பிரெஞ்ச் ஓபன் டென்னிஸ் போட்டி.. ரஃபேல் நடால் பங்கேற்க மாட்டார்!

May 19, 2023,03:19 PM IST

பாரிஸ் : 2023 ம் ஆண்டிற்கான பிரெஞ்ச் ஓபன் டென்னிஸ் போட்டியில் ஸ்பானிஷ் நாட்டு வீரரான ரஃபேல் நடால் பங்கேற்க மாட்டார் என அறிவிக்கப்பட்டுள்ளது. காயம் காரணமாக அவர் போட்டியில் பங்கேற்க போவதில்லை என தெரிவிக்கப்பட்டுள்ளது.

2005 ம் ஆண்டு முதல் ரஃபேல் நடால் பிரெஞ்ச் ஓபன் டென்னிஸ் போட்டிகளில் தொடர்ந்து பங்கேற்று வருகிறார். முதல் போட்டி துவங்கி தொடர்ந்து 14 ஆண்டுகள் பிரெஞ்ச் ஓபன் டென்னிஸ் சாம்பியன் பட்டத்தை பெற்று சாதனை படைத்துள்ளார் ரஃபேல்.

பிரெஞ்ச் ஓபன் டென்னிஸ் போட்டிகளில் இதுவரை ரஃபேலை யாராலும் தோற்கடிக்க முடியவில்லை. இதனால் இந்த ஆண்டு ரஃபேல், பிரெஞ்ச் ஓபன் டென்னிஸ் போட்டிகளில் பங்கேற்க மாட்டார் என்ற தகவல் அவரது ரசிகர்களை அதிர்ச்சியும், கவலையும் அடைய வைத்துள்ளது.

ஜனவரியில் நடந்த ஆஸ்திரேலியன் ஓபன் டென்னிஸ் போட்டியின் போது அவருக்கு இடது பக்க இடுப்பில் ஏற்பட்ட காயம் இதுவரை சரியாகவில்லை என சொல்லப்படுகிறது. 36 வயதாகும் ரஃபேல் மார்ச்சில் நடந்த போட்டியிலேயே பங்கேற்பார் என எதிர்பார்க்கப்பட்டது. ஆனால் அவர் பார்வையாளராக மட்டுமே அதில் பங்கேற்றார்.

காயம் காரணமாக சிகிச்சையில் இருந்து வரும் ரஃபேல் அடுத்த ஆண்டு ஓய்வை அறிவிக்க உள்ளதாகவும் சொல்லப்படுகிறது. இது அவரது ரசிகர்களை நிலைகுலைய வைத்துள்ளது. அதே சமயம் தொடர்ந்து 14 ஆண்டுகள் ரஃபேல் தன் வசமாக்கி வைத்திருந்த பிரெஞ்ச் ஓபன் டென்னிஸ் சாம்பியஷிப் பட்டத்தை இந்த ஆண்டு யார் கைப்பற்ற போகிறார், ரஃபேல் இடத்தை கைப்பற்ற போகிறவர் யார் என்ற ஆர்வமும் ரசிகர்களிடம் அதிகரித்துள்ளது.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

காங்கிரஸ் செய்த தவறுகளைத் திருத்தவே எங்களுக்கு நேரம் போதவில்லை.. பிரதமர் மோடி

பிரதமர் மீது தாக்குதல் நடத்த எதிர்க்கட்சிகள் திட்டம்...பகீர் கிளப்பிய சபாநாயகர் ஓம் பிர்லா

சபாநாயகர் சொன்னது மிகப்பெரிய பொய்...காங்கிரஸ் எம்.பி சுதா காந்திமதிநாதன் காட்டம்

பார்லிமென்ட்டில் புயலை கிளப்பிய திமுக அமைச்சரின் பேச்சு...திமுக-காங்கிரஸ் கடும் மோதல்

"அந்தப் பெரிய இடம் யார்?" - மடப்புரம் அஜித்குமார் மரண விவகாரத்தில் தாய் ஆவேச பேட்டி

மேற்கு வங்க சட்டசபைத் தேர்தலில் காங்கிரஸ் தனித்துப் போட்டியிட முடிவு

தவெக தேர்தல் அறிக்கைக்காக மக்களிடம் கருத்து கேட்க புதிய இணையதளம்

தேமுதிக சார்பில் போட்டியிட விருப்ப மனு விநியோகம்: பிரேமலதா விஜயகாந்த் அறிவிப்பு

பீகார் தேர்தல் முடிவுகளை ரத்து செய்யுங்க...சுப்ரீம் கோர்ட்டில் பிரசாந்த் கிஷோர் மனு