தனிமையின் கனிமை

Su.tha Arivalagan

Nov 14, 2026,11:19 AM IST

- சசிகலா விஸ்வநாதன்

தனிமையைத் துய்ப்பவன்,

இனிமையையும் துய்ப்பான்.

தனிமையை இயல்பாய்

கொள்ளும் அவன்;

முனிதல் ஏதுமின்றி

தனித்திருப்பான்; அவன்.

தனியே இயங்கும் அவன்;

தனித்துவம் பெற்று உயர்வான்.

அகம் மலர;

தனிமையில் கனியும்

இனிமையில் சுகித்திருப்பான்;

ஆரவாரமற்ற அமைதியில்!

தனிமை..

அது பெரும் தனிச் சுவை என்றே

பசித்திருந்தவர் போல்

தனிமையை சலிப்பின்றி ருசிப்பார்.

மனம் கசிந்தே இருப்பார்..

தனித்தே..

இனித்தே...

இனியும்

தனிமை இனிமை என

இருப்பார்!

(சசிகலா விஸ்வநாதன் - தடய அறிவியல் துறையில் உதவி இயக்குநராக பணி நிறைவில் இருக்கும் முதியவள். அதிகம் அறியப்படாத நான்; இரண்டு வருடங்களாக ஓய்வு நேரத்தில் கவிதைகளும் சிறுகதைகளும் எழுதிக்கொண்டு இருக்கிறேன். எனது கதைகளும், கவிதைகளும், தமிழ் நெஞ்சம்; வானமே எல்லை; கொலுசு;மலர் வனம்; சக்தி பெண்ணிதழ்; ஆகியவற்றில் வெளியாகின்றன. புஸ்தகா நிறுவனம் மூலம் இது வரை நான்கு கதை தொகுப்புகளை வெளியிட்டுள்ளேன்)