மு.க.ஸ்டாலின் 70வது பிறந்த நாள்.. தெற்கை நோக்கி அணி திரளும் தலைவர்கள்!

Feb 26, 2023,04:49 PM IST

சென்னை: முதல்வர் மு.க.ஸ்டாலினின் 70வது பிறந்த நாளை இந்தியாவே திரும்பிப் பார்க்கும் வகையில் கொண்டாட திமுக தடபுடலாக தயாராகி வருகிறது. பல்வேறு அகில இந்தியத் தலைவர்கள் பிறந்த நாளுக்காக சென்னையில் குவியவுள்ளனர்.

முதல்வர் மு.க.ஸ்டாலினின் 70வது பிறந்த நாள் மார்ச் 1ம் தேதி கொண்டாடப்படுகிறது. இதை பிரமாண்டமாக கொண்டாட திமுக திட்டமிட்டுள்ளது. இதற்கு முக்கியக் காரணம் உள்ளது. பாஜகவுக்கு மிகப் பெரிய சவாலாக இருப்பது தென் மாநிலங்கள்தான். குறிப்பாக தமிழ்நாடும், கேரளாவும் பாஜகவை மிக தூரத்தில் வைத்துள்ளன.

கடந்த லோக்சபா தேர்தலில் பாஜகவுக்கு ஒரு வெற்றியைக் கூட கொடுக்காத மாநிலங்கள் இந்த இரண்டு மாநிலங்கள்தான். எனவே பாஜகவுக்கு இந்த இரு மாநிலங்களும் இரு கண்களிலும் விழுந்த தூசி போல உறுத்திக் கொண்டுள்ளது. இந்த நிலையில் வரும் 2024ம் ஆண்டு லோக்சபா தேர்தலில் இரு மாநிலங்களிலும் எப்படியாவது தாக்கத்தை ஏற்படுத்தி உள்ளே நுழைய பாஜக தீவிரமாக உள்ளது. இதனால் பல்வேறு வழிகளிலும் அது தீவிரமாக பாடுபட்டு வருகிறது.

இந்த நிலையில் பாஜகவுக்கு ஒரு அழுத்தமான பயத்தைக் கொடுக்கவும், எதிர்க்கட்சிகளை ஒருங்கிணைக்கவும், இந்த பிறந்த நாளை பயன்படுத்திக் கொள்ள திமுக நினைக்கிறது. இதன் காரணமாக ஸ்டாலின் பிறந்தநாளை எதிர்க்கட்சிகளின் பலத்தைக் காட்டும் வகையில் பல்வேறு ஏற்பாடுகளை திமுக செய்துள்ளது.

குண்டர்கள் ஓடி விளையாடிய.. உத்தரப்பிரதேசம்.. வேகமாக வளர்கிறது.. மோடி பெருமிதம்

மார்ச் 1ம் தேதி நந்தனம் ஒய்எம்சிஏ மைதானத்தில் பிரமாண்ட பொதுக்கூட்டம் நடைபெறுகிறது. இதில் காங்கிரஸ் தலைவர் மல்லிகார்ஜூன கார்கே, சமாஜ்வாடி தலைவர் அகிலேஷ்யாதவ், ஜம்மு காஷ்மீர் முன்னாள் முதல்வர் பரூக் அப்துல்லா, ராஷ்டிரிய ஜனதாதள தலைவரும், லாலு பிரசாத்தின் மகனுமான தேஜஸ்வி யாதவ் உள்ளிட்டோர் கலந்து கொள்கின்றனர்.

இந்த பொதுக்கூட்டத்தை ஒரு பிரமாண்ட மாநாடு போல நடத்த திமுக திட்டமிட்டு ஏற்பாடுகளைச் செய்துள்ளது. இதுதவிர பல்வேறு நலத் திட்ட உதவிகள் வழங்கும் விழா, விளையாட்டு விழாக்கள் உள்ளிட்டவற்றையும் திமுக ஏற்பாடு செய்துள்ளது. ஒரு புகைப்படக் கண்காட்சிக்கும் ஏற்பாடு செய்யப்பட்டுள்ளது. அதை மக்கள் நீதி மய்யம் கட்சித் தலைவர் கமல்ஹாசன் தொடங்கி வைக்கிறார்.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

SIR:முதலமைச்சர் மு.க.ஸ்டாலின் உடனடியாக அனைத்து கட்சி கூட்டத்தை கூட்ட வேண்டும்: திருமாவளவன்

ஆந்திராவில் பேருந்து விபத்தில் 20 பேர் பலி: விபத்திற்கான காரணமாக வெளிவந்த அதிர்ச்சி தகவல்

ஐஸ்லாந்தும் என் ஆளுகையில்.. ஒத்தக் கொசு.. மொத்த நாடும் அலறுதே.. க(ப)டிச்சுப் பாருங்க!

12 மாவட்டங்களுக்கு இன்றும், 6 மாவட்டங்களுக்கு நாளையும் கனமழைக்கு வாய்ப்பு: சென்னை வானிலை மையம் தகவல்

பாமக செயல் தலைவராக ஸ்ரீகாந்திமதி நியமனம்: பாமக நிறுவனர் டாக்டர் ராமதாஸ் அறிவிப்பு!

Cyclone Montha... அக்.,28ல் ஆந்திரா மாநிலம் காக்கிநாடா அருகே கரையை கடக்கிறது: வானிலை மையம் அறிவிப்பு

நெல்லின் ஈரப் பதம்.. தமிழ்நாட்டில் மத்தியக் குழு.. நாமக்கல் அரிசி ஆலையில் இன்று ஆய்வு

10 மற்றும் 12ம் வகுப்பு பொதுத்தேர்வு அட்டவணை நவ., 4ம் தேதி வெளியீடு: அமைச்சர் அன்பில் மகேஸ்!

காலையில் தினமும் கண் விழித்தால் கை தொழும் தேவதை... டீ.. ஆனால் வெறும் வயிற்றில் குடித்தால்??