"நாளை நமதே" புகழ் நடிகர் சந்திரமோகன் மரணம்!
ஹைதராபாத்: நாளை நமதே படம் மூலம் பிரபலமான தெலுங்கு நடிகர் சந்திரமோகன் இன்று மரணமடைந்தார்
அவருக்கு வயது 82. ஹைதராபாத்தில் உள்ள அப்பல்லோ மருத்துவமனையில் மாரடைப்பு காரணமாக அனுமதிக்கப்பட்ட அவர் அங்கு மரணத்தைத் தழுவினார்.
ரங்குல ரத்தினம் என்ற படம் மூலமாக 1966ம் ஆண்டு தெலுங்கு சினிமாவில் அறிமுகமானார் சந்திரமோகன். அந்தப் படம் அவருக்கு சிறந்த நடிகருக்கான நந்தி விருதை பெற்றுக் கொடுத்தது.
தொடர்ந்து பதஹரெல்ல வயசு, ஸ்ரீ ஸ்ரீ முவ்வா உள்ளிட்ட படங்கள் அவருக்கு சிறந்த நடிகருக்கான பிலிம்பேர் விருதுகளை பெற்றுக் கொடுத்தது. ஏகப்பட்ட விருதுகளை வாங்கிய தெலுங்கு நடிகர் சந்திரமோகன்.
ஆரம்பத்தில் ஹீரோவாக வலம் வந்த அவர் பின்னர் காமெடியனாக, குணச்சித்திர கதாபாத்திரங்களில் பின்னர் நடிக்க ஆரம்பித்தார். தமிழிலும் இவர் நாளை நமதே படத்தில் நடித்துள்ளார். அதில் எம்ஜிஆரின் தம்பியாக நடித்துள்ளார் சந்திரமோகன்.
1975ம் ஆண்டு வெளியான நாளை நமதே படமானது, இந்தியில் வெளியாகி மிகப் பெரிய வெற்றியைப் பெற்ற யாதோங்கி பாரத் படத்தின் ரீமேக் ஆகும். தமிழில் எம்ஜிஆர் இரட்டை வேடங்களில் நடிக்க அவரது தம்பியாக சந்திரமோகன் நடித்திருந்தார். இந்த ரோலில் தான்தான் முதலில் நடிக்கவிருந்ததாகவும், பின்னர் இந்த வாய்ப்பை துரதிர்ஷ்டவசமாக இழந்து விட்டதாகவும் ஒருமுறை கமல்ஹாசன் கூறியிருந்தார். இந்தப் படத்தில் வரும் நாளை நமதே பாடல் மிகப் பிரபலமானது. இன்று வரை அதன் பிரபல்யம் குறையவில்லை என்பதும் குறிப்பிடத்தக்கது.
தமிழில் ஸ்ரீபிரியா தயாரித்து நடித்த நீயா படத்திலும் சந்திரமோகன் நடித்துள்ளார். அதில் இச்சாதாரி பாம்பாக அவர் வருவார். மறைந்த நடிகர் சரத் பாபுவுக்கு மிக நெருக்கமானவரான இவர், அவர் உடல் நலம் பாதிக்கப்பட்ட சமயத்தில் நிறைய உதவிகள் செய்தவர் என்று கூறப்படுகிறது. மொத்தம் 932 படங்களில் சந்திரமோகன் நடித்துள்ளார்.
சமீபத்திய செய்திகள்
பஹல்காம் தாக்குதல்: நாடாளுமன்ற சிறப்பு கூட்டத்தை கூட்ட மல்லிகார்ஜுன் கார்கே கோரிக்கை
பஹல்காமில் நடந்த பயங்கரவாத தாக்குதல்.. ஜிப்லைனில் பயணித்தவரின் பரபரப்பு வீடியோ!
கனடாவில் லிபரல் கட்சி தனிப்பெரும் கட்சியாக உருவெடுத்தது.. கூட்டணி ஆட்சியமைக்கும்.. பிரதமர் கார்னி
கடலில் விழுந்து மூழ்கிய.. பல கோடி ரூபாய் மதிப்பிலான அமெரிக்க போர் விமானம்.. 2 வீரர்கள் மீட்பு!
பஹல்காம் தாக்குதல் எதிரொலி.. பயணிகள் பாதுகாப்புக்கு அச்சுறுத்தல்.. காஷ்மீரில் 48 ரிசார்ட்டுகள் மூடல்
பொறுத்தார் பூமிஆள்வார்.. விடா முயற்சியே வெற்றிக்கு வழிகாட்டி.. கலாம் சொல்வதும் அதுதான்
அட்சய திருதியை முன்னிட்டு.. தங்கத்தின் விலை மீண்டும் சற்று உயர்வு.. வாடிக்கையாளர்கள் அதிருப்தி..!
தமிழ்நாட்டில்.. இன்று வெயில் குறைந்து மழை பெய்யக்கூடும்.. தமிழ்நாடு வெதர்மேன்!
அமைச்சராகப் பதவியேற்றார் மனோ தங்கராஜ்.. மீண்டும் பால்வளத்துறையே ஒதுக்கீடு செய்யப்பட்டது!
{{comments.comment}}