சென்னை: சென்னை சூப்பர் கிங்ஸ் அணி மற்றும் பெங்களூரு ராயல்ஸ் சேலஞ்சர்ஸ் அணிகளுக்கு இடையேயான போட்டி வரும் 28ஆம் தேதி சென்னை சேப்பாக்கத்தில் நடைபெற உள்ள நிலையில், இந்த போட்டியைக்கான ஆன்லைன் டிக்கெட் முன்பதிவு இன்று காலை 10.15 மணிக்கு தொடங்குகிறது.
2025 ஆம் ஆண்டுக்கான 18 வது ஐபிஎல் லீக் தொடர் கடந்த 22ஆம் தேதி கோலாகலமாக தொடங்கியது. இதனைத் தொடர்ந்து கொல்கத்தா மற்றும் பெங்களூரு அணிகளுக்கு இடையேயான போட்டி நடைபெற்றது. இதில் பெங்களூரு அணி ஏழு விக்கெட் வித்தியாசத்தில் வெற்றி பெற்றது. இதில் பெங்களூர் அணி தனது முதல் வெற்றியையும் பதிவு செய்தது.
அதேபோல் நேற்று முன்தினம் சென்னை சூப்பர் கிங்ஸ் மற்றும் மும்பை இந்தியன்ஸ் அணிகளுக்கு இடையேயான போட்டி நடைபெற்றது. இதில் சென்னை சூப்பர் கிங்ஸ் அணி 4 விக்கெட் வித்தியாசத்தில் வெற்றி பெற்றது. இந்தப் போட்டி நடைபெறும் போது இறுதி 19 ஆவது ஓவரில் களமிறங்கிய தல தோனி விண்ணிங் சாட் அடிப்பார் என ரசிகர்கள் ஆவலுடன் எதிர்பார்த்தனர்.
ஆனால் இரண்டு பந்துகள் பிடித்த தோனி டிபன்ஸ் மட்டுமே வைத்து ரன் எதுவும் எடுக்கவில்லை. இறுதியில் ரச்சின் ரவிந்த்ரா ஒரு சிக்ஸ் அடித்து வெற்றியை நிலைநாட்டினார். சென்னை அணியின் முதல் போட்டியை காண லட்சக்கணக்கான ரசிகர்கள் ஒன்று திரண்டி உற்சாகமாக போட்டியை கண்டு களித்தனர். அதே சமயத்தில் தோனி ரன் எடுக்கவில்லை என்றாலும் பரவாயில்லை தல தரிசனத்தை கண்டு விட்டோம் என ரசிகர்கள் உற்சாகத்துடன் வலம் வந்தனர்.
இந்த நிலையில் சென்னை சூப்பர் கிங்ஸ் மற்றும் பெங்களூர் ராயல் சேலஞ்சர்ஸ் ஆகிய இரண்டு அணிகளும் தனது முதல் வெற்றியை பதிவு செய்துள்ள நிலையில், இந்த அணிகளுக்கு இடையேயான போட்டி வரும் 28ஆம் தேதி சென்னை சேப்பாக்கம் மைதானத்தில் நடைபெற உள்ளது. இந்த போட்டியை காண ரசிகர்கள் ஆர்வத்துடன் எதிர்பார்த்து காத்து வருகின்றனர்.
ஏனெனில் ஒரு முறை கூட கோப்பையை வெல்லாத விராட் கோலி தலைமையிலான ஆர்சிபி அணி இந்த முறையாவது கோப்பையை வெல்ல வேண்டும் என எதிர்பார்ப்பு அதிகரித்துள்ளது. அதேபோல் சிஎஸ்கே அணியில் தோனி இருக்கும்போதே பட்டத்தை வெல்ல வேண்டும் என்ற எதிர்பார்ப்பும் அதிகரித்து வருகிறது. இதில் யார் வெற்றி பெறுவார் அல்லது வேறு எந்த அணி வெற்றி வாய்ப்பை பெறும் என்ற எதிர்பார்ப்பு நாளுக்கு நாள் அதிகரித்துக் கொண்டே வருகிறது.
இந்த நிலையில் சென்னை சேப்பாக்கத்தில் வரும் 28ஆம் தேதி ஆர் சி பி மற்றும் சிஎஸ்கே போட்டிக்கான டிக்கெட் விற்பனை ஆன்லைனில் இன்று காலை 10:15 மணிக்கு தொடங்குகிறது. 10.15 மணிக்கு www.chennaisuperkings.com என்ற இணையதளம் வாயிலாக டிக்கெட்டுகளை முன்பதிவு செய்துக்கொள்ளலாம். ஒரு டிக்கெட்டின் விலை ₹ 1700 முதல் 7500 வரை நிர்ணயம் செய்யப்பட்டுள்ளது குறிப்பிடத்தக்கது.
இங்கிலாந்து சென்று தந்தை பெரியாரின் படத்தை திறந்து வைக்க போகிறேன்: முதல்வர் முக ஸ்டாலின் பெருமிதம்!
தேர்தலில் வெற்றி பெற்று ஆட்சியை தக்க வைக்க.. திமுக கையில் இருக்கும் 4 மேட்டர்!
டிரம்ப் வரியால் விபரீதம்..பங்குச் சந்தை முதலீட்டாளர்களுக்கு..2 நாட்களில் ரூ. 9.69 லட்சம் கோடி இழப்பு
அதிரடியாக ஒரே நாளில் 2 முறை உயர்ந்த தங்கம் விலை... சவரன் 76,000த்தை கடந்தது!
திராவிட அரசு பொய்யான, மோசடியான அறிவிப்புகளை வெளியிட்டு தமிழக மக்களை ஏமாற்றி வருகிறது: அன்புமணி!
கூட்டணி, விஜய் குறித்த கேள்வியை என்னிடம் கேட்காதீர்கள்: பிரேமலதா விஜயகாந்த் காட்டம்!
விஷால்- சாய் தன்ஷிகா நிச்சயதார்த்தம்...பிறந்தநாளில் எளிமையாக நடந்தது
திமுக - தேமுதிக கூட்டணிக்கு வேட்டு வைக்குமா.. தனலட்சுமி சீனிவாசன் கிட்னி முறைகேடு விவகாரம்?
Pillaiyar: விநாயகருக்கு பிள்ளையார் என்ற பெயர் வந்தது எப்படி?
{{comments.comment}}