டெல்லி: ஆசியா கோப்பைக் கிரிக்கெட் தொடரில் இந்தியா பாகிஸ்தான் இடையே நடந்த போட்டியின்போது பாகிஸ்தான் கிரிக்கெட் வீரர் ஹாரிஸ் ராஃப்,  துப்பாக்கியால் சுடுவது போல சைகை செய்த செயலுக்கு இந்திய கிரிக்கெட் வாரியம் கடும் கண்டனம் தெரிவித்துள்ளது.

2025 ஆசிய கோப்பையில் இந்தியா பாகிஸ்தானை இரண்டு முறை வீழ்த்தியது. குரூப் போட்டியில் 7 விக்கெட் வித்தியாசத்திலும், சூப்பர் ஃபோர் போட்டியில் 6 விக்கெட் வித்தியாசத்திலும் வெற்றி பெற்றது. சூப்பர் ஃபோர் போட்டியில் இந்தியா வெற்றி பெற்றாலும், பாகிஸ்தான் வீரர்களின் சில செயல்கள் சர்ச்சையை ஏற்படுத்தின. குறிப்பாக சாகிப்ஸாதா ஃபர்ஹான் அரை சதம் அடித்த பிறகு, தனது பேட்டை துப்பாக்கி போல் காட்டி சுடுவது போல் செய்தார். ஹாரிஸ் ராஃப் இந்திய ரசிகர்களை ஜெட் விமானத்தை கீழே இறக்குவது போல் சைகை செய்து கேலி செய்தார். 

ஆபரேஷன் சிந்தூர் சமயத்தில் இந்திய விமானத்தை பாகிஸ்தான் சுட்டு வீழ்த்தியதாக பொய் சொன்னதை இது குறித்தது. இதனால் ரசிகர்கள் கோபமடைந்தனர். BCCI எனப்படும் இந்திய கிரிக்கெட் கட்டுப்பாட்டு வாரியம் இதில் தலையிட்டுள்ளது. ஹாரிஸ் ராஃப் மற்றும் சாகிப்ஸாதா ஃபர்ஹான் ஆகியோரின் செயல்கள் குறித்து பிசிசிஐ புகார் தெரிவித்துள்ளது.

ஆசிய கோப்பை சூப்பர் ஃபோர் போட்டியில் பாகிஸ்தான் அணி முதலில் பேட்டிங் செய்தது. தொடக்கத்தில் அதிரடியாக விளையாடி 10 ஓவர்களில் 91 ரன்கள் எடுத்தது. ஆனால், சாகிப்ஸாதா ஃபர்ஹான் ஆட்டமிழந்த பிறகு, அவர்களால் பெரிய ஸ்கோர் அடிக்க முடியவில்லை. இந்திய பந்துவீச்சாளர்கள் சிறப்பாக பந்து வீசி பாகிஸ்தான் வீரர்களை கட்டுப்படுத்தினர். பாகிஸ்தான் அணி 160 ரன்களுக்குள் சுருண்டு இருக்கும். ஆனால், ஃபஹீம் அஷ்ரஃப் 8 பந்துகளில் 20 ரன்கள் எடுத்ததால் 170 ரன்களை தாண்டியது.

பின்னர் விளையாடிய இந்திய அணியின் தொடக்க ஆட்டக்காரர்களான அபிஷேக் ஷர்மா மற்றும் சுப்மன் கில் அதிரடியாக விளையாடி முதல் விக்கெட்டுக்கு 105 ரன்கள் சேர்த்தனர். சுப்மன் கில் அரை சதம் அடிக்க தவறினார். அபிஷேக் ஷர்மா 74 ரன்கள் எடுத்து இந்திய அணியை வெற்றிக்கு அழைத்துச் சென்றார். இடையில் சில விக்கெட்டுகள் விழுந்தாலும், திலக் வர்மா அதிரடியாக விளையாடி அணியை வெற்றி பெறச் செய்தார். இந்தியா 6 விக்கெட் வித்தியாசத்தில் வெற்றி பெற்றது.

சாகிப்ஸாதா ஃபர்ஹான் அரை சதம் அடித்த பிறகு பேட்டை துப்பாக்கி போல் காட்டியது சர்ச்சையை ஏற்படுத்தியது. இது குறித்து அவர் கூறுகையில், "நான் வேண்டுமென்று யாரையும் புண்படுத்தும் நோக்கத்தில் செய்யவில்லை. அது ஒரு விளையாட்டுத்தனமான செயல்" என்றார்.

ஹாரிஸ் ராஃப் இந்திய ரசிகர்களை ஜெட் விமானத்தை கீழே இறக்குவது போல் சைகை செய்து கேலி செய்தது மேலும் சர்ச்சையை கிளப்பியது. இது குறித்து அவர் கூறுகையில், "ரசிகர்கள் என்னை தவறாக புரிந்து கொண்டுவிட்டார்கள். நான் யாரையும் அவமதிக்க நினைக்கவில்லை" என்றார்.

BCCI இந்த சம்பவத்தை தீவிரமாக எடுத்துக்கொண்டுள்ளது. இது குறித்து BCCI அதிகாரி ஒருவர் கூறுகையில், "இதுபோன்ற செயல்களை நாங்கள் அனுமதிக்க மாட்டோம். வீரர்கள் மைதானத்தில் கண்ணியமாக நடந்து கொள்ள வேண்டும்" என்றார்.

இந்த சம்பவங்கள் கிரிக்கெட் உலகில் பெரும் பரபரப்பை ஏற்படுத்தியுள்ளது. வீரர்கள் இதுபோன்ற செயல்களில் ஈடுபடுவதை தவிர்க்க வேண்டும் என்று பலரும் கருத்து தெரிவித்து வருகின்றனர்.