- தி. மீரா

யுகாதி என்பது தென்னிந்தியாவில் கொண்டாடப்படும் முக்கியமான புத்தாண்டு பண்டிகை. குறிப்பாக ஆந்திரப் பிரதேசம், தெலுங்கானா, கர்நாடகா மாநிலங்களில் இது மிகவும் சிறப்பாகக் கொண்டாடப்படுகிறது. “யுகாதி” என்ற சொல் “யுகம் + ஆதி” என்று இரு சொற்களிலிருந்து வந்தது. 

அதாவது புதிய யுகத்தின் தொடக்கம் அல்லது புத்தாண்டின் ஆரம்பம் என்று பொருண்மையில்.மேலும் சந்திரனின் நிலையைக் கொண்டும்  இதை கணிக்கிறார்கள்.சூரியனிலிருந்து குறிப்பதைத் போல சந்திரனில் இருந்து கணித்து அமாவாசை வந்தாலே அடுத்த மாதம் எனக் கணக்கிடுவது தெலுங்கு கன்னடம் பேசுபவர்கள் வழக்கத்தில் உள்ளது. அந்த முறையில் புதிய யுகம் மாசி அமாவாசைக்குப் பிறகு தோன்றுவதே யுகாதி.

யுகாதியின் சிறப்புகள்

இது சந்திர மண்டலத்தை அடிப்படையாகக் கொண்ட புத்தாண்டு நாள். பொதுவாக மார்ச் – ஏப்ரல் மாதங்களில் வருகிறது. இந்த நாளிலிருந்து புதிய பஞ்சாங்கம் (வருடக் கணிப்பு) தொடங்குகிறது. மக்கள் வீடுகளை சுத்தம் செய்து மாமர இலைத் தோரணம் கட்டி அலங்கரிக்கிறார்கள்.

யுகாதி பச்சடி

இந்த நாளின் முக்கியமான பாரம்பரிய உணவு “யுகாதி பச்சடி”. இதில் 6 சுவைகள் இருக்கும்:

இனிப்பு (வெல்லம்), புளிப்பு (புளி), கசப்பு (வேப்பம்பூ), காரம் (மிளகாய்), உப்பு, துவர்ப்பு, 

இந்த ஆறு சுவைகள் வாழ்க்கையின் ஆறு உணர்வுகளை (மகிழ்ச்சி, துக்கம், கோபம், பயம், ஆச்சரியம், வெறுப்பு) குறிக்கிறது. வாழ்க்கையில் எல்லா அனுபவங்களையும் சமமாக ஏற்க வேண்டும் என்ற நல்ல கருத்தை இது சொல்லுகிறது.

எப்படிக் கொண்டாடுவது ?

காலையில் எண்ணெய் குளியல்

புதிய ஆடைகள் அணிதல்

கோவிலுக்கு செல்வது

பஞ்சாங்கம் கேட்பது (Panchanga Sravanam)

உறவினர்கள், நண்பர்களுடன் இனிப்புகள் பகிர்வு

யுகாதி என்பது புதிய தொடக்கம், நம்பிக்கை, வளம் ஆகியவற்றை குறிக்கும் பண்டிகை. அனைவருக்கும் யுகாதி புத்தாண்டு வாழ்த்துகள்.. புதிய வருடத்தில் உங்களது கனவுகள் அனைத்தும் நிறைவேறட்டும்.

(ஈரோட்டைச் சேர்ந்த பாவலர் முனைவர் தி. மீரா, ஆசிரியர், தென்தமிழுக்காக கட்டுரைகள், கவிதைகள் படைத்து வருகிறார், கிரியேட்டிவ் எழுத்தாளர்)