கே.டி.ராகவன் புது வீட்டில் அண்ணாமலை.. சுற்றிப் பார்த்து ஹேப்பி!

May 21, 2023,10:49 AM IST

சென்னை: பாஜக பிரமுகர் கே.டி. ராகவன் புதிய வீட்டின் கிரகப் பிரவேச நிகழ்ச்சியில் தமிழ்நாடு பாஜக தலைவர் அண்ணாமலை கலந்து கொண்டு வீட்டை சுற்றிப் பார்த்து விட்டு வாழ்த்தினார்.

தமிழ்நாடு பாஜகவின் முன்னாள் பொதுச் செயலாளர்தான் கே.டி.ராகவன். ஒரு காலத்தில் டிவி விவாதங்கள் முதற்கொண்டு கே.டி.ராகவன்தான் முதன்மையாக இருப்பார். ஆனால் அண்ணாமலை வந்த பிறகு எல்லாமே தலைகீழாக மாறி விட்டது. அவரது ஆபாச வீடியோ வெளியாகி பெரும் பரபரப்பையும், சலசலப்பையும் ஏற்படுத்தியது.

இந்த சம்பவத்திற்குப் பிறகு அப்படியே ஒதுங்கி விட்டார் கே.டி.ராகவன். பாஜகவுக்குள் நடந்த உள்ளடி வேலைகளே ராகவன் வீடியோவுக்குக் காரணம் என்றும் பரபரப்பு கிளம்பியது. கே.டி.ராகவன் விவகாரம் தொடர்பாக விசாரிக்க கமிட்டியெல்லாம் கூட அமைக்கப்பட்டது. ஆனால் அது என்ன ஆனது என்று இதுவரை தெரியவில்லை.

இந்த நிலையில் கே.டி.ராகவன் புதிதாக வீடு கட்டியுள்ளார். அதன் கிரகப்பிரவேசம் நடந்தது. இதில் முக்கிய அழைப்பாளராக அண்ணாமலை கலந்து கொண்டார். கிரகப்பிரவேச விழாவுக்கு வந்த அண்ணாமலை வீடு முழுவதையும் சுற்றிப் பார்த்தார். பூஜை அறை முதல் அனைத்து அறைகளையும் அவருக்கு கே.டி.ராகவன் சுற்றிக் காட்டினார். வீட்டைச் சுற்றிப் பார்த்து விட்டு சிறப்பாக இருப்பதாக அண்ணாமலை பாராட்டினாராம்.

இதுதொடர்பான புகைப்படங்களை அண்ணாமலை தனது டிவிட்டர் பக்கத்தில் போட்டுள்ளார். அதற்கு கே.டி.ராகவனும் மகிழ்ச்சி தெரிவித்துள்ளார். இந்த கிரகப்பிரவேசம் மூலம் அண்ணாமலைக்கும், கே.டி.ராகவனுக்கும் இடையே இருந்த மனப்பூசல் நீங்கி விட்டதாகவும் பாஜக உள் வட்டாரத் தகவல்கள் தெரிவிக்கின்றன.

விரைவில் கே.டி.ராகவனை டிவி விவாதங்களில் பாஜக சார்பாக பார்க்கலாம் என்று நம்புவோம்.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

சென்னையில் நாளை தவெக எம்.எல்.ஏ.க்களுடன் முதல்வர் விஜய் அவசர ஆலோசனை

இரும்புக்கரம் கொண்டு அடக்குவாரா விஜய்? இனியும் சுதாரிக்காவிட்டால் தவெக அரசுக்கு சிக்கல்!

ரூ.400 கோடி லஞ்ச வழக்கு : திமுக முன்னாள் அமைச்சர் அன்பில் மகேஷின் ஜாமீன் மனு தள்ளுபடி

தமிழக அரசு வங்கிக் கணக்கில் ரூ.22 கோடி ஆன்லைன் திருட்டு: சைபர் குற்றப்பிரிவு தீவிர விசாரணை!

பெண் ஆட்சியருக்கு ஆபாச எஸ்எம்எஸ் அனுப்பினேனா?: தவெக எம்எல்ஏ அருள் விக்னேஷ் மறுப்பு

இந்திய விடுதலைப் போராட்டத்தில் மறைக்கப்பட்ட தென்மாவட்டப் பெண்களின் பங்கு!

நவம்பர் 13ல் உருவாகிறது தென்கிழக்கு வங்கக்கடலில் புதிய காற்றழுத்த தாழ்வுப் பகுதி

"ஓ... மேடமுக்கு கோபம் வந்திருச்சா".. அழாதே அனாமிகா (2)

கந்தசஷ்டி விரதம் எப்படித் தோன்றியது தெரியுமா?