காதல் .. ஏதுமின்றி சென்றாலும் யாதுமாகி நின்றிடும்!

Su.tha Arivalagan

Aug 13, 2026,04:24 PM IST

- கவி கலை

சுடராக மனதில் விளைந்த

சுவடு நீ!

சாரலாக மனதில் விழுந்த

துளி நீ!

கவியாக மனதில் கரைந்த

காவியம் நீ!

தூரம் பிரிவுக்கு மட்டுமல்ல,

புரிதலுக்கும் தான் ,

வாழ்க்கை வாழ மட்டுமல்ல

வழங்குவதற்கும் தான்.

காதல் தொடுதல் மட்டுமல்ல

தொடர்வதற்கும் தான்.

காதல்,

போதும் என்றாலும் பொங்கிடும்,

வேண்டாம் என்றாலும் வென்றிடும்

விலகிச்சென்றாலும் விரைந்திடும்

மறைந்திடு என்றாலும் மலர்ந்திடும்,

ஏதுமின்றி சென்றாலும் யாதுமாகி நின்றிடும்,

முரணாக இருந்தாலும்,

முளைத்திடும் .

(சொ.கலையரசி, மதுரை மாவட்டம் வாடிப்பட்டியைச் சேர்ந்தவர். தாய் CBSE பள்ளி வேதியியல் ஆசிரியையாக 3 ஆண்டுகள் பணிபுரிந்து வருகிறார். கடந்த இரண்டு ஆண்டுகளாக "எழுதுக" என்னும் புத்தகம் எழுதும் இயக்கத்தோடு இணைந்து எழுத்துப்பணியாற்றி வருகிறார். 1. புழுதிமண் கவிதைத்தொகுப்பு, 2. உடைந்தும் உருவெடு குறுநாவல் என இரு நூல்களைப் படைத்துள்ளார். இறையன்பு IAS முன்னிலையில் அவை வெளியிடப்பட்டன.)