அபிஷேக் சர்மாவை இழந்தாலும்.. இஷான் கிஷன் அதிரடி பேட்டிங்கால் கெத்தாக ரன் குவிக்கும் இந்தியா!

Feb 15, 2026,06:59 PM IST

கொழும்பு: கொழும்பு பிரேமதாசா கிரிக்கெட மைதானத்தில் இந்தியா - பாகிஸ்தான் இடையிலான டி20 உலகக் கோப்பைப் போட்டி தொடங்கி விறுவிறுப்பாக நடந்து வருகிறது.

இந்திய அணி முதல் விக்கெட்டாக அபிஷேக் சர்மாவை இழந்தாலும் கூட, இஷான் கிஷன் அதிரடியாக ஆடி ரன்களைக் குவித்து வருகிறார். இந்தியா பவர் பிளேயில் ஒரு விக்கெட் இழப்புக்கு 52 ரன்களை எடுத்து ஸ்திரமான நிலையில் உள்ளது. இஷான் கிஷன் மற்றும் திலக் வர்மா ஆகியோர் களத்தில் உள்ளனர்.

முன்னதாக பாகிஸ்தான் கேப்டன் சல்மான் அலி ஆகா டாஸ் வென்று தனது அணி முதலில் பந்து வீச்சை மேற்கொள்ளும் என்று அறிவித்தார். இதையடுத்து இந்தியா முதலில் பேட் செய்து வருகிறது.

இந்திய அணியில் இரு முக்கிய மாற்றங்கள் செய்யப்பட்டுள்ளன. விக்கெட் கீப்பர் பேட்ஸ்மேன் சஞ்சு சாம்சனுக்கு பதிலாக அபிஷேக் சர்மா அணியில் சேர்க்கப்பட்டுள்ளார். அதேபோல வேகப்பந்து வீச்சாளர் அர்ஷ்தீப் சிங்கிற்கு பதிலாக சுழற்பந்து வீச்சாளர் குல்தீப் யாதவ் விளையாடுகிறார்.

முன்னதாக டாஸ் வென்ற பின்னர் பாகிஸ்தான் கேப்டன் சல்மான் ஆகா கூறுகையில், ஆடுகளம் ஆரம்பத்தில் வேகப்பந்து வீச்சாளர்களுக்கு சாதகமாக இருக்கும் என்பதால் முதலில் பந்துவீச முடிவு செய்தோம். மைதானத்தின் தன்மையை பயன்படுத்தி ஆரம்பத்திலேயே விக்கெட்டுகளை வீழ்த்த முயற்சிப்போம் என்றார்.

இந்திய கேப்டன் சூர்யகுமார் யாதவ் கூறுகையில், நாங்கள் முதலில் பேட்டிங் செய்யவே விரும்பினோம். கடந்த இரண்டு போட்டிகளிலும் நாங்கள் இலக்கை தற்காத்து வெற்றி பெற்றுள்ளோம், எனவே இந்த முடிவில் எங்களுக்கு மகிழ்ச்சியே என்றார்.

கை குலுக்கிக் கொள்ளாத கேப்டன்கள்

பரபரப்பான இந்தப் போட்டியில் டாஸின் போது இரு நாட்டு கேப்டன்களும் கைகுலுக்கிக் கொள்ளவில்லை என்பது குறிப்பிடத்தக்கது. கடந்த ஆண்டு ஆசிய கோப்பையின் போது ஏற்பட்ட சில சர்ச்சைகள் காரணமாக இந்தியா கடைபிடித்து வரும் கைகுலுக்க வேண்டாம் என்ற கொள்கையை இப்போட்டியிலும் இந்தியா தொடர்ந்துள்ளது.

இந்திய அணி விவரம்:

அபிஷேக் சர்மா, இஷான் கிஷன் (வி.கீ), திலக் வர்மா, சூர்யகுமார் யாதவ் (கேப்டன்), ஹர்திக் பாண்டியா, சிவம் துபே, ரிங்கு சிங், அக்சர் படேல், குல்தீப் யாதவ், வருண் சக்கரவர்த்தி, ஜஸ்பிரித் பும்ரா.

செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்

சமீபத்திய செய்திகள்

பாகிஸ்தான் பந்து வீச்சை வச்சு செய்த இஷான் கிஷன் அவுட்.. ஆனாலும் இந்தியா ஸ்டிராங்!

அபிஷேக் சர்மாவை இழந்தாலும்.. இஷான் கிஷன் அதிரடி பேட்டிங்கால் கெத்தாக ரன் குவிக்கும் இந்தியா!

நவி மும்பை தமிழ் சங்க பொன்விழா.. விஜய் டிவி ஸ்டார்களின் இசை மழையில் நனைந்த ரசிகர்கள்!

அனல் பறக்கப் போகும் இந்தியா vs பாகிஸ்தான் மோதல்.. கொழும்பு டி20 போட்டியில் மழை குறுக்கிடுமா?

அற்புதங்கள் நிறைந்த .. சதுரகிரி சுந்தர மகாலிங்கம்‌ கோவில் மலைப்பயணம்!

Maha Shivaratri 2026.. இருள் நீங்கும் நேரம்.. மகா சிவராத்திரி!

சிவராத்திரி திருவருள் நாயகனே..... சிங்கார வேலனின் தந்தையே....!

கூட்டணி ஆட்சி பற்றி இனி யாரும் கேட்க மாட்டார்கள்...என்ன ஆர்.எஸ்.பாரதி இப்படி சொல்லிட்டார்?

தமிழில் உரையாற்ற முடியவில்லை என்பதற்காக மன்னிப்பு கேட்கிறேன்: மத்திய அமைச்சர் அமித்ஷா

அபிஷேக் சர்மாவை இழந்தாலும்.. இஷான் கிஷன் அதிரடி பேட்டிங்கால் கெத்தாக ரன் குவிக்கும் இந்தியா!

Comments

சமீபத்திய செய்திகள்

அதிகம் பார்க்கும் செய்திகள்