டிவிட்டரை என்ன செய்யப் போகிறார் எலான் மஸ்க்.. குண்டைப் போட்ட டிவீட்!

Jul 23, 2023,11:04 AM IST

சென்னை: விரைவில் எல்லாம் போகப் போகிறது என்று டிவிட்டர் உரிமையாளர் எலான் மஸ்க் போட்ட டிவீட்டால் பரபரப்பாகியுள்ளது. டிவிட்டரின் பெயர், லோகோ உள்ளிட்ட எல்லாவற்றையும் மாற்றப் போகிறாரா என்ற எதிர்பார்ப்பு அதிகரித்துள்ளது.

விடிஞ்சு எழுந்து வந்தா இந்தாளு என்ன பண்ண வச்சிருக்கிறோரோன்னுதான் ஒரே அக்கப்போரா இருக்கு என்று டிவிட்டரைப் பயன்படுத்துபவர்களை தொடர்ந்து புலம்ப வைத்து வருகிறார் எலான் மஸ்க். டிவிட்டரை வாங்கியது முதலே குழப்பியடித்தபடி இருக்கிறார் மஸ்க்.

ஆயிரக்கணக்கான ஊழியர்களை வேலையை விட்டு தூக்கினார். சிஇஓவை தூக்கி அடித்தார். ப்ளூ டிக்குக்கு இனிமேல் காசு கட்டணும் என்றார்.. இடையில் டிவிட்டரின் லோகோவை நாய்க்குட்டியாக மாற்றினார்.. பிறகு மீண்டும் பறவை லோகோவை கொண்டு வந்தார்.. டிவீட்டுகளைப் பார்க்கவும் கட்டுப்பாடு கொண்டு வந்தார். தொடர்ந்து ஏதாவது செய்தபடியே இருக்கிறார்.

இவர் இப்படிச் சொதப்பிக் கொண்டே இருப்பதால் டிவிட்டரின் வருமானம் பெரும் அடி வாங்கியுள்ளது. விளம்பர வருவாய் பாதியாக குறைந்து போய் விட்டதாகவும், டிவிட்டர் நஷ்டத்தில் இருப்பதாகவும் அவரே புலம்பும் நிலைக்குப் போய் விட்டது.

இந்த நிலையில் இப்போது அவர் போட்டுள்ள டிவீட் மீண்டும் பரபரப்பை ஏற்படுத்தியுள்ளது. "விரைவில் டிவிட்டர் பிராண்ட்டுக்கு குட்பை சொல்வோம்.. படிப்படியாக எல்லாப் பறவைகளும் போய் விடும்" என்று அவர் போட்டுள்ள டிவீட் பரபரப்பைக் கூட்டியுள்ளது. அதேபோல இன்னொரு டிவீட்டில், எக்ஸ் லோகோ நன்றாக இருந்தால், அது நாளை உலகம் முழுவதும் அமலுக்கு கொண்டு வரப்படும் என்று கூறியுள்ளார் எலான் மஸ்க்.

ஸோ, எலான் மஸ்க் டிவிட்டரை காலி செய்து விட்டு தனது நீண்ட நாள் கனவான எக்ஸை கொண்டு வரத் திட்டமிட்டுள்ளதாக கருதப்படுகிறது. எக்ஸ் என்பது அவர் நீண்டநாளாக சொல்லிக் கொண்டுள்ள ஆப்தான். புதிய டிவிட்டர் சிஇஓவாக லின்டா யாக்கரினோவை அவர் அறிமுகம் செய்தபோது கூட, டிவிட்டரை எக்ஸ் ஆக மாற்றும் மிகப் பெரிய பணியை லின்டா சிறப்பாக செய்வார் என்று நம்புகிறேன் என்றுதான் கூறியிருந்தார் மஸ்க் என்பது நினைவிருக்கலாம்.

இவர் டிவிட்டரை வாங்கியதே கூட எக்ஸ் ஆப்பை உருவாக்கி அமலுக்குக் கொண்டு வரத்தான் என்றும் கூறப்படுகிறது. தற்போது போட்டுள்ள டிவீட்டுகளைப் பார்க்கும்போது டிவிட்டருக்கு மூடு விழா காண மஸ்க் முடிவு செய்து விட்டதாக தெரிகிறது. அதை மூடி விட்டு அல்லது அதை மாற்றி விட்டு எக்ஸ் செயலியை அவர் அறிமுகப்படுத்தலாம் என்று தெரிகிறது.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

இந்தியாவுக்கும், பாகிஸ்தானுக்கும் இடையே முழு அளவிலான போர் மூண்டால் என்னாகும்?

தவெகவின் பூத் கமிட்டி மாநாட்டில்.. கலந்து கொள்வதற்காக சென்னையிலிருந்து புறப்பட்டார்.. விஜய்!

முட்டி மோதிய சென்னை சூப்பர் கிங்ஸ்.. மீண்டும் தோல்வி.. தட்டித் தூக்கிய ஹைதராபாத்!

ஆளுநர் ஆர். என். ரவி.. பாஜக தலைவராக வந்து அரசியல் செய்யலாமே.. அமைச்சர் கோவி. செழியன்

துணைவேந்தர்களுக்கு மிரட்டல்.. முதல்வர் ஸ்டாலின் அச்சப்படுகிறாரா.. ஆளுநர் ஆர். என். ரவி கேள்வி

ஏ.ஆர்.ரஹ்மான் மீது காப்புரிமை வழக்கு... ரூ.2 கோடி செலுத்த டெல்லி உயர்நீதிமன்றம் உத்தரவு!

பாகிஸ்தானியர்களை வெளியேற்றுங்கள்.. மாநில அரசுகளுக்கு மத்திய அமைச்சர் அமித்ஷா அறிவுறுத்தல்!

ஒரு வருஷத்துக்கு முன்பு என்னைப் புகழ்ந்தவர்களா இவர்கள்??.. ஒலிம்பியன் நீரஜ்சோப்ரா பெரும் வேதனை!

எல்லைக் கட்டுப்பாட்டுக் கோட்டுப் பகுதியில்.. துப்பாக்கிச் சூட்டில் இறங்கிய பாக்.. இந்தியா பதிலடி