உழவனின் உயிர் நண்பன்!
- ந.மகாலட்சுமி
அதிகாலைப் பனியில் நனைந்து - நம்
அகிலம் செழிக்க உழைத்தாயே!
பேசும் மொழி உனக்கு இல்லை - ஆனாலும்
பெருமிதம் கொள்ள வைத்தாயே!
கொம்புகளைச் சீவி, வண்ணம் பூசி
குங்குமப் பொட்டும் உனக்கு வைத்தோம்!
உழைப்பால் உயர்ந்த உழவன் நாங்கள்
உயிராய் உன்னைப் போற்றுகிறோம்!
நன்றி நவில்தல்
சேற்றில் கால் வைத்தால்தான் - சோற்றில்
கை வைக்க முடியும் என்பார்கள்!
அந்தச் சேற்றில் உன்னோடு உழைத்தவன் நான் - இன்று
சிரித்து மகிழக் காரணமும் நீதான்!
வண்டி இழுக்கும் வலிமையும் நீ...
வாழ்க்கை செழிக்க வைக்கும் செல்வமும் நீ...
இன்று ஒரு நாள் மட்டும் அல்ல - என்றும்
எங்கள் குடும்பத்தின் உறுப்பினரே!
உழவின் ஆதாரம்
மண்ணின் வாசம் உன் மூச்சில்...
கதிரவன் எழுமுன்னே களம் புகுந்து
கன்னிக் காடு களை எடுத்தாய்!
முள் முனையும் தைக்காத உடல் கொண்டு
முழு உலகிற்கும் சோறு படைத்தாய்!
தியாகத்தின் அடையாளம் நீ...
சுட்டெரிக்கும் வெயிலையும் பொருட்படுத்தாது
சுமை சுமக்கும் தோள்கள் உனது!
சொந்தப் பிள்ளையாய் உன்னைப் பாவித்து
சொக்கப்பனை போலக் காப்போம் உனது நலத்தை!
வண்ணக் கோலமும் திருவிழாவும்...
வண்ணம் தீட்டிய கூர்மையான கொம்புகள்,
கழுத்தில் கலகலக்கும் வெண்கல மணிகள்,
நெற்றியில் வைத்த சந்தனப் பொட்டு - இன்று
தேவதை போலத் தேருலாவாக நீ!
உழவன் என்பவன் ஒரு பாதி என்றால்
உயிர்த் துணை நீதான் மறு பாதி!
மாடு என்றால் வெறும் விலங்கல்ல - எங்கள்
வீடு காக்கும் குலதெய்வம்!
பொங்கல் பானை பொங்குவது போல்
உன் வாழ்வும் என்றும் பொங்கட்டும்!
உழைப்பால் உயர்ந்த
உழவர் குடும்பத்தில்
நீயும் ஒரு பிள்ளையாய் நிலைக்கட்டும்!
(ந.மகாலட்சுமி, ஆசிரியர், கவிஞர், எழுத்தாளர். இலக்கியத் துறையில் 50க்கும் மேற்பட்ட விருதுகள், பாராட்டுகள், பரிசுகளைப் பெற்றுள்ளார். பணியாற்றுவது, பூவிருந்தவல்லி, திருவள்ளூர் மாவட்டம்)
சமீபத்திய செய்திகள்
இனி கூட்டணியே தேவையில்லை.. திமுக தனித்துப் போட்டியிட வேண்டும்.. தொண்டர்கள் வலியுறுத்தல்
காங்கிரஸ் அணுகுமுறையால் திமுக கூட்டணிக்குத் தோல்வி.. திருமாவளவன் குற்றச்சாட்டு
பெண் சிங்கம்.. ராத்திரி 11 மணி.. தனி ஆளாய்.. மொத்த கும்பலையும் வேரறுத்த.. ரிதி ராஜ் ஐபிஎஸ்!
மீண்டும் போர் பதற்றம்: ஈரானிலிருந்து இந்தியர்கள் வெளியேற மத்திய அரசு அறிவுறுத்தல்!
மக்களின் குறை தீர்க்கும் தமிழ்நாடு அரசு.. முக்கிய இமெயில் முகவரிகள்.. நோட் பண்ணிக்கங்க!
முதல்வர் விஜயைச் சந்தித்து.. செஸ் விளையாடி.. ஜெயித்து வாழ்த்து பெற்றார் சாம்பியன் பிரக்ஞானந்தா!
தமிழ்நாடு மின் வாரிய ஹார்டு டிஸ்க் திருட்டு வழக்கு: சிபிசிஐடி-க்கு மாற்றி டிஜிபி உத்தரவு!
பா.ஜ.க-விலிருந்து விலகிய செய்தித் தொடர்பாளர் ஸ்ரீகாந்த் கருணேஷ்.. அண்ணாமலையுடன் இணைகிறாரா?
ராஜ்யசபா தேர்தல்: வேட்புமனுத் தாக்கலுக்கு இன்று கடைசி நாள்.. தவெக ஆதரவுடன் எம்.பி ஆகும் காங்.
{{comments.comment}}