டாக்டர் ராமதாஸை தைலாபுரம் சென்று சந்தித்த சி வி சண்முகம்.. அதிமுக கூட்டணியில் இணைவாரா?
விழுப்புரம்: பாமக நிறுவனர் டாக்டர் ராமதாசை அதிமுக முன்னாள் அமைச்சர் சிவி சண்முகம் தைலாபுரம் தோட்டத்திற்கு சென்று சந்தித்தார். பாஜக கூட்டணியில் இணைவது குறித்து இரு தலைவர்களும் பேசியதாக கூறப்படுகிறது.
இன்னும் சில மாதங்களில் சட்டமன்ற தேர்தல் நடக்க உள்ள நிலையில், தற்போதோ அரசியல் களம் சூடுபிடிக்கத் தொடங்கியுள்ளது. தமிழகத்தில் உள்ள முக்கிய கட்சிகள் அனைத்தும் தீவிரமாக கூட்டணி பேச்சு வார்த்தை நடத்தி வருகின்றன. பல முக்கிய கட்சிகளின் கூட்டணி முடிவுகளை தெரிந்து கொள்வதற்காக மக்களும் ஆர்வம் காண்பித்து வருகின்றனர்.
இந்நிலையில், பாமக நிறுவனர் டாக்டர் ராமதாசை அதிமுக முன்னாள் அமைச்சர் சி.வி. சண்முகம் தைலாபுரம் தோட்டத்திற்கு சென்று சந்தித்துள்ளார். இந்த சந்திப்பின் போது பாஜக கூட்டணியில் இணைவது குறித்து இரு தலைவர்களும் பேசியதாக கூறப்படுகிறது. கடந்த வாரம் டெல்லி சென்ற பாஜக மாநில தலைவர் நயினார் நாகேந்திரன், பாஜக தேசிய தலைவர் ஜே.பி.நட்டாவை சந்தித்து பேசியுள்ளார்.
அதன்பின்னர் தமிழகம் திரும்பிய நயினார் நகேந்திரன், விழுப்புரத்தில் அதிமுக முன்னாள் அமைச்சர் சி.வி.சண்முகத்தை சந்தித்து பேசியுள்ளார். இதனையடுத்து, தற்போது சி.வி.சண்முகம் பாமக தலைவர் டாக்டர் ராமதாசை சந்தித்து பேசியுள்ளார். பாமகவுடன் விரைவில் கூட்டணி பேச்சுவார்த்தை தொடங்கும் என நயினார் நாகேந்திரன் கூறியிருந்த நிலையில், பாமக நிறுவனர் டாக்டர் ராமதாஸ் மற்றும் அதிமுக எம்.பி. சிவி சண்முகம் சந்திப்பு நடந்துள்ளது. இவர்களின் சந்திப்பு அரசியல் வட்டாரத்தில் தற்போது பரபரப்பை ஏற்படுத்தியுள்ளது.
சமீபத்திய செய்திகள்
மதுராந்தகம், தாராபுரம் சட்டசபைத் தொகுதிகளுக்கு அக்டோபர்6ல் இடைத் தேர்தல்
தமிழக சட்டசபையில் காரசார விவாதம்: திமுக.,வின் அமளிக்கு இடையே முதல்வர் விஜய் ஆவேச பதிலுரை
முதல்வர் விஜய் உரைக்கு எதிர்ப்பு தெரிவித்து திமுக எம்.எல்.ஏ-க்கள் தர்ணா... வெளிநடப்பு
ரீல்ஸ்க்காக மட்டுமே பேச்சு...சபாநாயகர், முதல்வர் மீது உதயநிதி கடும் விமர்சனம்
திமுக முன்னாள் அமைச்சர் கே.என்.நேரு மீது லஞ்ச ஒழிப்புத்துறை FIR பதிவு
மக்கு மக்கு நான் மட்டும் .. ஒனக்கு ரொம்ப தொக்கு தொக்கு!
இந்தப் பூ நிலா! ஒரு பொன் நிலா! வா நிலா! என் தேன் நிலா!
இனிப்புடன் வந்தார்.. ஆசி பெற்றார்.. முன்னாள் மாணவர் குறித்து நெகிழ்ந்த ஆசிரியர்!
சிந்தனைச் சிதறல்.. உள்ளிருந்து முந்தி உந்தும் எந்த ஒன்றும் நம்மை முன்னோக்கி உயர்த்தும்!
{{comments.comment}}