தமிழ்நாட்டில்.. இன்று முதல்.. 25ம் தேதி வரை மிதமான மழைக்கு வாய்ப்பு.. வானிலை மையம் தகவல்!
சென்னை: தமிழ்நாட்டில் இன்று முதல் வரும் 25ஆம் தேதி வரை பரவலாக மிதமான மழை நீடிக்கும் என சென்னை வானிலை ஆய்வு மையம் அறிவித்துள்ளது.
தமிழ்நாட்டில் நேற்று அனேக இடங்களில் மிதமான கனமழை கொட்டி தீர்த்தது. அதில் திண்டுக்கல் மற்றும் அதன் சுற்றுவட்டார பகுதிகளில் சுமார் ஒரு மணி நேரமாக கனமழை நீடித்தது. அதேபோல் கோவை மாவட்டத்தில் பெய்த கனமழையால் பஞ்சலிங்க அருவிகளில் காட்டாற்று வெள்ளம் ஏற்பட்டது.இதனால் திருமூர்த்தி மலை அடிவாரத்தில் உள்ள கோயிலை மழை நீர் சூழ்ந்தது.
கரூர் மாவட்டம் குளித்தலை பகுதியில் கனமழை வெளுத்து வாங்கியதில் அய்யர்மலை, ரத்னகிரீஸ்வர் மலையில் உள்ள கோயில் படிக்கட்டுகளில் மழை நீர் அருவி போல் கொட்டியது. அதே சமயம் தேனி, ஆண்டிப்பட்டி, உதகை, மதுரை, உள்ளிட்ட பல பகுதிகளில் பரவலாக கன மழை பெய்தது. குறிப்பாக உதகையில் கடந்த 24 மணி நேரத்தில் அதிகபட்சமாக 5.3 சென்டிமீட்டர் மழை பெய்துள்ளது.
இந்த நிலையில் தென்னிந்திய பகுதிகளின் மேல் நிலவும் வளிமண்டல கீழடுக்கு சுழற்சி காரணமாக தமிழ்நாட்டில் இன்று முதல் வரும் 25 ஆம் தேதி வரை மிதமான மழை நீடிக்கும் என சென்னை வானிலை ஆய்வு மையம் அறிவித்துள்ளது.
மேலும் கோவை, சேலம், கிருஷ்ணகிரி, நெல்லை, தென்காசி, கன்னியாகுமரி, தேனி, திண்டுக்கல், திருப்பூர், நீலகிரி, கிருஷ்ணகிரி, நாமக்கல், ஈரோடு, ஆகிய 13 மாவட்டங்களில் இன்று கனமழை பெய்ய வாய்ப்புள்ளது.
சென்னையில் பொறுத்தவரை அடுத்த 24 மணி நேரத்தில் வானம் ஓரளவு மேகமூட்டத்துடன் காணப்படும். நகரின் ஒரு சில பகுதிகளில் இடி மின்னலுடன் கூடிய லேசானது முதல் மிதமானது வரை மழை பெய்யக்கூடும் எனவும் தெரிவித்துள்ளது.
செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்
சமீபத்திய செய்திகள்
இனி ஜில் ஜில் கிளைமேட் தான்.. தென்மேற்கு பருவ மழை முன்கூட்டியே தொடங்குமாம்.. வானிலை மையம் கணிப்பு..!
பிளஸ் டூ தேர்வு முடிவுகள்.. நாளை மறுநாள் வெளியாகிறது.. ஆர்வத்தில் மாணவர்கள்!
IPL 2026.. CSKவில் யாருக்கெல்லாம் கெட் அவுட்.. யாரெல்லாம் நீடிப்பாங்க?.. A quick analysis!
நாடு முழுவதும் அனைத்து மாநிலங்களிலும்.. நாளை போர்க்கால ஒத்திகை.. மத்திய அரசு அறிவிப்பு!
இந்தியாவுடன் மோதல் போக்கு.. பாகிஸ்தான் பொருளாதாரத்தை கடுமையாக பாதிக்கும்.. மூடிஸ் எச்சரிக்கை
நுங்கு சாப்பிடலையோ நுங்கு.. வந்தாச்சு சீசன்.. வாங்கி சாப்பிட்டு ஜில்லுன்னு இருங்க!
இன்ஜினியரிங் படிப்பில் சேர நாளை முதல் விண்ணப்ப பதிவு தொடக்கம்.. தொழிற்கல்வி இயக்குனரகம்!
தமிழகத்தில் இன்று ஒரிரு இடங்களில்.. டமால் டுமீலுடன் மழைக்கு வாய்ப்பு.. தமிழ்நாடு வெதர்மேன்
கொளுத்தும் கோடை காலத்தில்.. உடம்பை குளிர்ச்சியாக வைத்துக் கொள்ள என்ன குடிக்கலாம்..?
