மினு மினுங்கும் நட்சத்திரம் கரு கருவெனும் வானம் பள பளக்கிறது இரவு!

Su.tha Arivalagan

Aug 13, 2026,04:57 PM IST

- சசிகலா விஸ்வநாதன்

(இரட்டைக் கிளவி துளிப்பாக்கள்)

பளபளவெனும் மின்னல்

மடமடவென சரிகிறது

படபடவென மழை

மினு மினுங்கும் நட்சத்திரம்

கரு கருவெனும் வானம்

பள பளக்கிறது இரவு

வரிவரியாய் மேகங்கள்

விதவிதமாய் வானத்தில்

அழகழகாய் கோலங்கள்

செவேல் செவேலெனும் சூரியன்

பசேல் பசேலெனும் நிலமகள்

உளேன் உளேனெனும் நான்

குபுகுபுவெனும் அருவி

சுறு சுறுவெனும் சுனை

குளுகுளு குற்றாலம்

(சசிகலா விஸ்வநாதன் - தடய அறிவியல் துறையில் உதவி இயக்குநராக பணி நிறைவில் இருக்கும் முதியவள். அதிகம் அறியப்படாத நான்; இரண்டு வருடங்களாக ஓய்வு நேரத்தில் கவிதைகளும் சிறுகதைகளும் எழுதிக்கொண்டு இருக்கிறேன் . எனது கதைகளும், கவிதைகளும் ,தமிழ் நெஞ்சம்; வானமே எல்லை; கொலுசு;மலர் வனம்; சக்தி பெண்ணிதழ்; ஆகியவற்றில் வெளியாகின்றன. புஸ்தகா நிறுவனம் மூலம் இது வரை நான்கு கதை தொகுப்புகளை வெளியிட்டுள்ளேன்)