நாம் வயதாகும்போது, சில விஷயங்களை இயல்பாகவே மறந்துவிடுகிறோம். மறந்து போவதைத் தவிர்க்க, நம் உணவில் கண்டிப்பாக மாற்றங்களைச் செய்ய வேண்டும். 60 வயதுக்கு மேல் இருந்தாலும், நம் மூளை 20 வயது இளைஞனைப் போல செயல்பட வேண்டுமென்றால், சில வகையான உணவுகளை நம் உணவில் சேர்க்க வேண்டும். குறிப்பாக, தினமும் ஒரு கைப்பிடி கொட்டைகளை .. பருத்திக் கொட்டை அல்ல.. நட்ஸ்.. சாப்பிட வேண்டும். இவற்றை சாப்பிடுவதால் நிறைய நன்மைகள் இருக்குங்க.

பாதாம் மற்றும் ஹேசல்நட்ஸ்: வைட்டமின் ஈ மூளை ஆரோக்கியத்திற்கு மிகவும் நல்லது. வைட்டமின் ஈ தொடர்ந்து எடுத்துக்கொள்பவர்களின் மூளை மிகவும் சுறுசுறுப்பாக வேலை செய்கிறது. நீங்கள் வயதானவராக இருந்தாலும், உங்கள் மூளை இளமையாகவே இருக்கும். இந்த வைட்டமின் ஈ-க்கு, நாம் தொடர்ந்து பாதாம் மற்றும் ஹேசல்நட்ஸை உட்கொள்ள வேண்டும். இவை உங்கள் நினைவாற்றலை மேம்படுத்தவும் உதவுகின்றன.

வால்நட்ஸ்: ஒமேகா-3 கொழுப்பு அமிலங்கள் நமது ஆரோக்கியத்திற்கு மிகவும் முக்கியம். ஒமேகா-3 கொழுப்பு அமிலங்கள் நிறைந்த வால்நட்ஸை ஒரு நாளைக்கு இரண்டு முறையாவது சாப்பிட வேண்டும். அவை பார்ப்பதற்கு மூளையைப் போலவே உள்ளன. அவை நமது மூளை செல்களின் செயல்பாட்டை மேம்படுத்தவும் உதவுகின்றன. மேலும், பாதாம் மற்றும் பிஸ்தா போன்ற நட்ஸ், மூளை வீக்கத்தைக் குறைக்கும் ஆக்ஸிஜனேற்றிகளில் நிறைந்துள்ளன.

முந்திரி: முந்திரி பருப்பில் மெக்னீசியம் நிறைந்துள்ளது. இது மூளையின் ஆரோக்கியத்தை மேம்படுத்துவதில் மிகவும் உதவியாக இருக்கும். முந்திரி பருப்பில் உள்ள மெக்னீசியம் மன அழுத்தம் மற்றும் மனநிலை மாற்றங்கள் தொடர்பான நரம்பியல் கடத்திகளை ஒழுங்குபடுத்த உதவுகிறது.

வேர்க்கடலை: வைட்டமின் பி வெறும் ஆற்றலுக்காக மட்டுமே என்று பலர் நம்புகிறார்கள், ஆனால் அவை உண்மையில் நியூரோட்ரான்ஸ்மிட்டர்களை உருவாக்குகின்றன. வேர்க்கடலையில் இந்த வைட்டமின் பி நமக்கு ஏராளமாக கிடைக்கிறது.

பாதாம்: டிரிப்டோபன் என்பது மகிழ்ச்சியின் ஹார்மோன். பாதாமில் இந்த ஹார்மோன் நிறைந்துள்ளது. பாதாமில் காணப்படும் டிரிப்டோபன் கலவை செரோடோனின் என்ற ஹார்மோனின் மூலமாகும். இது மன அமைதியைக் கொண்டுவர உதவுகிறது.

நட்ஸ்களில் கார்போஹைட்ரேட்டுகள் நிறைந்துள்ளன. ஆனால், அவை மிக மெதுவாக வெளியிடப்படுகின்றன. எனவே.. நாம் நாள் முழுவதும் சுறுசுறுப்பாக உணர்கிறோம். இது நாள் முழுவதும் நம்மை சோர்வடையாமல் தடுக்கிறது. நாம் சோம்பலாக உணராமல் இது பார்த்துக் கொள்கிறது. அதனால்தான், ஒவ்வொரு நாளும் ஒரு கைப்பிடி அளவு அனைத்து வகையான கொட்டைகளையும் எடுத்துக்கொள்ள வேண்டும்.