பாஜக தலைவராக வந்து அரசியல் செய்யலாமே.. அமைச்சர் கோவி. செழியன்

துணைவேந்தர்களுக்கு மிரட்டல்.. முதல்வர் ஸ்டாலின் அச்சப்படுகிறாரா.. ஆளுநர் ஆர். என். ரவி கேள்வி

ஏ.ஆர்.ரஹ்மான் மீது காப்புரிமை வழக்கு... ரூ.2 கோடி செலுத்த டெல்லி உயர்நீதிமன்றம் உத்தரவு!

பாகிஸ்தானியர்களை வெளியேற்றுங்கள்.. மாநில அரசுகளுக்கு மத்திய அமைச்சர் அமித்ஷா அறிவுறுத்தல்!

ஒரு வருஷத்துக்கு முன்பு என்னைப் புகழ்ந்தவர்களா இவர்கள்??.. ஒலிம்பியன் நீரஜ்சோப்ரா பெரும் வேதனை!

எல்லைக் கட்டுப்பாட்டுக் கோட்டுப் பகுதியில்.. துப்பாக்கிச் சூட்டில் இறங்கிய பாக்.. இந்தியா பதிலடி

முதல்வர் மு.க.ஸ்டாலினுக்கு மே 3ம் தேதி பாராட்டு விழா: அமைச்சர் கோவி செழியன் அறிவிப்பு

ஆளுநர் ஆர். என். ரவி கூட்டிய ஊட்டி மாநாடு.. அரசு பல்கலைக்கழக துணைவேந்தர்கள் பங்கேற்கவில்லை

Tnpsc exam: 3935 பணிகளை நிரப்ப குரூப்-4 தேர்வு தேதி வெளியீடு.. இன்று முதல் விண்ணப்பிக்கலாம்!

23வது கிராண்ட் ஸ்லாம் பட்டம்... மீண்டும் மீண்டும் வரலாறு படைக்கும் ஜோகோவிக்!

Comments

சமீபத்திய செய்திகள்

அதிகம் பார்க்கும் செய்திகள்