பொங்கலோ பொங்கல் என்றுரத்துக் கூவிட.. கிண்டிடக் கிண்டிடக்.. குலவையிட்டு!
- வனஜா
தீமையைப் போக்கி
தூய்மையைத் தேக்கி
வன்மையைப் போக்கி
நன்மையைத் தேக்கி
சுயநலம் போக்கி
பொதுநலம் ஆக்கி
மன அன்பினை தேக்கி
இன வம்பினை போக்கி
செல் போனை சுருக்கி
சொந்தங்கள் பெருக்கி
மனித மனங்களின்
மாசினை எல்லாம் தூசு போல் போக்கிட வந்த
போக்கி திருநாளே
போக்கி என்பதே எதிர்மறை என்று
போக்கில் உள்ள க்
கினைப் போக்கி
போகியாய்
ஆகிய இத்திருநாளில்
இன்று புதிதாய் பிறந்தோமடா
என்று இனிதாய்
மொழிவாயடா
இது என் ஊரென
உவகை கொண்டு
புது மண் பானையில்
தண்ணீர் கொண்டு
பாலுடன் அரிசியைப் பாங்குடன் இட்டு
உள்ளம் சிலிர்க்க வெல்லம் கலந்து
ஒதுங்கிக் கிடந்த
உறவுகள் கூடிட
பொங்கலோ
பொங்கல் என்றுரத்துக் கூவிட
கிண்டிடக் கிண்டிடக்
குலவையிட்டு கண்
கண்டிடக் கண்டிடக்
களிப்பினைத் தருமே.
தை திருநாளாம் தமிழர் பொங்கல்.
எட்டுப் பட்டியும்
முட்டிட அதிரும்
துள்ளி குதிக்கும்
ஜல்லிக் கட்டிணைத்
தள்ளி தள்ளி நின்று பாராது
கொம்பிடைப் பட்டும் குருதி வழியினும்
நெஞ்சிடை அச்சம்
ஏதுமின்றியே
எம் படைத் தமிழன்
பாய்ந்து ஓடிடும்
மாட்டுப்பொங்கல்
எனும் மகத்தான திருநாள்
எம் தமிழருக்கே
உரிய தனித் திருநாள்
முத்தான இம்மூன்று திருநாளும் தை
மாதத்து சொத்தாம்
எமக்கு.
உணவுக்கு வித்தான இவ்வுழவர் திருநாளை
புத்தாடை கட்டி குலவையிட்டு
குதூகலிப்போம்
பொங்கலோ
பொங்கல்
பொங்கலோ
பொங்கல்
சமீபத்திய செய்திகள்
ஆகஸ்ட் முதல் வாரத்தில் தவெக அரசின் முதல் பட்ஜெட் : முழுவீச்சில் தீவிரமாக நடக்கும் பணிகள்!
Vikram 1: விக்ரம் -1 ராக்கெட் வெற்றிகரமாக ஏவப்பட்டது.. இந்தியாவின் முதல் தனியார் ராக்கெட்!
மேகதாது அணை விவகாரம்: மக்களவையில் திமுக ஒத்திவைப்புத் தீர்மான நோட்டீஸ்!
கண்டிகை அரசுப் பள்ளியில் "Language Expo 2026".. ஆங்கில மொழித் திருவிழா கோலாகலம்!
பழனி கோயில் நில மோசடி: 3-ஆவது நாளாக சிபிசிஐடி அதிரடி சோதனை
தமிழ்நாடு நாள்: தமிழின் இனிமையும் பண்பாடும் தலைமுறை கடந்தும் தழைத்தோங்கும்.. முதல்வர் விஜய்
நான் என்னுடைய சுய கணக்கெடுப்பை முடித்து விட்டேன்.. வீடியோ வெளியிட்ட முதல்வர் விஜய்
Census: தமிழகத்தில் ஆகஸ்ட் 1 முதல் முதற்கட்ட மக்கள்தொகை கணக்கெடுப்பு.. ஆன்லைனிலும் சமர்ப்பிக்கலாம்!
ரோஹித் சர்மா ஓய்வு பெற நிர்ப்பந்தமா.. உண்மையில் என்னதான் நடக்கிறது?
{{comments.comment}}