பதினாறும் பெற்று பெருவாழ்வு வாழ்க.. அந்த 16 என்னன்னு தெரியுமா?

Jan 29, 2026,04:13 PM IST

- ப.ந.ராஜேஷ் கண்ணா

தை பிறந்தால் வழி பிறக்கும், ஆடிக்காற்றில் அம்மியும் நகரும் எனத் தமிழர்களின் வாழ்வில் பழமொழிகள் இரண்டறக் கலந்துள்ளன. அந்த வரிசையில், நாம் அடிக்கடி கேட்கும் ஒரு வாழ்த்து: பதினாறும் பெற்று பெருவாழ்வு வாழ்க!

இங்கே பதினாறு என்பது 16 குழந்தைகளைக் குறிப்பதல்ல; ஒரு மனிதன் தன் வாழ்வில் முழுமை பெறத் தேவையான 16 வகையான செல்வங்களைக் குறிக்கிறது. அபிராமி பத்தர் அருளிய 'அபிராமி அந்தாதி' பாடல் வரிகளின் அடிப்படையில் அந்த உன்னதமான 16 பேறுகளை விரிவாகக் காண்போம்.

அபிராமி பத்தர் தனது பாடலில், அன்னை அபிராமியிடம் வேண்டுவதாக அமைந்த அந்தப் பட்டியல் இதோ:

1. கலையாத கல்வி - மறக்கப்படாத, நிலையான அறிவு; எக்காலத்திலும் கைக்கொடுக்கும் கல்வி. 2. குறையாத வயது - நீண்ட ஆயுள்; முதுமையிலும் குறையாத உடல் வலிமை. 3. கபடு வாராத நட்பு - சூதுவாது இல்லாத, உண்மையான நண்பர்கள் கிடைத்தல். 4. குன்றாத வளமை - குறையாத செல்வம் மற்றும் செழிப்பான வாழ்க்கைச் சூழல். 5. குன்றாத இளமை - முதுமையிலும் இளமையான தோற்றமும், சுறுசுறுப்பான மனநிலையும். 6. கழுபிணி இலாத உடல் - தீராத நோய்கள் அற்ற ஆரோக்கியமான தேகம். 7. சலியாத மனம் - தோல்விகளால் சோர்வடையாத, எதற்கும் கலங்காத மன உறுதி. 8. அன்பு அகலாத மனைவி - ஒருவருக்கொருவர் விட்டுக்கொடுத்து வாழும் அன்பான வாழ்க்கைத்துணை. 9. தவறாத சந்தானம் - நற்பண்புகள் மிக்க பிள்ளைச் செல்வம்; வம்சம் தழைத்தல். 10. தாழாத கீர்த்தி - எக்காலத்திலும் மங்காத நல்ல புகழும் மரியாதையும்.11. மாறாத வார்த்தை - கொடுத்த வாக்கைக் காப்பாற்றும் நேர்மை மற்றும் வாய்மை. 12. தடைகள் வாராத கொடை - வறுமையின்றி மற்றவர்களுக்கு வாரி வழங்கும் வள்ளல் தன்மை. 13. தொலையாத நிதியம் - அழியாத சொத்துக்கள் மற்றும் முறையான நிதி மேலாண்மை. 14. கோணாத கோல் - நேர்மையான நிர்வாகத் திறன் மற்றும் நடுநிலை தவறாத பண்பு. 15. துன்பம் இல்லாத வாழ்வு - மன அமைதியைக் குலைக்கும் பெரும் துயரங்கள் இல்லாத வாழ்க்கை.16. துய்ய பாதத்தில் அன்பு - இவை அனைத்திற்கும் மேலாக, இறைவனின் திருவடியில் மாறாத பக்தி.

சில இலக்கிய ஆதாரங்களில், வாழ்வின் அடிப்படைத் தேவைகளை மையமாகக் கொண்டு கீழ்க்கண்ட 16 பேறுகளும் குறிப்பிடப்படுகின்றன: புகழ், கல்வி, வீரம், வெற்றி, குழந்தை, துணிவு, செல்வம், தானியம், இன்பம், ஞானம், அழகு, சிறப்பு, குடியிருப்பு, நோயின்மை, நலமனம், நீண்ட ஆயுள்.

இவை ஒரு மனிதனின் உடல், மனம், செல்வம், குடும்பம் மற்றும் ஆன்மீகம் என அனைத்து அம்சங்களையும் உள்ளடக்கியவை.

பதினாறும் பெற்று பெருவாழ்வு வாழ்க என்பது வெறும் வாழ்த்து மட்டுமல்ல; அது ஒரு முழுமையான வாழ்க்கையின் வரைபடம். பொருள் செல்வம் மட்டுமே வாழ்க்கை ஆகாது; நல்ல உடல்நலம், தெளிந்த அறிவு, சிறந்த நட்பு, மாறாத பக்தி ஆகிய அனைத்தும் சேரும்போதுதான் ஒரு மனிதன் இப்பூமியில் பாக்கியசாலியாகக் கருதப்படுகிறான்.

இந்த 16 பேறுகளையும் பெற்று, உங்கள் வாழ்வு வசந்தமாக அமையட்டும்!

(RAJESH KANNA.B N, M.Sc.,M.A.,M.A., B.Ed., PGD G&C, CELT., BT Asst, GMHSCHOOL, TIRUR, IRUVALLUR DISTRICT)

செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்

சமீபத்திய செய்திகள்

அக்கறையற்ற அமைச்சரின் பேச்சு... வேதனைக்குரியது மட்டுமல்ல கண்டனத்திற்குரியதும்: எடப்பாடி பழனிச்சாமி

நெல்லை தொகுதியையும், என்னையும் பிரித்து பார்க்க முடியாது: நயினார் நாகேந்திரன்

டி20 உலகக் கோப்பை: இந்தியாவைப் புறக்கணிக்கும் முடிவில் பாகிஸ்தான் தீவிரம்?

ஒரே நாளில் சவரனுக்கு ரூ.9,520 உயர்ந்த தங்கம் விலை... அதிர்ச்சியில் உறைந்த வாடிக்காயாளர்கள்!

நான் ரெடி.. அருமை அண்ணன் இபிஎஸ்ஸுடன் பேச டிடிவி தினகரன் தயாரா.. ஓ.பி.எஸ். அதிரடி சவால்!

பிப்ரவரி 3ம் தேதி கூட்டணியை அறிவிக்கும் தேமுதிக.. யாருடன் இணைகிறது?

தமிழக வாக்காளர் பட்டியல் 2026...பெயர் சேர்க்க 10 நாட்கள் கால அவகாசம் நீட்டிப்பு

மதுக்கடைகளை நிரந்தரமாக மூட வேண்டும்... பாமக நிறுவனர் டாக்டர் ராமதாஸ் வலியுறுத்தல்

இந்தியாவில் வி.ஐ.பி பாதுகாப்பு முறைகள்.. என்னெல்லாம் இருக்கு தெரியுமா?

பதினாறும் பெற்று பெருவாழ்வு வாழ்க.. அந்த 16 என்னன்னு தெரியுமா?

Comments

சமீபத்திய செய்திகள்

அதிகம் பார்க்கும் செய்திகள்