துரோகம்!

Su.tha Arivalagan

Aug 12, 2026,01:12 PM IST

- கவி கலை

துரத்திக் குத்தினாலும்

துயரென எண்ணாமல்

துரிதமாய் உதவிடு.

தவறின்றித் துப்பினாலும்

தயங்காமல் துடைத்து

தவமாய் முகம் கொடு .

பகைவன் பகைத்தாலும்

பாரமாய் இருந்தாலும்

பக்குவமாய் பயணப்படு.

நேருக்கு நேர் இகழும்

நேர்மையான மனிதரை

நேர்த்தியாக ஏற்றிடு .

தோள் மீது சாய்ந்து

தோலுரிக்கும் துரோகம்

தொடராமல் காத்திடு.

(சொ.கலையரசி, மதுரை மாவட்டம் வாடிப்பட்டியைச் சேர்ந்தவர். தாய் CBSE பள்ளி வேதியியல் ஆசிரியையாக 3 ஆண்டுகள் பணிபுரிந்து வருகிறார். கடந்த இரண்டு ஆண்டுகளாக "எழுதுக" என்னும் புத்தகம் எழுதும் இயக்கத்தோடு இணைந்து எழுத்துப்பணியாற்றி வருகிறார். 1. புழுதிமண் கவிதைத்தொகுப்பு, 2. உடைந்தும் உருவெடு குறுநாவல் என இரு நூல்களைப் படைத்துள்ளார். இறையன்பு IAS முன்னிலையில் அவை வெளியிடப்பட்டன.)